Ամեն ինչ արվում է մեր զինվորի վերադարձի հնարավորության համար. Ապիտոնյան
Խորհրդարանում «Բարգավաճ Հայաստան» կուսակցության պատգամավոր Սերգեյ Բագրատյանը Արտաքին գործերի նախարարի տեղակալ Արտակ Ապիտոնյանից հետաքրքրվեց Ադրբեջանի տարածքում հայտնված և գերի ընկած զինծառայող Արայիկ Ղազարյանից։
Ի պատսխան փոխարտգործնախարարն ասաց. «Մեր զինվորի վերադարձի հետ կապված բանակցությունները գնում են և Մինսկի խմբի համանախագահության շրջանակների, և անմիջականորեն Երևանում և Բաքվում տեղակայված Կարմիր խաչի գրասենյակների միջոցով»։
Ապիտոնյանը նշեց, որ հաշվի առնելով խնդրի կոնֆիդեցիալությունը չի կարող շատ մանրամասներ տրամադրել, սակայն աշխատանքները գտնվում են իրենց ամենօրյա ուշադրության կենտրոնում։
«Մեր ամենահրատապ խնդիրներից մեկն է, ամեն ինչ արվում է վերադարձի հնարավորության համար։ Զինվորի ընտանիքի հետ կապը կառավարության մակարդակով ամենօրյա է, այդ թվում նաև արտաքին գործերի նախարարության մակարդակով»։
Հիշեցնենք, որ Արցախի Հանրապետության ՊՆ տարածած հաղորդագրության համաձայն, օգոստոսի 12-ին, ժամը 12:00-ի սահմաններում, ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքերում, մարտական դիրքը լքել է զինծառայող, 2000թ. ծնված Արայիկ Հայկի Ղազարյանը:
Հարակից հրապարակումներ`
- Արցախի ՄԻՊ-ը դատապարտում է Արայիկ Ղազարյանին հանրային հետաքրքրասիրության առարկա դարձնելու Ադրբեջանի քայլերը
- Ներքին համոզմունք ունեմ, որ զինծառայողն ուղղակի մոլորվել է. Տոնոյան
- Կարմիր խաչի միջազգային կոմիտեն դեռ չի տեսակցել Ադրբեջանում հայտնված հայ զինծառայողին. ՄԻՊ
- Ադրբեջանական ստահոդ պնդումների նպատակը հայ զինվորի կերպարը նսեմացնելն է. ԱՀ ՊՆ
- ԱՀ ՊՆ․ Զինծառայողը լքել է դիրքը ու հայտնվել Ադրբեջանում
Լրահոս
Տեսանյութեր
«Ազատություն քաղբանտարկյալներին». ակցիա՝ Հայաստանում ԵՄ պատվիրակության գրասենյակի դիմաց