Ձեր վստահելի աղբյուրը

«Բաց հասարակության հիմնադրամներ-Հայաստան» կազմակերպության գրասենյակի առջև այսօր «ՎԵՏՕ» նախաձեռնության կազմակերպած հերթական ակցիայի ընթացքում բացվեց Ջորջ Սորոսի գիպսե  արձանը։

Նախաձեռնության հիմնադիր Նարեկ Մալյանը թակեց գրասենյակի դարպասը, տեղեկացրեց. «Ժողովուրդ ձեր տիրոջ՝ Ջորջ Սորոսի արձանն ենք բացում, հրավիրում ենք մասնակցելու»։
Պատասխան չեղավ, արձանի բացումը տեղի ունեցավ առանց կազմակերպության ներկայացուցիչների մասնակցության։

«Մենք արդեն տասներկու օր է՝ այստեղ են։ Նրանք հրաժարվում են որևէ հարցի պատասխանել։ Մենք այստեղ երկեր ենք մնալու»,-ասաց Մալյանը։

Հարցին, թե ինչո՞ւ նման մտադրություն առաջացավ, նախաձեռնության ղեկավարը պատասխանեց. «Ինչպես գիտեք, Լենին պապին մեռել է, բայց Սորոս պապին ողջ է ու մեր երկրում շատ ակտիվ իրականացնում է պետականաքանդ գործունեություն, բավականին մեծ, բազմավեկտոր գործակալական ցանց է  ստեղծել մեր երկրում։ Բլոկն ունի իր ուժային բլոկը, որոնց անվանում եմ Սորոսի ծռեր։ Սորոսի գրասենյակն ունի լուրջ ներկայացվածություն ԱԺ-ում, դրանք մարդիկ են, որոնք ենթարկվում են այս գրասենյակին, ստանում են հրահանգներ, իրականացնում են։ Այս գրասենյակն ունի լուրջ ներկայացվածություն գործադիրում, ունի այսպես կոչված բնապահպանական բլոկ»։

Նրա խոսքով, հիմա «գրասենյակի վարձկաններին» հրահանգված է շրջանառության մեջ դնել պետության զավթման մասին թեզը, որի նպատակն է զրոյացնել նորանկախ Հայաստանի պատմությունը։

«Դա եղել է Վրաստանում, Ուկրաինայում։ Այդ թեզի համաձայն, Եռաբլուրում պառկած մարդիկ, համարվում է, սեպ են խրել հայ-ադրբեջանական եղբայրության մեջ։ Բոլոր այն մարդիկ, ովքեր հանդես են գալիս բանակի, պետության շահերից, ըստ այս գրասենյակի, համարվում են վատ մարդիկ»,-ասաց նա՝ ավելացնելով, որ ըստ էության, Ջորջ Սորոսը հեծել է երկրին ու խեղդում Հայաստանի Հանրապետությունը։

Նրա ներկայացմամբ, այսքանից հետո շատ կարևոր է արձանի բացումը, որպեսզի մարդիկ դեմքով ճանաչեն նրան։

Լուսանկարները՝ Մալյանի ֆեյսբուքյան էջից։