Ձեր վստահելի աղբյուրը

Կիրակի արևածագից սկսած հրեաները սկսել են տոնել Ամանորը,. 5780 թիվը ՝ հրեական տոնացույցով: Այս տոնացույցով օրերը հաշվում են մայրամուտից  մայրամուտ՝   Թորայի համաձայն, որտեղ մասնավորապես ասվում է. «Եվ երեկո եղավ, և եղավ առավոտ ՝ մի օր»:

Համաձայն հրեական ժամանակագրության ՝ տարվա առաջին ամսվա առաջին օրը( որը կոչում են տիշրեյ)  դիմավորում են Ռոշ Հաշանա Նոր Տարին: Այն նշվում է ի պատիվ աշխարհի արարման:

Ռոշ Հաշանան նշում են երկու օր ՝ տիշրեյ ամսի առաջին և երկրորդ օրերը (ընկնում է սեպտեմբեր կամ հոկտեմբեր ամիսներին): Տեղեկացնում է ՏԱՍՍ-ը:  Այդ օրերին արգելված է որևէ աշխատանք անել, բացի ուտելիք պատրաստելուց: Տոնական սեղանին ընդունված է դնել մեղրով խնձոր , քաղցրավենիք, գազարից պատրաստված ուտեստներ, դդում, բազուկ, ինչպես նաև ձկան կամ խոյի  գլուխ: Այն սիմվոլիկ է, քանի որ  Ռոշ Հաշանա թարգմանաբար նշանակում է  «Տարվա գլուխ»:

Ենթադրվում է, որ Ռոշ Հաշանան նշվում է  երկրի արարման  վեցերորդ  օրը, երբ Աստված ստեղծեց մարդուն: Ամանորը տալիս  է  հրեական աշնանային տոների մեկնարկը :  Մի քանի օր անց նշվում է հաջորդ տոնակատարությունը՝  Յոմ Կիպուր (դատաստանի օրը), որին հաջորդում է յոթօրյա տոնը ՝ Սիկկոթը: Այս տարի  օրացույցում  Ռոշ hա Շանան  տոնում են  հոկտեմբերի  1-2-ը :

Հատկանշական է, որ  տոն օրերին ընդառաջ  Իսրայելի պետական վիճակագրական ծառայությունը ավանդաբար հրապարակում է երկրի  դեմոգրաֆիկ պատկերը: Այսպես՝ Իսրայելը հրեական տոնացույցով Նոր տարին  դիմավորում է 9,092 մլն  բնակությամբ: Տասներկու ամսվա ընթացքում  երկրում բնակչության թիվն աճել է 184 հազարով կամ էլ  2,1%-ով: