ՀՀ-ում ԵՄ դեսպանը երիտասարդներին․ Գնացեք ձեր երազանքների հետևից, մի թույլ տվեք մարդկանց կանգնեցնել ձեզ
«Մեր նպատակն է բարելավել Հայաստանի քաղաքացիների բարեկեցությունը, այդ իսկ պատճառով մենք աջակցում ենք ՀՀ-ում բարեփոխումներին։ Մենք աջակցում ենք Հայաստանին գիտելիքահեն տնտեսություն ունենալու հիմնական ոլորտներում։ Այդ իսկ պատճառով էլ անհրաժեշտ է մեր կողքին ուեննալ ինչպես կառավարությանը, այնպես է քաղաքացիական հասարակությանն ու երիտասարդությանը։ Սա նշանակում է, որ մենք պետք է աջակցենք ձեռնարկատիրությանը, նորարարություններին՝ որպես գիտելիքահեն տնտեսության հիմք, կրթությանը, որը շատ կարևոր է, համագործակցությունը տարածաշրջաններում․ Երևանն ամենը չէ»,- այսօր այս մասին ասաց Հայաստանում Եվրամիության նորանշանակ դեսպան Անդրեա Վիկտորինը՝ «Open East MediaThink Tank» քննարկմանը, որում ներկայացվեցին ԵՄ ֆինանսավորմամբ Հայաստանում իրականացված ու ընթացիկ ծրագրերը։
Դեսպանը կարևորեց փոքր և միջին ձեռնարկատիրությունն (ՓՄՁ) ու հավելեց․ «Ես գերմանացի եմ ու կարող եմ ասել, որ յուրաքանչյուր հաջող տնտեսության ողնաշարը ՓՄՁ-ներն են, ինչը նշանակում է, որ ԵՄ-ն աջակցում է նախաձեռնող երիտասարդներին, ինչը շարժում է տնտեսությունն ու հասարակությունը»։
«Կրթությունը ձեր հասարակությունում փոփոխությունների աղբյուրն է և այն է, որ բերում է ձեզ ապագան։ Մի բան ասեմ, նախկինում ես ուսուցչուհի էի, և երբ ես այստեղ էի 10 տարի առաջ, ես այլ գաղափարներ ունեի, թե ինչպես կրթել երիտասարդներին, քան որ արվում էր ինստիտուտներում, քան հիմա է։ Սա նշանակում է, որ բացի լավ կրթությունից դպրոցում, մեզ անհրաժեշտ է տաղանդավոր երիտասարներին հնարավորություն տալ լավ կրթություն ստանալ դպրոցից հետո։ Եթե համեմատեք կրթությունը ասենք ավտորիտար ու ժողովրդավարական երկրներում, կտեսնեք տարբեր չափանիշներ։ Ես ուզում եմ, որ երիտասարդներն ունենան նոր մտքեր, որոնք հակադրվում են հնին ժամանակակից աշխարհում, ինչը շատ կարևոր է։ Մեզ անհրաժեշտ են թարմ ուղեղներ, որոնք ունեն սեփական գաղափարներ։ Ընդունենք, որ ոչ բոլոր ռեժիմներում է սա ցանկալի»,-ասաց դեսպանը, հավելելով, որ ցանկանում են աջակցել ՀՀ-ում բարձրագույն կրթության զարգացմանը։
Դեսպանը նշեց ԵՄ կողմից ֆինանսավորվող կրթական ծրագրերը, որոնցից են Erasmus+, Horizon2020-ը։ ԵՄ-ն ստեղծում է նոր գիտական մոտեցումներ, որոնք նոր հնարավորություններ ու աշխատատեղեր կստեղծեն։ Դեսպանն առանձնացրեց արդեն առկա 2 կարևոր համագործակցության ծրագրերը ԵՄ երկրների ու ՀՀ բժշկական համալսարանի ու ֆիզիկայի ինստիտուտի հետ։
«Սա շատ լավ հնարավորություն է ու մենք ցանկանում ենք ավելին անել այս ուղղությամբ ու սպասում ենք ավելի շատ գաղափարների ու դիմումների»,-ասաց դեսպանը։
Դեսպանի խորհուրդն է երիտասարդներին․ «Գնացե՛ք ձեր երազանքների հետևից, մի՛ թույլ տվեք մարդկանց կանգնեցնել ձեզ, ովքեր ասում են՝ մի՛ փորձեք, գնացեք ավանդական ճանապարհով։ Սա առաջընթաց չի բերում։ Միայն եթե ունենանք նորարար, ստեղծարար ու խիզախ մարդիկ, կունենանք հաջողություն»։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ