Ձեր վստահելի աղբյուրը

Ուկրաինայի գործող նախագահ Վլադիմիր Զելենսկին հայտարարել է, թե Ուկրաինայի նախկին նախագահ Պյոտր Պորոշենկոն դրդում է մարդկանց մայդան անցկացնել ընդդեմ Զոլոտոյում և Պետրովսկում ուժերի և միջոցների տարածման:

Զելենսկիի խոսքերով, Պորոշենկոյի կոչի հետևանքով զանգվածային ակցիաների կազմակերպման դեպքում, արյունահեղություն չի լինի:

«Նա դեմ է ուժերի ծավալմանը, և նրան թվում է, որ դրա հետ կապված մայդան կլինի: Նա դրդում է  մարդկանց իր ԶԼՄ-ների ու գործողությունների միջոցով»,- Իզվեստիայի հաղորդմամբ՝ ասել է Վլադիմիր Զելենսկին լրագրողներին:

Ուկրաինայի նախագահը նաև հաղորդել է, որ ինքը պատրաստ է այն մարդկանց հետ երկխոսության, որոնք մայդան են դուրս գալիս:

Դոնբասի հարցով կոնտակտային խումբը հոկտեմբերի 1-ին ստորագրել էր «Շտայնմայերի բանաձևը»: Փաստաթուղթն Ուկրաինայում ոչ միանշանակ արձագանք էր առաջացրել:  Քաղաքական գործիչներն այն սպառնալիք ու ծուղակ են անվանում: Բանաձևը նախատեսում է տեղական ընտրությունների անցկացում Լուգանսկի և Դոնեցկի ինքնահռչակ հանրապետություններում:

Փաստաթղթում ասված է, որ ուկրաինական կողմը պետք է հատուկ օրենք ընդունի, ըստ որի իր կողմից չվերահսկվող տարածքներում կանցկացվեն ընտրություններ, որոնց օրը ժամանակավորապես ուժի մեջ կմտնի Դոնբասսի հատուկ կարգավիճակի մասին օրենքը: Այն մշտական կդառնա այն դեպքում, երբ կհրապարակվի զեկույցը ընտրությունների անցկացման և դրանց՝ ժողովրդավարության չափանիշներին համապատասխանելու վերաբերյալ: Տեքստում չկա կետ զորքերի դուրսբերման կամ սահմանի վերահսկողությունն Ուկրաինային փոխանցելու վերաբերյալ: