Տեսախցիկ պահելը՝ արդարադատության իրականացմանը խոչընդոտել
ՀՀ վերաքննիչ քրեական դատարանը մերժեց ՀՀ երկորրդ նախագաh Ռոբերտ Քոչարյանի աջակիցներից Սարգիս Օհանջանյանին կալանավորելու՝ առաջին ատյանի դատարանի որոշման դեմ ներկայացված բողոքը։
«Բովաnդակային տեղյակ չենք, գիտենք այն, որ մերժեց: Գրավի վերաբերյալ էլ, փաստորեն, մերժումը ստացել ենք: Բացատարություն, ողջամիտ հիմնավորում չունեմ»,- լրագրողների հետ զրույցում ասաց Ս. Օհանջանյանի պաշտպան Արամ Վարդևանյանը:
Նրա խոսքով, տպավորությունն այնպիսին էր, որ Ս. Օհանջանյանի մասով կալանավորումը չի կարող խափանման միջոց լինել. «Եթե ենթադրենք, Նարեկ Մութաֆյանի դեպքում փորձում են ներկայացնել այդ զրույցի հատվածը, Սարգիս Օհանջանյանը ոչ մի արտահայտություն չի արել, որը հաստատված հանգամանք է, վեջինս ձայն երբևէ չի հանել: Փաստորեն, Վերաքննիչ դատարանը ևս հաստատված համարեց հիմնավոր կասկածի առկայությունը, որ տեսախցիկ պահելով հնարավոր է արդարադատության իրականացմանը խոչընդոտել, միջամտել»:
Հիշեցնենք, որ Վերաքննիչ քրեական դատարանն այսօր մերժել էր նաև Ն. Մութաֆյանի պաշտպանի ներկայացրած բողոքն ու օրինական ուժի մեջ է թողել առաջին ատյանի դատարանի՝ նրա նկատմամբ ընտրված խափանման միջոց կալանավորումը:
Ա. Վարդևանյանն ասաց, որ այս դատական ակտերն իր համար մասնագիտական առումով անհասկանալի են:
«Արդարադատության իրականացմանը խոչընդետելը միջին ծանրության հանցագործություն է, այնպես չէ, որ իրենից ենթադրում է սոսկ ենթադրության կամ զգայական տիրույթում գտնվող գնահատական, պետք է լինեն լուրջ ապացույցներ, փաստացի հենց արդարադատության իրականացմանը խոչընդոտելու հանգամանք»,- ասաց փաստաբանը:
Նա հիշեցրեց, որ այդ ժամանակ դատավոր Աննա Դանիբեկյանը գտնվում էր արձակուրդում:
«Եթե դատավորն արձակուրդում է գտնվում, արդյո՞ք նա այդ ժամանակ արդարադատություն իրականացնող է: Ես ինքս գտնում եմ, որ դատավորները պետք է լինեն շատ ավելի պաշտպանված թե իրենց օրենսդրական երշխիքների, թե վերաբերմունքի տեսանկյունից, բայց նաև չպետք է ծայրահեղացվի քրեաիրավական տեսանկյունից, իսկ սա որոշակիորեն ծայրահեղացում է»,- ասաց Ա. Վարդևանյանը:
Հիշեցնենք, որ Ն. Մութաֆյանն Սարգիս Օհանջանյանին կալանավորել են ՀՀ երկորրդ նախագա Ռոբերտ Քոչարյանի նկատմամբ քրեական գործը քննող դատավոր Աննա Դանիբեկյանին՝ «Դուք դռան տակ վնգստացող դատավոր Ձեզ համարո՞ւմ եք» հարցը ուղիղ եթերում տալու և դատավորին մինչև դատարան ուղեկցելու համար։
Նրանց նկատմամբ հարուցվել է քրեական գործ՝ ՀՀ քրեական օրենսգրքի 343-րդ հոդվածի 3-րդ մասի հատկանիշներով (Դատարանի նկատմամբ անհարգալից վերաբերմունքը, որը դրսևորվել է պաշտոնեական լիազորությունների իրականացման առնչությամբ դատավորին վիրավորելով, պատժվում է տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ կալանքով՝ երկուսից երեք ամիս ժամկետով):
Հարակից հրապարակումներ`
- Նարեկ Մութաֆյանը կմնա կալանավորված
- Փաստաբան. Ժամ առաջ Նարեկ Մութաֆյանն ու Սարգիս Օհանջանյանը պետք է ազատ արձակվեն
- Ակցիա. Հայաստանում բռնապետություն է ու վախի մթնոլորտ
- Լևոն Քոչարյան. Շատ ակնհայտ ու ճչացող են այս ապօրինությունները
- Փաստաբան. Նարեկ Մութաֆյանի և Սարգիս Օհանջանյանի կալանավորումը տեղի է ունեցել օրենքի կոպտագույն խախտումներով
- ՔԿ. Դատավոր Դանիբեկյանի գործով երկու անձի կալանավորելու միջնորդություն է ներկայացվել
- «Աննա Դանիբեկյանի նկատմամբ անհարգալից վերաբերմունք դրսևորելու դեպքի առթիվ» ՔԳ-ով երկու անձ ձերբակալվել է