Փրկարար ավիացիա ունենալն անհրաժեշտություն է
Հայաստանի պետական ավիացիան շատ սուղ է, գործող պետական ավիացիան ամբողջությամբ ռազմական է և ՊՆ ենթակայության տակ է: Այսօր Հայաստանում չկա փրկարար ավիացիա: Եթե ունենայինք, հրդեհաշիջող օդանավ, ապա չէինք ունենա զոհ, իսկ խոշոր հրդեհների հասցրած վնասներն անհամեմատ քիչ կլինեին: Յուրաքանչյուր խոշոր դեպքից հետո պետական այրերից լսում ենք, որ ծրագիր կա ավիացա ձեռք բերելու, սակայն տարիներն անցնում են ու այդպես էլ սայլը տեղից չի շարժվում:
Օրինակ՝ Խոսրովի արգելոցի մի քանի օր տևած հրդեհից հետո, որը հաջողվեց մարել ռուսական ԻԼ-76-ի օդանանավի օգնությամբ, քանի որ արգելոցի ռելիեֆը դժվարություններ էր ստեղծում մարդկային ուժի գործունեության համար և շատ վայրերում անհնար էր դառնում հրդեհի մարումը: Միայն այս դեպքը չէ, Հայաստանում քիչ չեն չորային գոտիները և յուրաքանչյուր տարի հատկապես ամռան ամիսներին, հրդեհից խուսափել չի լինում: Այս տարի էլ Սյունիքի մարզի «Շիկահող» արգելոցի տարածքում բռնկված հրդեհը մարելու համար ուղղաթիռ էր հարկավոր՝ կրկին լեռնային գոգավությունների և դժվարանցանելիության պատճառով մարդկային ռեսուրսների միջոցով հրդեհաշիջման գործընթացը ձգձգվում էր: Եվ այսպես կարելի է դեռ շատ թվել:
Փաստն այն է, որ Հայաստանի պայմաններում հնարավոր հրդեհի դեպքում ավիացիայի առկայությունն ուղղակի անհրաժեշտություն է, սակայն այս ուղղությամբ դեռևս շոշափելի քայլեր չենք տեսնում: Արտավանի և Խոսրովի խոշոր հրդեհներից հետո եղան հայտարարություններ առ այն, որ միջազգային կառույցների հետ համագործակցության ծրագիր կա՝ ավիացիա ձեռք բերելու: Սակայն այդ ծրագիրը, ինչպես հաճախ է պատահում, մնաց օդից առկախված:
Վերջին դժբախտ դեպքից հետո, երբ փրկարար զոհվեց, ՀՀ ԱԻՆ նախախարար Ֆելիքս Ցոլակյանը հայտարարեց, որ ԱԻՆ–ը հրդեհների դեմ պայքարելու համար մտադիր է ապագայում չորս ուղղաթիռ գնել Ռուսաստանից։ Սակայն հստակ ժամկետներ կամ պայմանավորվածության մասին տեղեկություններ չկան: Հայտարարությունից մոտ մեկ ամիս է անցել, նախարարության մամուլի բաժնից փորձեցին հստակեցնել, թե արդյոք տեղաշարժ կա և տեսանելի ապագայում կունենա՞նք ավիացիա: Մեզ հայտնեցին, որ լուրջ գումարների հետ է կապված, դեռ հստակ չէ ժամկետները , բայց ինքնաթիռ ունենալու խնդիր կա դրված:
Ինչ վերաբերում է Քաղաքացիական ավիացիայի կոմիտեին, ապա այս կառույցն առհասարակ տեղեկատվություն չտրամադրեց, թե ինչ աջակցություն է ցուցաբերում ԱԻՆ-ին հնարավոր հրդեհի դեպքում կամ տեսլականում կան համագործակցության նոր ծրագրեր այս մասով,թե ՝ ոչ: Միայն հաճախ լսում ենք, որ ազգային փոխադրող կամ ավիացիա ունենալը ՔԱԿ-ի խնդիրը չէ, կառուցը միայն քաղաքականություն է մշակում:
Նունե Ավետիսյան
Հարակից հրապարակումներ`
- Հրդեհ՝ Ազգային ժողովի շենքին կից շինության տանիքում
- Բազումի լեռնաշղթայում բռնկված հրդեհն ինքնամարվել է. այրվել է մոտ 80 հա խոտածածկ տարածք
- Հրդեհ Քաջարան քաղաքում
- Լոռիում հրդեհաշիջման աշխատանքների ժամանակ 22-ամյա հրշեջ-փրկարար է մահացել
- Իջևանի անտառում բռնկված հրդեհի մարման աշխատանքները ժամանակավորապես դադարեցվել են
- ԱԻ նախարար. Հրդեհները չեն պրծել
- Ցոլակյան. Հնարավոր է առանձին փրկարարներ պարգևատրման եղանակով ստանան բնակարաններ
- Մեկ օրում բռնկվել է 99 հրդեհ, ներգրավվել է 106 մարտական հաշվարկ և 5 օպերատիվ խումբ
- Հրդեհ՝ «Արևիկ» ազգային պարկի հատվածում
- ԱԻ նախարար. Մենք միայն կրակ մարող չենք
- ԱԻՆ. Հնարավոր է «ԻԼ-76» ինքնաթիռն էլի հրդեհաշիջող թռիչքներ իրականացնի
- ՀՀ ԱԻ նախարարը դիմել է ՌԴ ԱԻ նախարար Վլադիմիր Պուչկովին