ՀՀ բիոլաբորատորիաներ ՌԴ մասնագետների մուտքի վերաբերյալ հուշագիրը մոտ ժամանակներում կստորագվի․ Լավրով
«Հայաստանում գործող կենսաբանական լաբորատորիաներ ՌԴ մասնագետների մուտքի վերաբերյալ հուշագրի ստորագրման հարցը քննարկել ենք։ Այն նաև քննարկվում է առողջապահության նախարարությունների կողմից, օրերս Հայաստանում էր մեր առողջապահության նախարարը։ Այսօր մենք ընդգծեցինք, որ հուշագրի տեքստի շուրջ աշխատանքներն ընդհանուր առմամբ ավարտված են և այժմ փաստաթուղթն անցնում է միջգերատեսչական համաձայնեցում։ Ակնկալում ենք, որ մոտ ժամանակում այն կստորագրվի»,-այս մասին այսօր ասաց պաշտոնական այցով Հայաստանում գտնվող ՌԴ ԱԳ նախարար Սերգեյ Լավրովը՝ ՀՀ ԱԳ նախարար Զոհրաբ Մնացականյանի հետ համատեղ մամուլի ասուլիսին։
Լավրովը նշեց, որ բիոլոգիական անվտանգության շուրջ կապերը դաշնակիցների հետ շատ կարևոր են։
«Կա կոնվենցիա կենսաբանական և թունավոր նյութեր պարունակող զենքի արգելման ու դրա ոչնչացման մասին, սակայն դրանում, ԱՄՆ-ի կտրուկ առարկությունների արդյունքում, չկա վերիֆիկացիայի մեխանիզմ։ Մենք երկար տարիներ փորձում ենք այդպիսի մեխանիզմ ստեղծել, բայց ԱՄՆ-ի գործընկերները նախընտրում են խուսափել նման պայմանավորվածությունից ու տանում են նրան, որ ամբողջ աշխարհում երկկողմ մակարդակով ստեղծեն իրենց լաբորատորիաները։ Բնականաբար, մենք հետաքրքրված ենք, որ այս ոլորտում Հայաստանի հետ ունենանք լիակատար թափանցիկություն»,-ասաց Լավրովը։
ՀՀ ԱԳ նախարար Զոհրաբ Մնացականյանն էլ նշեց, որ կենսաբանական անվտանգությունը Հայաստանի համար շատ կարևոր է և հարցը վերաբերում է Հայաստանի ու Ռուսաստանի միջև փոխգործակցությանը՝ կենսաբանական անվտանգության ոլորտում։
«Մենք ավարտում ենք բանակցային գործընթացը, բայց ընդհանուր առմամբ այս փաստաթուղթը մեզ հնարավորություն կտա կոնսոլիդացնել մեր հնարավորությունները, պոտենցիալը կենսաբանական անվտանգության ոլորտում ՌԴ հետ համագործակցությամբ, ինչը անում ենք նաև այլ գործընկերների հետ»,-ասաց Զոհրաբ Մնացականյանը։
Նշենք, որ օրերս տեղեկություն էր տարածվել, որ ՌԴ արտգործնախարար Սերգեյ Լավրովի այցի շրջանակներում կստորագրվի մի փաստաթուղթ, որը երաշխավորում է Ռուսաստանի Դաշնության մասնագետների մուտքը, այդ թվում զինվորականների, Պենտագոնի փողերով Հայաստանում ստեղծված կենսաբանական լաբորատորիա: Ռուսաստանը բազմիցս քննադատել է Միացյալ Նահանգներին՝ Ռուսաստանի սահմաններում «ռազմական կենսաբժշկական գործունեության» համար և խոստացել է ապահովել, որ հարևան երկրներում գործող լաբորատորիաների գործունեությունն իր համար դառնա բաց:
Հարակից հրապարակումներ`
- Լավրով․ Հայաստանը ժամանակով փորձված դաշնակից է, ՌԴ ստրատեգիական գործընկերը
- Լավրովը գալիս է Երևան. կստորագրվի փաստաթուղթ՝ ռուսների մուտքը ԱՄՆ ֆինանսավորմամբ ստեղծված լաբորատորիաներ երաշխավորելու համար
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ