Դ. Ափոյան. Ուսանողներն ասում են՝ վարչապետի հետ հանդիպումից հետո իրենց դիրքորոշումը չի փոխվել
ԵՊՀ ուսանողական խորհուրդը դեռևս պաշտոնապես չի քննարկել ԵՊՀ հայ բանասիրության ֆակուլտետի ուսանողների կողմից սկսած դասադուլն ու նրանց կողմից բարձրաձայնվող պահանջները: ԵՊՀ ուսանողական խորհրդի նախագահ Դավիթ Ափոյանը լրագրողների հետ զրույցում ասաց, որ դասադուլ են անում ԵՊՀ պատմության և բանասիրության ֆակուլտետների ուսանողները, այլ ֆակուլտետներից էլ կան միացած ուսանողներ:
Նրա խոսքով, մտավախություն ունեն, որ այլ ֆակուլտետներ էլ դասադուլ կհայտարարեն. «Եթե կա երկու ֆակուլտետում դասադուլ, կարող է նաև վարակիչ լինել, լավ իմաստով, տարածվի մյուս ֆակուլտետների վրա, քանի որ մայր բուհն ինքնին ստեղծված է կրթության համար: Փորձենք խելամիտ լուծում տալ այս հարցին, նաև մյուս կողմից ենք ակնկալում խելամիտ լուծում»:
Դ. Ափոյանն ասաց, որ երիտասարդները վճռական են տրամադրված:
«Երբ խոսում եմ երիտասարդների հետ, նրանք վճռական են տրամադրված, վարչապետ Նիկոլ Փաշինյանի հետ հանդիպումից հետո ասում են, որ իրենց դիրքորոշումը չի փոխվել, շարունակելու են պայքարը»,- ասաց ԵՊՀ ուսխոհրդի նախագահը:
Նա նշեց, որ կրթության, գիտության, մշակույթի և սպորտի նախարար Արայիկ Հարությունյանն իր պաշտոնավարման ընթացքում շատ թերություններ է թույլ տվել:
«Երբ որ նախարար Արայիկ Հարությունյանը ՀՅԴ ցուցարար երիտասարդներին ասում է, որ պետք է հարգեն իրենց կուսակցության 100-ամյա պատմությունը, ուզում եմ հիշեցնել, թե ինչպես Հարությունյանը ԵՊՀ 100-ամյակի հոբելյանական նիստին եկավ ու նիստի մեկնարկից 20 րոպե անց արհարհական դուրս եկավ, դա անհարգալից վերաբերմունք էր 100-ամյա բուհի նկատմամբ: Դատապարտելի քայլ է, որ նախարարն ու ԱԺ նախագահն արհամարհելով դուրս եկան մեր 100-ամյակի հոբելյանական նիստից: Նաև կրթություն ոլորտում ենք շատ խնդիրներ տեսնում»,- ասաց Դ. Ափոյանը:
Հիշեցնենք, որ այսօր ԵՊՀ հայ բանասիրության ֆակուլտետի ուսանողները դասադուլ են սկսել, նրանք անցնում են երևանյան բուհերի մոտով ու կոչ անում ուսանողներին, դասախոսներին միանալ իրենց: Նրանք վերջում միանալու են ԿԳՄՍ նախարարության մոտ նստացույց անող ՀՅԴ երիտասարդական թևի անդամներին: Նրանք պահանջն է կրթության, գիտության, մշակույթի և սպորտի նախարար Արայիկ Հարությունյանի հրաժարականը, նաև դեմ են կրթության, գիտության, մշակույթի և սպորտի նախարարության կողմից մշակված «Բարձրագույն կրթության և գիտության մասին» նոր նախագծին, որի համաձայն, բուհերում «Հայոց լեզու», «Հայ գրականություն» և «Հայոց պատմություն» առարկաների դասավանդումը պարտադիր չի լինելու:
Հարակից հրապարակումներ`
- Ուսանողների ստորագրահավաքին արդեն միացել է 800 մարդ
- ԵՊՀ ուսանողները վերսկսել են դասադուլը
- ՀՅԴ 19 երիտասարդական և ուսանողական միություններ միանում են Արայիկ Հարությունյանի հրաժարականի պահանջին
- Աշխարհի տարբեր երկրների ՀՅԴ երիտասարդական կառույցները շարունակում են զորակցել Հայաստանի ուսանողական շարժմանը
- «Հեռացրեք Արայիկին»՝ խոսում են «կովկասցիները»
- ՀՅԴ ՀԵՄ անդամները գիշերել են ԿԳՄՍ նախարարության դիմաց
- «Արայիկ Հարությունյանը մշակույթի հետ վարվում է սուլթան Համիդի պես»
- Նստացույց ԿԳՍՄ նախարարության առջև
- ԵՊՀ ռեկտորի պաշտոնակատար. Արժե բուհերում անցնել «Հայոց լեզու և գրականություն» ու «Հայոց պատմություն»
- ԵՊՀ դոցենտ. Ստացվում է, որ մենք այլևս ոչ մեկի պետք չենք
- «Հայոց լեզուն նախարարն իրենց տնից չի բերել»