Ամեն ինչ անելու ենք խոշոր հարկ վճարողի պատվավոր առաջին տեղը չզիջելու համար. ԶՊՄԿ
«Զանգեզուրի պղնձամոլիբդենային կոմբինատ»-ից վստահեցնում են, որ ամեն ինչ անելու են առաջին խոշոր հարկ վճարողի պատվավոր առաջին տեղը ոչ մեկին չզիջելու համար։ Հիշեցնենք, որ Պետական եկամուտների կոմիտեն հրապարակել էր 2019 թ-ի երրորդ եռամսյակի 1000 խոշոր հարկատուների ցանկը, որի համաձայն, Հայաստանի խոշոր հարկատուների ցուցակը գլխավորում է «Զանգեզուրի պղնձամոլիբդենային կոմբինատ»-ը՝ 40 594 294 դրամ գումարով։
«Զանգեզուրի պղնձամոլիբդենային կոմբինատ»-ն ունի չորս բաժնետեր, բոլորն էլ իրավաբանական անձինք են։ Դրանցից ամենամեծը «Քրոնիմետ» ընկերությունների խումբն է, որն ուղղակի և անուղղակի մասնակցություն ունի կոմբինատում՝ 75 տոկոս։ «Քրոնիմետ» ընկերությունն է, որ ազդեցություն ունի ընկերության քաղաքականության որոշման, տնտեսական քաղաքականության, տարվող աշխատանքների, մենեջմենթի և այլ հարցերում։ Փոքր բաժնետերերը նման հնարավորություն չունեն։
ԶՊՄԿ-ն մասնավոր ընկերություն է, ինչպես մյուսները։ Սկսած 2004 թվականից, երբ Հայաստանի կառավարությունը մասնավորեցրել է կոմբինատը, նա այս ձեռնարկությունը թողել է «ազատ նավարկության»՝ կարգավորվելով բացառապես ՀՀ օրենսդրությամբ։ Կոմբինատը պատասխանատու է ընկերության աշխատանքի համար, բնապահպանական խնդիրների համար, հարկերի վճարման, աշխատակիցների աշխատավարձը շուկայականից ոչ պակաս կամ ավելի բարձր վճարելու համար։ Նախատեսվում է ապագայում ընկերությունը տանել բաց բաժնետիրական ընկերության ֆորմատի։
«Քրոնիմետ» ընկերության գլխավոր տնօրեն Թոմաս Հայլն ասում է, որ դեռ անելիքներ ունեն, որ հասնեն բոլոր այն ստանդարտներին, որին ձգտում են։
«Դրա համար «Քրոնիմետը» գնալով ավելի ակտիվ ազդեցության է ձգտել ընկերության մենջեմենթի վրա։ Հույս ունեք՝ մոտակա հինգ տարիներում ընկերությունը փոփոխված տեսնել։ Կարող եմ փաստել, որ և Հայաստանը, և ընկերությունը շատ մեծ քայլերով զարգացում են ապրել։ ԶՊՄԿ այսօրվա տնօրինությունը կիրառում է այն, ինչ մենք նախատեսում ենք տեսնել»,- նշում է նա։
Ընկերության ֆինանսական հաշվետվությունը.
2005 թվականից սկսած մինչև 2019 թվականի ութ ամիսները՝ ընկերության հասույթը կազմել է 3 միլիարդ 909 միլիոն դոլար, վճարված հարկերը՝ 948 միլիոն դոլար՝ հասույթի մոտ 24.2%-ը, որից 305 միլիոն դոլարը մինչև 2018 թվականի վերջ վճարված ռոյալթին է կամ՝ բնօգտագործման վճարը։ Այս տարի կվճարեն մոտ 50 միլիոն դրամ։ Ընդհանուր թիվը կկազմի մոտավորապես 355 միլիոն դրամ։ «Զանգեզուրի» պղնձամոլիբդենային կոմբինատը բարեգործական գործունեության շրջանակներում ծախսել է 120 միլիոն դոլարին համարժեք դրամ՝ հասույթի մոտ 3%-ը։ Որպես դիվիդենտ՝ վճարվել է մոտ 469 միլիոն դոլար, այսինքն՝ հասույթի 12 տոկոսը։ Պետության մասնաբաժինը ընկերության առօրյայի մեջ, անցած 14 տարվա ընթացքում, միջինը կազմել է 43 տոկոս։
«Զանգեզուրի պղնձամոլիբդենային կոմբինատ»-ը Սյունիքի օդանավակայանի վերակառուցման խոշոր ներդրողն է։
Օդանավակայանը նախատեսվում է շահագործման հանձնել 2020 թվականի գարնանը։ Թռիչքներ իրականացնող ինքնաթիը, որ պղնձամոլիբդենային գործարանը գնել է 5.5 միլիոն դոլարով, ունի 19 նստատեղ։ Այն մինչև չորս անգամ՝ Կապան-Երևան և հակառակ ուղղությամբ կարող է չվերթ կատարել։ Տոմսերի արժեքը 40 հազար դրամ է։ Առանձին սոցիալական խմբերի համար կլինի սուբսիդավորում։
Այլ երկրներ չվերթներ չեն իրականացվելու։ Սակայն օդանավակայանը կառուցվելու է միջազգային օդանավակայանների պահանջներին համապատասխան։ Ինչպես արդեն նշել ենք, որ ֆինանսավորումն ամբողջ ծավալով իրականացրել է Զանգեզուրի պղնձամալոիբդենային գործարանը։ Ընդհանուր նախահաշվային արժեքը 2.3 միլիարդ դրամ է, որից մոտ 2 միլիարդն արդեն իրացված է։ Օդանավակայանը կունենա 20 և ավելի աշխատակից։
Ընկերության նախաձեռնությամբ իրականացվում են նաև բնակարաշինության ծրագրեր։ Մասնավորապես, նախատեսվում է կառուցել 4 և 6 հարկանի շենքեր՝ մոտ 70 բնակարանով։ Լինելու է նաև ավտոկայանատեղի, մանկապարտեզ, խանութ, պուրակ, խաղահրապարակ։ Ընդհանուր արժեքը 2.7 միլիարդ դրամ է։ Հողատարածքը գտնվում է պետական գույքի կառավարման հաշվեկշռի վրա, առաջարկվել է այն փոխանցել Քաջարան քաղաքի հաշվեկշռի վրա։ Բնակարաններն անհատույց հատկացվելու են բազմազավակ ու երիտասարդ ընտանիքներին։ Շենքերի կառուցման աշխատանքները կտևեն երեք տարի։
ԶՊՄԿ-ի աջակցությամբ Քաջարան քաղաքում և հարակից համայնքներում հիմնանորոգվել է ընդհանուր առմամբ 19 կմ ճանապարհ։ Հիմնանորոգվել է մշակույթի տունը, որն ունի գերժամանակակից 240 տեղանոց կինոթատրոն-համերգասրահ։ Ավարտին է մոտենում Քաջարանի արվեստի դպրոցի կապիտալ վերանորոգումը։ Ուշադրության կենտրոնում են նաև Քաջարանի խոշորացված համայնքի այլ բնակավայրեր։
Յուրաքանչյուր տարի ԶՊՄԿ-ն անհատույց փոխհատուցում է նաև 100-ից ավելի կապանաբնակ ուսանողների ուսման վարձը։ Ապահովվում է աշակերտների և մանկավարժների տեղափոխումը ուսհաստատություններ։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ
