Թուրքիան ԻՊ-ի ևս 8 ահաբեկչի է արտաքսել երկրից
Թուրքիայի ներքին գործերի նախարարությունը հայտարարել է, որ շարունակվում է Թուրքիայից օտարերկրյա քաղաքացի հանդիսացող «Իսլամական պետություն» ահաբեկչական խմբավորման անդամների՝ իրենց երկրներ ուղարկելու գործընթացը, փոխանցում է ermenihaber-ը:
Նախարարության հայտարարության մեջ նշվում է, որ Մեծ Բրիտանիայի 1 քաղաքացու Լոնդոն և Գերմանիայի 7 քաղաքացու Բեռլին են արտաքսել:
Ավելի վաղ Թուրքիայի ՆԳՆ-ն հայտնել էր, որ արդեն 2 օր է ԱՄՆ-ի քաղաքացի հանդիսացող ԻՊ-ի անդամը գտնվում է Թուրքիայի և Հունաստանի սահմանային չեզոք գոտում, որի արտաքսման համար սկսել են իրականացվել համապատասխան աշխատանքները: