Լուկաշենկոյի հետ տարբեր առիթների ներկայացած 22-ամյա Միսս-Բելառուսը պատգամավոր է դարձել
«Միսս Բելառուս-2018» տիտղոսին արժանացած Մարիա Վասիլևիչն ընտրվել է Բելառուսի Ազգային ժողովի պատգամավոր։ Մարիա Վասիլևիչը 22 տարեկան է ու դարձել է նաև ամենաերիտասարդ պատգամավորը։
Ինչպես գրում է «Общенациональное телевидение»-ն, Կենտրոնական ընտրական հանձնաժողովի նախագահ Լիդիա Երմոշինան հայտնել է նաև, որ այլ հայտնի մարդիկ էլ ընտրվել պատգամավոր, որոնց թվում են տեղեկատվության նախկին նախարար Լիլիա Անանիխը, նախագահի աշխատակազմի ղեկավարի տեղակալ Վալերի Միցկևիչը, արտաքին գործերի նախարարության նախկին խոսնակ և Թուրքիայում Բելառուսի նախկին դեսպան Անդրեյ Սավինիխը, Գերագույն դատարանի դատավոր Սվետլանա Լյուբեցկայան, ONT-ի հաղորդավար Թենգիզ Դումբաձեն:
Նշենք նաև, որ նախօրեին տեղի ունեցած Բելառուսի խորհրդարանի ստորին պալատի՝ Ազգային ժողովի ներկայացուցիչների պալատի, ընտրությունների արդյունքում ոչ մի ընդդիմադիր չի ընտրվել։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ