Էրդողանի կուսակցությունը սոցհարցում է պատվիրել
Թուրքիայում իշխող «Արդարություն և զարգացում» կուսակցությունը (ԱԶԿ-AKP) պատվիրել է ուսումնասիրություն կատարել, թե նախկին վարչապետ Ահմեթ Դավութօղլուի և նախկին արտգործնախարար Ալի Բաբաջանի հիմնելիք նոր կուսակցությունները որքան ձայն կխլեն իրենցից և ԱԶԿ-ի ընտրազանգվածից քանի տոկոսը ձայն կտա Դավութօղլուի կամ Բաբաջանի կուսակցություններին։ Այս մասին գրում է ermenihaber-ը։
Ըստ ուսումնասիրությունների ամփոփ արդյունքների՝ երկու կուսակցություններն էլ անցողիկ շեմ հանդիսացող 10%-ից ցածր վարկանիշ ունեն։
Ուսումնասիրության և սոցիոլոգիական հարցման արդյունքները ներկայացվելու են Թուրքիայի նախագահ Ռեջեփ Թայիփ Էրդողանին։
Ուսումնասիրության մեջ մասնավորապես նշվում է, որ, չնայած երկու կուսակցություններն էլ 10 %-ից ցածր վարկանիշ ունեն, բայց պահպանողական ընտրազանգվածից ձայներ ստանալու արդյունքում կարող են խնդիրներ առաջացնել իշխող ԱԶԿ-ի համար։
Հարակից հրապարակումներ`
- Հայտնի է, թե երբ կհիմնվի Դավութօղլուի նոր կուսակցությունը
- Թուրքիայի իշխող կուսակցությունը պատասխանել է Գյուլի և Դավութօղլուի քննադատություններին
- Դավութօղլուն և Գյուլը քննադատել են Ստամբուլի քաղաքապետի ընտրությունները չեղարկելու որոշումը