Ավագանու անդամը փողկապ նվիրեց Մարությանին
Այսօր Երևանի ավագանու արտահերթ նիստի ընթացքում ԲՀԿ խմբակցության անդամ Արմեն Ներսիսյանն ամբիոնին մոտեցավ 2 փողկապով, որոնցից մեկը նվիրեց Հայկ Մարությանին՝ պատճառաբանելով, որ դեմոկրատ երկրում է։
Մարությանը հարց հնչեցրեց, թե ինչու է ավագանու անդամն իրեն փողկապ նվիրում։ Արմեն Ներսիսյանն էլ նշեց, որպեսզի քաղաքապետը ևս, իրենց նման փողկապ կապի. «Որ դուք էլ մեր նման, սենց փողկապ կապեք»։
Մարությանն էլ ի պատասխան թույլտվություն խնդրեց փողկապը վերանվիրելու շեյխերին ու շեյխուհիներին։
Սակայն, Արմեն Ներսիյանը հակադրվեց, ասելով, որ ստացած նվերը ուրիշին չեն նվիրում. «Ես սրտանց նվիրեցի Ձեզ, իսկ ստացած նվերը ուրիշին նվիրել չի կարելի։ Դուք հարցը տարաք ուրիշ տեղ, իսկ ես չեմ հասկանում՝ ինչու են այս սրացումները լինում»։
Նշենք, որ հագուստի և փողկապի թեմային անդրադարձավ նաև «Լույս» խմբակցության ավագանի Անի Խաչատրյանը։
«Մի քանի օր է, ինչ մամուլում շրջանառվում է Ձեր, ապա վարչապետի այն հայտարարությունը, որ ջինսով ու բոթասով ներկայանալը ուղղակի վերաբերմունք է պետական ապարատին։ Հիմա հարց, արդյո՞ք վերաբերմունք չէ նույն ապարատի նկատմամբ, որ ավագանու նիստին անդամները ջինսով ու բոթասներով են ներկա»։
Քաղաքապետը շնորհակալություն հայտնեց հարցի համար և շարունակեց նիստը վարել։