Դա մեր թերությունն է. ՊՆ փոխնախարար
«Բանակում իրային և պարենային ապահովման հետ կապված խնդիրները եթե չեն վերացվել, ապա հնարավորինս նվազագույնի են հասցվել։ Սննդի հետ կապված խնդիրը ևս որոշակիորեն լուևծված է»,- այս մասին այսօր լրագրողների հետ զրույցում ասաց ՊՆ փոխնախարար Գաբրիել Բալայանը։
Թեև սննդի, պարենային ապահովության խնդիրը, Բալայանի խոսքով, ՊՆ-ն կարգավորում է, իրավապաշտպանները չեն դադարում ահազանգել բանակում տիրող «բեսպրիդելի» և դրանից բխողն խաղաղ պայմաններում մահերի և ինքնասպանությունների մասին։ Գաբրիել Բալայանի խոսքով, վերոնշյալ դեպքերը ՊՆ-ն համարում է իր թրության արդյունք. «Դա մեր թերությունն է։ Մի քանի ձևաչափ կա դրանք բարելավվելու՝ սկսած կենցաղային ապահովումից մինչև ծառայության պայմանների բարելավում։ Հիմա կմտածեք՝ ինչ կապ ունի նոր մեթոդով սննդի ապահովումը այդ դեպքերի կանխարգելման հետ։ Վերլուծությունները նայելիս պարզ երևում է, որ վեճերի հիմնական պատճառը մանր կենցաղային պայմաններից է սկսվում։ Սնունդը եթե բավարար չի լինում, իրար մեջ փող տալ-վերցնել, ապա պարտքերի կուտակում, միջանձնային վեճեր՝ մինչև անգամ սպանություն կամ ինքնասպանություն»։
Դիտարկմանը, որ հակառակորդի կրակոցից զոհերի թիվը վերջին տարիներին նվազել է, սակայն բանակում մահերի թիվը չի նվազում, Գաբրիել Բալայանը արձագանքեց. «Եթե զինծառայողը ունի խնդիր՝ կապված ընտանիքի հետ, և զենքը նրան միայն զինվորական ծառայության ընթացքում է հասանելի, և ինքնասպանություն է գործում էդ զենքի կիրառմամբ, հիմա դա զինվորական ծառայության հետ կապվա՞ծ է, թե ոչ։ Էն դեպքերը, որոնք նշվում են, մասամբ կապված են ընտանեկան խնդիրների հետ»։
Այնուամենայնիվ, խաղաղ պայմաններում մահերի թվի նվազեցման նպատակով ՊՆ-ն մի շարք քայլեր է իրականացնում, որոնցից մեկը, Գաբրիել Բալայանի մատնանշմամբ հոգեկան որոշակի խնդիրներ ունեցող մարդկանց բանակ չզորակոչելն է։ «Սա էլ ա պայքարի մի ձև։ Քանի որ տեսանք՝ խնդիր է առաջանում էն անձանց հետ, որոնք ունեն առողջության սահմանափակում։ Հիմա քաղաքականությունը գնում է նաև դրան։ Հիմա փորձում ենք զորակոչել համեմատաբար առողջներին, որպեսզի նաև էդ դեպքերը բացառվեն»,- նշեց Գաբրիել Բալայանը։
Հարակից հրապարակումներ`
- Հիվանդ մարդուն բանակ զորակոչելու դեպքեր եղել են. Փոխնախարար
- ԱԱԾ. Մի՛ գրիր բանակիդ մասին՝ նամակագրվողը կարող է լինել որպես հայ ներկայացող ԱԴՐԲԵՋԱՆՑԻ
- Զինվորական հավաքակայանում մայոր ներկայացածը բղավել ու վիրավորել է որդիներին բանակ ճանապարհող ծնողների վրա
- «Փաստ». Ատեստատ չստացած՝ բանակ են գնալու. նախկինից մնացած խնդիր
- Դավիթ Տոնոյանը չի բացառում, որ բանակ կզորակոչվեն նաև խոշոր բիզնեսմենների որդիները
- «Այս օրինագծով բանակ մտնողները ուղղակի դառնալու են զենք բռնող շարքայիններ». քննարկում