Գայանե Աբրահամյան․ Ադրբեջանական կողմի համար շոկային էր Եվրանեսթի լիագումար նիստի բացմանն իմ ելույթը
Դեկտեմբերի 8-ից 10-ը Թբիլիսիում կայացած Եվրանեսթի խորհրդարանական վեհաժողովի 4 հանձնաժողովների բանաձևերում հայկական պատվիրակությունը ներկայացրել է 13 առաջարկ է ներկայացրել, որոնք բոլորն էլ ընդունվել են։ Սոցիալական հանձնաժողովում կրթության վերաբերյալ բանաձևում առաջարկվել էր Արևելյան գործընկերության երկրներում բացառել այլատյացության քարոզն ու ուսուցումը պետական մակարդակով, որը վերաբերում էր նախևառաջ Ադրբեջանում հայատյացության քարոզին։ Հայկական պատվիրակությանը հաջողվել է կասեցնել ադրբեջանական նախաձեռնությունը՝ կապված Մեծամորի ատոմակայանի փակման հետ։
Ինչպես այսօր մամուլի ասուլիսին ասաց «Եվրանեսթ»-ում ՀՀ ԱԺ պատվիրակության ղեկավար Գայանե Աբրահամյանը, հանձնաժողովում ներկայացրել է Մեծամորի ատոմակայանի գուրծունեության հիմնավորումները, այդ թվում նաև նախատեսված ՀՀ-ԵՄ համաձայնագրով, որում ասվում է, որ մինչև նոր ատոմակայանը չկառուցվի, գործողի փակման հարցը պետք է օրակարգից դուրս լինի։
«Այս բոլոր փաստարկներն ազդեցություն ունեցան և Արևելյան գործընկերության ու Եվրոպական խորհրդարանի պատգամավորները դեմ քվեարկեցին»,-ասաց Գայանե Աբրահամյանը։
Քաղաքական հանձնաժողովում ներկայացվել է 8 առաջարկ և բոլորն էլ ընդունվել են, որոնցից էր նաև այն, որ ՀՀ-ն լուրջ առաջընթաց է արձանագրել ՀՀ-ԵՄ ՀԸԳՀ-ի ճանապարհային քարտեզի աշխատանքների ուղղությամբ։
«Ադրբեջանական կողմի համար շոկային էր լիագումար նիստի բացմանը՝ դեկտեմբերի 9-ին, որը ՄԱԿ-ի ցեղասպանությունների կանխարգելման օրն էր, երբ իմ ելույթում ես խոսեցի նաև հայոց ցեղասպանության, դրանց կանխարգելման մասին ու կոչ արեցի ներկաներին հարգանքի տուրք մատուցել զոհերի հիշատակին։ Բոլորը ոտքի կանգնեցին, բաից ադրբեջանցի 1 պատվիրակի»,-ասաց Գայանե Աբրահամյանը։
Նշվեց, որ առաջին իսկ օրվանից բյուրոյի նիստում պայքար էր, որ որևէ կերպ, անգամ վերբալ մակարդակում, Հայաստանը չլինի նույն հարթությունում Ադրբեջանի հետ՝ ներկայացնելով հիմնավորումներ։ Գայանե Աբրահամյանի խոսքերով , ՀՀ պատվիրակությունն այս ամենի արդյունքնում կարողացել է նաև հրատապ բերված «Trio Strategy» (Եռյակի ստրատեգիա) բանաձևում առաջարկություն ներկայացնել ու այն դարձել «Trio Plus Strategy»։
«Trio Plus Strategy-ում հստակ սահմանվեց, որ Հայաստանը առանձին «Եռյակ + 1» կարգավիճակ կունենա։ Բանաձևում նշվել է, որ Հայաստանը Եվրոպայում ժողովրդավարացման հարցում ամենամեծ առաջընթաց է ապահովել»,-ասաց Գայանե Աբրահամյանը։
Գայանե Աբրահամյանը տեղեկացրեց նաև, որ հաջորդ տարի Եվրանեսթի հանձնաժողովների նիստերը կանցկացվեն Երևանում։
Նշենք, որ Արևելյան գործընկերության երկրներից Վրաստանը, Ուկրաինան ու Մոլդովան մշտապես առաջարկություններ են ներկայացնում, որպեսզի ԵՄ հետ ասոցացման համաձայնագիր կնքած երկրների նկատմամբ լինի առանձնացված մոտեցում։
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում