Տիգրան Մանսուրյան. Փորձում եմ նաև գրաբարը բերել երաժշտություն և համապատասխան հնչողություն ստեղծել
Անցյալ տարի Ֆլորենցիայում տոնվել է Սան Միկելե եկեղեցու հիմնադրամ 1000 տարին: Եկեղեցու հիմնադիրը համարվում է ազգությամբ հայ հոգևորական Սուրբ Մինասը: Իտալացիները շատ կարևորում են եկեղեցու ազգային պատկանելիությունը: ՀՀ ժողովրդական արտիստ կոմպոզիտոր Տիգրան Մանսուրյանին առաջարկել են եկեղեցու 1000-ամյակի տոնակատարության առիթով գրել մի գործ:
«Իմ տրամադրության տակ էր սիմֆոնիկ նվագախումբ, մեծ երգչախումբ և մեներգիչ: Վերցրեցի Ներսես Շնորհալու «Հավատով խոստովանին» աղոթաշարից 7 աղոթք: Իտալացիներին պետք էր միայն լատինատառ գրել հայերեն տեքստը: Նրանք շատ հիանալի երգեցին: Սա ասում եմ իբրև օրինակ այն բանի, որ ես փորձում եմ նաև գրաբարը բերել երաժշտություն և համապատասխան հնչողություն ստեղծել նրա հետ, իրեն պահանջած հնչողությունը: Այստեղ հսկայական աշխատանք կա անելու»,- Հայաստանի ազգային գրադարանում «Երգի վերածված բանաստեղծություններ և բանաստեղծությունից ծնված երգեր» զրույց-քննարկմանն ասաց Տիգրան Մանսուրյանը:
Առայժմ այս աշխատանքը Հայաստանում չի հնչել: Մաեստրոն հույս ունի, որ այն կհնչի արդեն 2020-ին:
Խոսելով իր «Ռեքվիեմ» ստեղծագործության մասին, Տ. Մանսուրյանը հիշեցրեց, որ առաջարկ ստացել էր Գերմանիայից 2011 թվականին, տեքստը պետք է լիներ լատիներեն, առջևում 2015 թվականն էր՝ Հայոց ցեղասպանության 100-րդ տարելիցը և պետք է պատրաստ լինել դրան:
«Շատ եմ ուսումնասիրել «Ռեքվիեմ» ժանրը: Նախ մտածեցի, թե ովքեր պետք է երգեն, ովքեր են իմ երգիչները: Իհարկե, այն զոհվածները, որոնց մեջ իմ ընտանիքն էր, իմ մեծ հայրը, մեծ մայրը Մարաշից էին, Տիգրանակերտից, բայց ես պետք է փնտրեի կենդանի մարդ: Ինձ շատ օգնեց իմ պատկերացումը մեր մանրանկարչության մեջ եղած մարդկանց դեմքերի վերաբերյալ: Այնքան հետաքրքիր են նրանք, այնքան զրնգուն դեմքեր են: Մեկ էլ մանրանկարչության մեջ այնքան հետաքրքիր պարադոքսներ կան, բայց շատ բնական պարադոքսներ են: Ինչու եմ ասում պարադոքս, որովհետև երբ որ «Ռեքվիեմ» ես գրում, կամ պետք է գնաս զգայնությունների ամենավատ կողմը՝ լաց, բողոք, սենտիմենտների պետք է տրվես, կամ պետք է տրվես մի ուրիշ տեսակ ձևախեղումների: Իմ համոզմամբ, լավագույնը կարող է լինել պարադոքսը:
Ես հասկացա, որ մանրանկարչության կերպարները պետք է երգեն «Ռեքվիեմի» տեքստը: Հետո ես տեսա, որ լատիներենը հայ երաժշտությամբ որ երգում ես, ճշգրիտ հայ մեղեդու մասին է խոսքը, ու մեկ էլ տեսնում ես՝ կորցնում ես ռեալության զգացումդ լեզվի հետ կապված՝ այդ ինչ լեզվով է՝ հայերե՞ն, թե՞ լատիներեն: Ես այստեղ տեսա, որ ելևէջը, որը հայերենի վրա է գոյացել, երբ որ իրեն դնում ես մի ուրիշ լեզվի հետ, այդ մեղեդին հիշում է իր ծագումը և պարտադրում է իր ծագումն այդ նոր լեզվին, որին դու միացրել ես: Դրանից է, որ այդ լատիներենը մի տեսակ հայերեն էր դառնում: Հետաքրքիր փորձառություն էր: Հիմա գիտեմ մեղեդին, երբ որ հիմքում հայերեն բառ է ունեցել, բայց ճիշտ, մաքուր երգված, այդ մեղեդին եթե բառերը հանես, միևնույնն է՝ հիշում է իր մեջ լեզվի կյանքը»,- ասաց Տիգրան Մանսուրյանը:
Հարակից հրապարակումներ`
- Տիգրան Մանսուրյանը պետական բարձր պարգև է ստացել
- Սմբատյանն ու Մանսուրյանը պլանավորում են ձայնասկավառակի ձայնագրություն
- Տիգրան Մանսուրյանի երկու սրբությունները
- Տիգրան Մանսուրյանի «Հետևիր արևին, արի Երևան» ստեղծագործությունը կհնչի նվագախմբի և երգչախմբի կատարմամբ
- Հայաստանում առաջին անգամ կհնչի Տիգրան Մանսուրյանի թավջութակի 4-րդ կոնցերտը
- «Աստված մեզ նվեր է տվել Մանսուրյանին և նրա միջոցով՝ իր աստվածային երաժշտությունը»
- Անյա Լեխներ. «Տիգրան Մանսուրյանը մեր ժամանակների ամենակարևոր կոմպոզիտորներից է»
- Կներկայացվեն Տիգրան Մանսուրյանի սիմֆոնիկ ստեղծագործությունները
- Արցախում «Երևանի օրեր»-ի գալահամերգով մեկնարկեց «Մանսուրյան-80» համերգաշարը
- Տիգրան Մանսուրյանն այն կոմպոզիտորներից է, որոնց աշխարհն է հետևում
- Տիգրան Մանսուրյանի հայտնի ստեղծագործություններն առաջին անգամ կհնչեն նոր գործիքավորմամբ
- Մանսուրյանական երաժշտության տոն՝ Ստեփանակերտում, Երևանում և Գյումրիում
- Տիգրան Մանսուրյանի 80-ամյա հոբելյանին նվիրված միջազգային փառատոն կանցկացվի
- Տիգրան Մանսուրյան. Սա մեր ընտանիքի փաստագրությունն է
- Տիգրան Մանսուրյան Իսահակյանի հետ
- Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով
- Տիգրան Մանսուրյան. Այս ֆիլմն իրապես ես եմ
- Արամ Առաջինը պարգևատրել է Տիգրան Մանսուրյանին
- Տիգրան Մանսուրյան. Ես երբեք իմ անցյալի որևէ էջի, դրվագի չեմ դավաճանել
- Ամենացանկալի մաղթանքն իմ կնոջից կուզեի լսել. Մանսուրյան
- Հոբելյանական համերգ. Տիգրան Մանսուրյան
- Համահայկական երգչախմբի համերգին առաջին անգամ հնչելու է Մանսուրյանի «Վերածննդից-հաղթանակ»-ը
- Տիգրան Մանսուրյանը՝ ՀՀ նախագահի 2017թ. հատուկ մրցանակակիր
- Ռիգայում կայացել է Տիգրան Մանսուրյանի «Ռեքվիեմի» պրեմիերան՝ նվիրված Սումգաիթի զոհերի հիշատակին
- Տիգրան Մանսուրյանի «Ռեքվիեմ»-ը՝ գլխավոր մրցանակակիր
- Տիգրան Մանսուրյանի «Ռեքվիեմ»-ն առաջադրված է «Գրեմմի»-ի երկու անվանակարգում
- «Զվարթնոց»-ում տեղի կունենա «Հայ դասական պոեզիան Տիգրան Մանսուրյանի երաժշտության մեջ» համերգ-երեկո
- Արթիկի մշակույթի կենտրոնն այսուհետ կրում է Տիգրան Մանսուրյանի անունը
- Տիգրան Մանսուրյանի գործերի յուրօրինակ համերգներ՝ Հառիճավանքում, Վանաձորում և Արցախում
- «Եղիցի լույս» մրցանակն այս տարի շնորհվել է Տիգրան Մանսուրյանին, ով իր մեջ կրում է հոգևորը, լուսավորն ու հանճարը
- «Համահայկական նվագախումբը» կկատարի Տիգրան Մանսուրյանի «Պոեմ հաղթանակի» նոր ստեղծագործությունը
- Տիգրան Մանսուրյանի ծննդյան օրն է
- Գյումրու «Սև բերդ» ամրոցում կայանալու է կոմպոզիտոր Տիգրան Մանսուրյանի ստեղծագործական երեկոն
- Տիգրան Մանսուրյանի ստեղծագործությունները կհնչեն Գյումրու «Սև բերդ» ամրոցում