Ծուլանում են հաշվել ՀՀ-ում՝ Հնդկաստանի քաղաքացիներին
Երևանում մարզերից աշխատանք փնտրող ու վարձով ապրողների համար խիստ դժվարացել է սենյակ վարձակալելը, որովհետև սեփականատերերը գերադասում են դրանք վարձով տալ մի քանի հնդիկների։ Նույնը՝ վարձով աշխատանքների հետ կապված։ Ստացվում է՝ համեմատաբար էժան աշխատուժը դուրս է մղում գործազուրկ հայ քաղաքացուն՝ սեփական երկրում։ Էլ չասենք հնդիկների մասնակցությամբ տեղի ունեցող միջադեպերը, մասնավոապես նոյեմբերի 23-ին կրակոցով ու ծեծով դեպքը: Փաստորեն՝ էժան ու ոչ օրինապաշտ։
Panorama.am-ը դիմեց ՀՀ արտաքին գործերի նախարարություն՝ հետաքրքրվելով, թե ոքա՞ն հնդիկ (Հնդկաստանի քաղաքացի) կա ՀՀ-ում հիմա, ինչքա՞ն ժամանակով է նրանց՝ ՀՀ-ում մնալու թույլտվությունը, ի՞նչ կարգավիճակով են մնում ՀՀ-ում, որտե՞ղ են հաշվառվում և ի՞նչ նպատակով են եկել։ ԱԳՆ լրատվության և հանրային դիվանագիտության վարչությունից պատասխանել էին, որ հայցվող տեղեկատվությունը դուրս է ՀՀ ԱԳՆ իրավասությունների շրջանակներից, առաջարկել էին դիմել ՀՀ ոստիկանության անձնագրային և վիզաների վարչություն: Այդպես էլ արեցինք և նույն հարցերով դիմեցին ոստիկանություն:
«ՀՀ-ում գտնվող Հնդկաստանի քաղաքացիների վերաբերյալ տեղեկատվությանը ՀՀ ոստիկանության ԱՎ վարչությունը չի տնօրինում, հետևաբար «Տեղեկատվության ազատության մասին» Հայաստանի Հանրապետության օրենքով սահմանված կարգով պահանջվող տեղեկատվությունը չի կարող տրամադրվել»:
Թերևս այս մասում կարելի էր ավարտել պատասխանի մեջբերումը, որովհետև այնուհետև պարզապես մեջ է բերվում օրենք, որը ևս հստակություն չի մտցնում մեր հարցադրման մեջ՝ որքան հնդիկ են այժմ գտնում Հայաստանի Հանրապետությունում, ինչ կարգավիճակով, ինչ նպատակներով, ինչով են զբաղված...
Այնուամենայնիվ՝ պատասխանի այս մասից ենթադրելի է, որ ինչ-որ տեղ Հնդկաստանի քաղաքացիները պիտի որ գրանցված լինեին, թեկուզ նրա համար, որ ստուգվեն 120 օրից ավել չմնալու պայմանները։
«Հնդկաստանի քաղաքացիները կարող են օրինական հիմքով գտնվել ՀՀ-ում ՀՀ մուտքի վիզայի ժամկետով. «Օտարերկրացիների մասին» ՀՀ օրենքի 9-րդ հոդվածի 1-ին մասի համաձայն. «Հայաստանի Հանրապետության մուտքի վիզաները տրվում են Հայաստանի Հանրապետությունում մինչև 120 օր գտնվելու ժամկետով` առավելագույնը մինչև 60 օր ժամկետով երկարաձգելու հնարավորությամբ, եթե սույն օրենքով կամ Հայաստանի Հանրապետության միջազգային պայմանագրերով այլ բան նախատեսված չէ»:
Ոստիկանությունից նաև հայտնում են, որ «Օտարերկրացիները, այդ թվում նաև Հնդկաստանի քաղաքացիները ՀՀ-ում կարող են բնակվել կացության ժամանակավոր, մշտական կամ հատուկ կարգավիճակների հիման վրա»:
Այո, հենց այս մասին էլ հարցում էինք արել, սակայն հստակ պատասխան չենք ստացել։
«ՀՀ կառավարության 14.07.2005թ-ի թիվ 1231-Ն որոշմամբ հաստատված «Բնակչության պետական ռեգիստրում քաղաքացիների անհատական հաշվառման համար անհրաժեշտ փաստաթղթերի» ցանկի 4-րդ կետի համաձայն ՀՀ-ում բնակվող` չհաշվառված ՀՀ քաղաքացի չհանդիսացող անձինք դիմումի հետ միասին ներկայացնում են անձը հաստատող փաստաթուղթ, ինչպես նաև ՀՀ տարածքում իրենց բնակության իրավունքը (կացության կարգավիճակը) հավաստող փաստաթուղթ: Հետևաբար ՀՀ-ում կացության կարգավիճակ ունեցող Հնդկաստանի քաղաքացիները հաշվառվում են ըստ բնակության վայրի` կացության կարգավիճակի ժամկետով:
ՀՀ ոստիկանության ԱՎ վարչության կողմից վարվում է ՀՀ-ում կացության կարգավիճակ ստացած օտարերկրացիների ըստ կացության կարգավիճակի տրամադրման հիմքերի վիճակագրություն, համաձայն որի Հնդկաստանի քաղաքացիները հիմնականում ՀՀ-ում կացության կարգավիճակ են ստանում ուսման, ՀՀ-ում աշխատանքի թույլտվության առկայության, ՀՀ-ում ձեռնարկատիրական գործունեություն իրականացնելու, ինչպես նաև ՀՀ քաղաքացու հետ ամուսնության հիմքերով»,- հայտնել են ոստիկանությունից, ինչն էլ չենք զլանում ու փոխանցում ենք մեր ընթերցողին:
Եթե, իհարկե, բան հասկացաք։
Հարակից հրապարակումներ`
- ՀՀ-ում Հնդկաստանի դեսպանությունը Հայաստանում ապրող հնդիկներին հորդորում է գրանցվել
- «Ժողովուրդ». Հայաստանում էժան աշխատուժ են համարվում հնդիկները, իսկ աշխատանք փնտրողների թիվն աճում է
- Էժան ու անորակ աշխատուժից տուժելու է տնտեսությունը. քննարկում՝ հնդիկների թեմայով
- Դեսպան. Չգիտեմ մի այնպիսի հնդիկի, ով իրեն Հայաստանում երջանիկ չի զգում
- «Հնդիկ ուսանողները Հայաստանում բժշկական կրթություն ստանալու գործընթացում որևէ խնդիր չունեն»
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին
