Գյուղացիները շարունակում են փակել ճանապարհները
Անասնապահությամբ զբաղվող գյուղացիները փակել են Երևան-Սևան ավտոճանապարհի մի հատվածը, Էջմիածին-Աշտարակ ճանապարհը: Նրանք բողոքում են սպանդանոցային պարտադիր մորթի պահանջի դեմ:
«Մեր պահանջը ոչ իշխանության, ոչ վարչապետի դեմ է: Մենք ուզում ենք հասկանալ, թե ինչպես պետք է աշխատել: Ոչ մեկ չի պատասխանում»,- ասաց Երևան-Սևան ավտոճանապարհը փակած քաղաքացիներից մեկը:
Նա նշեց, որ 5 օր գնացել են կառավարության դիմաց հարցի պատասխանը ստացեու համար, սակայն այդպես էլ որևէ մեկը չի պատասխանել:
«Սննդի տեսչությունից հեռուստացույցով ելութ է ունենում, ամպագոռգոռ խոսում է՝ ձի ծախող, էշ ծախող: Չի կարելի: Այստեղ հավաքված են մսավաճառներ, բայց մեծ մասը գյուղացիներ են: Մարդիկ զայրացած են՝ ձի ծախողը ո՞րն է: Ընդամենը մի հարց ենք տալիս՝ 350 կիլոգրամանոց ցուլը ո՞նց ենք տեղափոխելու սպանդանոց: Կան հարցեր, որոնք լուծված չեն: Ի՞նչ է, չէին կարող մի քանի հոգու ընդունել, նստել, խոսել, հասկանալ, թե ինչպես է լինելու, երբ որ պրակտիկա չենք անցել: Ինչպես եղավ կաթի դեպքում, նույն պատմություն է, կաթը տվեցին անհատին, միսն էլ են տալու անհատին»,- ասում են բողոքող բնակիչները:
Որպես լուծում նրանք առաջարկում են ոչ թե սպանդանոցներ լինեն, այլ ամեն համայնք ունենա բժիշկ, որը սրսկումները անի, ստուգի, վերահսկողություն լինի:
«Մենք էլ երեխաներ ունենք, ուզում ենք, որ մաքուր միս տրվի նրանց»,- ասաց ակցիայի մասնակիցներից մեկը:
Հիշեցնենք, որ այսօր առավոտից Հայաստանի տարբեր շրջաններում բողոքի ակցիաներ են իրականացվում նույն խնդրով: Փակվել էր Երևան-Արարատ ճանապարհը, նաև փորձ էր արվում փակել Արմավիր-Երևան ճանապարհը, ոստիկանների և բողոքի ակցիայի մասնակիցների միջև հրմշտոց էր սկսվել: Արարատի մարզի Մխչյան գյուղի բնակիչները նույնպես դուրս էին եկել բողոքի ակցիայով:
Հիշեցնենք, որ տարբեր մարզերից մի քանի տասնյակ անասնատերեր մի քանի օր հավաքվեցին կառավարության մոտ կրկին նույն պահանջով, որևէ պատասխան չստանալով, որևէ մեկի հետ հանդիպում չունենալով՝ նրանք երեկ հայտարարեցինք, որ այսօր փակելու են տարբեր ճանապարհներ:
Հարակից հրապարակումներ`
- «Հիմա եկել ենք, խնդրում ենք, որ թողես կով պահենք, կով»
- Բողոքող արմավիրցի. «Եթե համայնքում մի հատ սպանդանոց է ու օրը 400-500 գլուխ ապրանք է մորթվում, որտե՞ղ ենք հասցնելու»
- Անասնատերերը փակել են Երևան-Արարատ մայրուղին
- Չի կարող մանր մասնավոր անասնապահ գյուղացին իր սեփականության մի մասը զիջի ինչ-որ անհասկանալի սպանդանոցի.Բագրատյան
- ՍԱՏՄ-ն վերահսկելու է, որ կենդանիների մորթը կատարվի սպանդանոցներում
- Անասնաբույծները պայմանավորվեցին՝ վաղը մարզերում ճանապարհներ են փակելու
- Անասնաբույծ. «Կառավարությունից ոչ մեկ չի իջնում՝ մեզ հետ խոսի, մենակ ոստիկան են բերում մեր դեմ»
- Բողոքող անասնատերերը փակել են Տիգրան Մեծ պողոտան
- Անասնատերերը կրկին կառավարության առջև են՝ բողոքով
- Սպանդանոցային մորթի պարտադիր պահանջի հետաձգման լիազորություն ՍԱՏՄ-ն չունի. Նարեկ Հայրապետյան
- Անասնաբույծները կառավարության շենքի դիմաց կհավաքվեն նաև երկուշաբթի, կպահանջեն իրենց ժամանակ տալ
- Սպանդանոցների ծառայությունների գները հստակեցվել են
- «Սպանդանոցի պակասի հետևանքով ներմուծված միս ենք ուտելու»
- Բողոքի ակցիա. Սպանդանոց չեն սարքել, մեզ սպանդանոցային մորթ են պարտադրում
- Սպանդանոցային պարտադիր մորթի առաջին օրը. «Ավելի վատ էի պատկերացնում»