Ձեր վստահելի աղբյուրը

Իտալիան նախօրեին  հայտարարեց, որ երեքշաբթի օրը կորոնավիրուսից երկրում մահացել է ևս 168 մարդ՝ անցնելով 600-ից,  իսկ վարակվածների թիվն անցել է 10,000-ից:

Ավստրիան փակել է իր սահմանները Իտալիայից ժամանող յուրաքանչյուր անձի համար, քանի դեռ նրանք չունեն սերտիֆիկատ, որ վարակված չեն COVID-19 կորոնավիրուսով։ Սլովենիան ևս ավելի ուշ հայտարարեց, որ փակում է իր սահմանն Իտալիայի հետ: Ֆրանսիայի նախագահ Էմանուել Մակրոնը հայտարարել է, որ դա «վատ որոշում է»:

Ավստրիացիները, ովքեր ապրում են Իտալիայում, կվերադարձվեն և կարանտինի տակ կպահվեն:

Ինչպես գրում է euronews-ը, այս քայլերն ընդգծում են ԵՄ անդամների կողմից հիվանդության տարածումը կանխելու տարբեր մոտեցումները:

Կորոնավիրուսի հետ կապված վերջին զարգացումները

Մեծ Բրիտանիայում վարակակվածների թիվը 54-ից հասել է  373-ի,  ներառյալ վեցերորդ մահը։ Վարակը հաստատվել է առողջապահության նախարարի մոտ։
Ryanair-ը չեղարկել է թռիչքները դեպի Իտալիա և հակառակ ուղղությամբ՝ մինչև ապրիլի 8-ը։ Բրիտանական ավիաուղիները դադարեցնում է իր ծառայությունները մինչև ապրիլի 4-ը։
Իսպանիայի աջակողմյան «Վոքս» կուսակցության գլխավոր քարտուղարը ևս վարակվել է կորոնավիրուսով։
Ֆրանսիան ասում է, որ Լիգա 1-ը, Լիգա 2-ի ֆուտբոլային հանդիպումները կանցնեն «փակ դռների հետևում» մինչև ապրիլի 15-ը։
Իրանը հայտարարել է մեկ օրում 54 մահի մասին:
Եվրոպական խորհրդարանի նախագահ Դավիդ Սասոլին հայտնել է, որ 14 օր կաշխատի տնից:
Իսրայելը հրահանգել է արտերկրից ժամանած բոլոր քաղաքացիներին 14 օր կարանտինացված լինել:
ԱՄՆ-ի տնտեսությունը խթանելու համար Դոնալդ Թրամփը հայտարարում է աշխատավարձի հարկի նվազեցման մասին:
ԱՀԿ-ն ասում է, որ համաճարակի սպառնալիքը «շատ իրական է դարձել»։
COVID-19-ով մինչ այժմ աշխարհում վարակել է 113.255 մարդ, մահացել է  3.964-ը: Ավելի քան 62,000 վերականգնվել են:
Չինաստանը, որտեղ բռնկվել է վարակը, հայտնում է վարակի նվազման մասին։ Նախօրեին Չինաստանը հաղորդել է ընդամենը 19 նոր դեպքերի մասին, ինչը ամենացածր ցուցանիշն է։
Բրիտանիայում առողջապահական մարմինները ներկայացրել են միջոցներ՝ վարակի վերաբերյալ սոցցանցերում կեղծ լուրերի դեմ պայքարի համար: