Կորոնավիրուսը ՀՀ-ում՝ ժամանակագրություն

Առողջություն 11:20 16/03/2020 Հայաստան

Կորոնավիրուսը ՀՀ-ում՝ ժամանակագրություն

Տես նաև`Իտալիայից կգան, կնստեն տաքսիներն ու տուն կգնան

Դեռևս նախորդ տարվա դեկտեմբերի վերջին հայտարարվել է, որ Չինաստանում նոր տիպի COVID-19 բռնկման դեպք է արձանագրվել, այնուհետև այն վերածվել է համաճարակի: Իսկ արդեն մարտի 11-ին Առողջապահության համաշխարհային կազմակերպությունը հայտարարել է, որ աշխարհում նոր կորոնավիրուսի տարածումը պանդեմիայի բնույթ է ստացել։

Չինաստանը, որ կորոնավիրուսի տարածման սկիզբ էր, վիրուսի հետ պայքարի մեջ մտավ զորքերով, հատուկ միջոցառումներով, ժամերի ընթացքում ստեղծած հիվանդանոցներով, երկաթյա կարգապահությամբ, իրար համար դռների մոտ խնամքով թողած սննդամթերքների տոպրակներով և իհարկե՝ անձնվեր, տուն չգնացող բժիշկ-բուժքույրերով։ Օրեր առաջ հայտարարեց, որ հիվանդությունը նահանջում է, հատուկ բացված հիվանդանոցները դատարկվել են։

Այժմ կորոնավիրուսի պանդեմիայի էպիկենտրոնը եվրոպական երկրներն են:

worldometers.info -ի հաղորդմամբ, մարտի 15-ի տվյալներով, աշխարհի 156 երկրում կա կորոնավիրուսով վարակի ավելի 167,519 դեպք։ COVID-19 վիրուսից մահացածների թիվը հասել է 6455-ի, ավելի քան 76 հազար մարդ բուժվել է։ ԱՀԿ-ն կոչ է անում երկրներին կորոնավիրուսի դեմ պայքարում ցուցաբերել համալիր մոտեցումներ:

Ինչ վերաբերում է այս տարածաշրջանին, կորոնավիրուսի վարակման դեպքեր կան Հայաստանի հարևան բոլոր երկրներում՝ Վրաստան, Իրան, Թուրքիա, Ադրբեջան:

16.03.2020թվի դրությամբ՝ Հայաստանում կա կորոնավիրուսով հիվանդների մասին պաշտոնապես հայտարարած 30 դեպք: Նախորդ օրվա պատոնական տվյալներով՝ մեկուսացված է 300 քաղաքացի, որոնց թվում են Էջմիածնի 4-րդ դպրոցի աշակերտներ, ծնողներ, ուսուցիչներ։ Կատարվել է նոր կորոնավիրուսի հայտնաբերման 577 հետազոտություն:

Աղյուսակում ներկայացվում է, թե Հայաստանում երբ են հայտարարվել կորոնավիրուսով վարակման դեպքերի մասին, ովքեր են, որտեղից են եկել: Նրանց ով լինելու մասին տեղեկատվություն չի հաղորդում, քանի որ անձնական տվյալները բժշկական և էթիկական գաղտնիք են:

01.03.2020 ընդ.1	1 դեպք- ՀՀ քաղաքացի, 29 տարեկան, տղամարդ,	Կնոջ հետ օդանավով ժամանել է փետրվարի 28-ին, Թեհրանից։ Զննումից հետո ուղարկվել էր տուն, ինքնուրույն դիմել բժշկի, ինչից հետո կորոնատեստը տվել էր դրական արդյունք, բուժվում է։ Կնոջ տեստը բացասական էր։
11.03.2020 – ընդ.4	3 հոգի - ՀՀ երկու քաղաքացի (45 և 27 տարեկան), Իտալիայի քաղաքացի (51 տարեկան)	Երեքն էլ ժամանել են Իտալիայից: Նրանցից մեկը՝ էջմիածին քաղաքից, Հայաստան է եկել փետրվարի 29-ին: Զննում անցել են օդանավակայանում, թողնվել է տուն։ Էջմիածնեցի կինը մասնակցել է նշանդրեքի, դառնալով վարակի տարածման աղբյուր։
12.03.2020 – ընդ. 6	2 հոգի – տեղային վարակում	Էջմիածնի քաղաքացու հետ /նշանդրեք/ սերտ շփում ունեցած անձանց շրջանակից։
13.03.2020 – ընդ. 13	7 հոգի	4-ը՝ Էջմիածնի քաղաքացու հետ սերտ շփում ունեցած անձանց շրջանակից /նշանդրեք/։ 1-ը ժամանել է Ֆրանսիայից 2-ը՝ գտնվել են Իրանից եկած ուղևորների կարանտինում, այնուհետև հոսպիտալացվել են, քանի որ թեստի արդյունքները եղել են դրական /ուղևոր են, թե՝ շփում է եղել՝ չի հայտնվել/։
14.03.2020 – ընդ. 20	7 հոգի, տեղային վարակում	Կապը՝ Էջմիածնի դեպքի հետ /նշանդրեք/։
15.03.2020 – ընդ. 28	8 հոգի, տեղային վարակում	Կապը՝ ....-ը Էջմիածնի դեպքի հետ /նշանդրեք/, 1 դեպք՝ Մեղրիում, որը, ըստ պաշտոնականի՝ Իտալիայից եկած ու կարանտին չտարած նույն ուղևորահոսքից է ։ 1 դեպք՝ Երևանի արտադրամասերից մեկում։ (պաշտոնական տվյալները սկսել են անորոշ տալ)
16.03.2020 – ընդ. 30	2 հոգի, տեղային վարակում	Կապը՝ 1-ը Էջմիածնի դեպքի հետ, 1-ը՝ ....։ (պաշտոնական տվյալները սկսել են անորոշ տալ)...

Պաշտոնական հաղորդագրությունների ձևի պատճառով՝ այս կերպ հետազոտությունը դառնում է անհնար։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: