Ձեր վստահելի աղբյուրը

Խորհրդարանի այսօրվա նիստը մեկնարկեց նախօրդ օրը քննարկված նախագծերի քվերակությամբ:  Ընդունվեց 12 օրենքի նախագիծ, որից  10-ը՝ երկրորդ ընթերցմամբ ու ամբողջությամբ: ԱԺ-ն մերժեզ միան «Լլուսավոր Հայաստան » խմբակցության պատգամավորների ներկայացրած երկու օրենքի նախագծերը:

Չընդունվեց Հարկային օրենսգրքում լրացում կատարելու մասին առաջարկությունը: Օրենսգրքի 147-րդ հոդվածով սահմանված են եկամտային հարկի գծով նվազեցվող եկամուտները, որոնց մասով եկամտային հարկ չի գանձվում: Դրանց թվում են ապահովագրական հատուցումները: Պրակտիկայում առկա է խնդիրը՝ բանկերի և վարկային կազմակերպությունների կողմից տրամադրվող վարկերի գրավ հանդիսացող անշարժ և շարժական գույքի գրավի ապահովագրության ժամանակ շահառու է հանդիսանում բանկը կամ վարկային կազմակերպությունը, իսկ ֆիզիկական անձ վարկառուն հանդիսանում է ապահովադիր:

Ապահովագրական դեպք տեղի ունենալուց հաճախ բանկերը և վարկային կազմակերպությունները որոշում են հատուցման գումարը տրամադրել վարկառուին և ոչ թե ուղղել վարկի մարմանը՝ հաշվի առնելով վնասի փոքր ազդեցությունը գրավի վրա և հաճախորդի կողմից վարկային պարտավորությունների պատճաշ կատարումը:Այս դեպքում, սակայն, հատուցումն ստանում է բանկը, ու գումարը փոխանցվում է վարկառուին և, հետևաբար, ստացված գումարը չի հանդիսանում ապահովագրական հատուցում ֆիզիկական անձի համար, այն  ենթակա է լինում հարկման եկամտային հարկով:

«Լուսավոր Հայաստան» խմբակցությունն առաջարկել էր ուղղել այս բացը:
«Իմ քայլը» խմբակցության պատգամավոր Բաբկեն Թունյանը հայտնեց, որ իրենք խնդիր են տեսնում օրենքի անցումնային դրույթներում, քանի որ որոշ վարկառուներ կարող են դուրս մնալ կարգավորումից: Պատգամավորն առաջարկեց դեմ քվեարկել նախագծին, իսկ հեղինակը թող այն վերադարձնի առաջին ենթերցման ռեժիմ և երբ այդ բացը լրացվի իրենք կողմ կքվեարկեն:
​Մանե Թանդիլյանը տեղեկացրեց, որ այդ թիվը շատ փոքր է և չի կարող օրենքի չընդունման պատճառ դառնալ :

ԱԺ-ն 74 դեմ ձայներով երկորդ ընթերցմամբ մերժեց նախագիծը: Մանե Թանդիլյանը, օգտվելով օրենքի համապատասխան դրույթից, նախագիծը դրեց գրավոր քննարկման փուլի ռեժիմ տեղափոխելու առաջարկը, որն արդեն ԱԺ-ն միաձայն ընդունեց:
Համայնքներին նվիրատվություն տալու հարցը կարգավորող «Տեղական ինքնակառավարման մասին» օրենքում փոփոխություններ կատարելու նախագծի  քվեարկելու ժամանակ ելույթ ունեցավ պատգամավոր Վարազդատ Կարապետյանը և նշեց, որ  իրավական ու բովանդակային խնդիրներ կան իսկ մարաթոնների և դրամահավաքների ժամանակ հնարավոր չէ անընդհատ ավագանու նիստ գումարել:  Տեղեկացնելով, որ ներկայում «Բարգավաճ Հայաստան» կուսակցությունն էլ է շրջանառում նման նախագիծ՝պատգամավորն  առաջարկեց միավորել այդ նախագծերը և կոչ արեց   դեմ քվերակել «Լլուսավոր Հայաստանի» նախաձեռնությանը:

Պատգամավոր Անի Սամսոնյան պատասխանեց, որ քննարկումների ժամանակ բոլոր իրավական հարցերին պատասխանել են, իսկ «Բարգավաճ Հայաստան»  խմբակցության առաջարկը ներառել են օրինագծում: «Այս խնդիրը ձեզ ավելի շատ գլխացավանք պատճառեց, քան ընդդիմությանը: Եթե ուզում ենք, որ համայնքի ղեկավարն աշխատի թափանցիկ, եթե ուզում ենք, որ ավագանին աշխատի և ունենք կամք այդ հարցը լուծելու՝ եկեք լուծենք»,- կոչ արեց «Լուսավոր Հայաստան » խմբակցության պատգամավորը: Բայց ԱԺ-ն 77 դեմ ձայներով մերժեց ընդունել օրենքի նախագիծը: