Մեր խորհրդարանական մեծամասնության պահվածքն անհասկանալի, անընդունելի, ավտորիտարիզմի տանող վարքագիծ է.Կոստանյան
«Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում անդրադարձել է ԱԺ արտահերթ նիստին :
«Մեր խորհրդարանական մեծամասնության պահվածքն անհասկանալի, անընդունելի, ավտորիտարիզմի տանող վարքագիծ է։ Ով ինչ ուզի կանի, ով ինչ ուզի կասի, ով ոնց ուզի կարդարացնի, կմեկնաբանի, կարևորը համոզել, որ էս չարաբաստիկ նախագիծը կյանքեր փրկելու համար է։ Ժողովուրդ, ոնց որ թե դրսում արտակարգ ռեժիմ է, կորոնավիրուսն էլ տարածվում է, իսկ դուք ձեր խոցելիներին ու ջերմությամբ պատգամավորներին հանում բերում եք ԱԺ, որ ռեպրեսիվ միջոցառմանն օրենքի ուժ տաք։
Հիմա հավելվածի մասին․ որպես ՏՏ ոլորտում 4 տարվա աշխատանքային փորձ ունեցող մարդ գիտեմ, որ կառավարության կողմից մշակված ծրագրային հավելվածի https://ac19.am/ ծրագրավորման համար կպահանջեր մոտ 4-6 ամիս մինիմում, այնինչ այն օրերս է թողարկվել, պլյուս սրան, դեռ մի որոշ ժամանակ էլ անհրաժեշտ էր լինելու bugfix-ի՝ թերությունների շտկման համար, պլյուս մոտ մեկ ամիս էլ պահանջվում է, որպեսզի playmarket-ը, և appstore-ը հավելվածը հաստատեն ներբեռնման համար։
Հիմա հարց․ արդյոք կառավարությունը դեռևս 3 կամ 4 ամիս առաջ տեղյակ էր կորոնավիրուսի տարածման մասին, երբ սկսում էր մշակել այս հավելվածը, կարծում եմ՝ ոչ։ Եվ եթե հավելվածը մշակվել է արդեն իսկ գոյություն ունեցող պլատֆորմի վրա, ապա ինչքանով է վստահելի ՀՀ քաղաքացիների տվյալները տրամադրել անհայտ ծագմամբ ծրագրային հարթակին։ Սա շատ լավ մտածված, հասարակության կառավարումը բևեռացնող, էլ ավելի ճնշող դարձնելուն ուղղված քայլ էր։ Ցավում եմ, որ այս ուղղությամբ եք շարժվում առաջ։
Բարի գալուստ ռեպրեսիաների նոր փուլ։
հ․գ․ ֆեյքերի ականջից հեռու։»,-գրել է նա: