ՄԱԿ-ի հանձնակատարը կոչ է արել ազատել ռիսկի խմբում գտնվող կալանավորներին համավարակի ֆոնին․ France24
ՄԱԿ-ի Մարդու իրավունքների գերագույն հանձնակատար Միշել Բաչելեթը կոչ է արել երկրների իշխանություններին դիտարկել կորոնավիրուսով վարակվելու բարձր ռիսկի տակ գտնվողներին կալանքից ազատելու հնարավորությունը։ Այս մասին գրում է News.am-ը՝ վկայակոչելով France 24-ին։
Նրա խոսքով՝ իշխանությունները պետք է ուսումնասիրեն ազատ արձակելու միջոցները COVID-19-ի նկատմամբ խոցելի անձանց համար, այդ թվում՝ տարեց և հիվանդություններ ունեցող կալանավորների, ինչպես նաև ռիսկի ցածր մակարդակն ունեցող իրավախախտների համար։
Բաչելեթը նշել է, որ բազմաթիվ երկրներում կալանքի վայրերը լցված են կալանավորներով, և այնտեղ հաճախ բացակայում են համապատասխան հիգիենան և առողջության պահպանման պայմանները։
Նրա խոսքով՝ ֆիզիկական հեռավորությունն ու ինքնամեկուսացումն այդ պայմաններում գրեթե անհնարին են։
Բաչելեթը կոչ է արել կառավարություններին չմոռանալ ոչ միայն կալանավայրերում գտնվողներին, այլ նաև փակ հոգեբուժական հաստատություններում, ծերանոցներում և մանկատներում ապրող մարդկանց։
Հարակից հրապարակումներ`
- Հայաստանի 12 քրեակատարողական հիմնարկներում պահվում է 2 հազար 258 անձ. Բադասյան
- Արամ Վարդևանյան. Պետք է սեղմ ժամկետում վերանայել կալանավորումներն ու կիրառել գրավ
Լրահոս
Տեսանյութեր
Փաշինյանի կնոջը «Նիկոլ ցեղասպան» վանկարկումով դիմավորեցին Ծիծեռնակաբերդի հուշահամալիրում