Ձեր վստահելի աղբյուրը

ՀՀ երկրորդ նախագահ Ռոբերտ Քոչարյանի փաստաբանական խմբի անդամ Արամ Վարդևանյանը լրագրողներին տեղեկացրեց՝ ՄԻՊ աշխատակազմից ստացել են պաշտպանին ուղղված դիմումի պատասխանը։

«Ի դեպ, ստեղծված իրավիճակի վերաբերյալ երկու անգամ էինք տեղեկացրել Մարդու իրավունքների պաշտպանին։ Ստացել եմ  պատասխան. այն խնդիրը, որ մենք ներկայացնում ենք, ըստ որի՝ փաստացի չունենք անհապաղ քննության ենթակա միջնորդության քննություն կատարող դատավոր ՄԻՊ-ը ևս համակարծիք է այն դիրքորոշման հետ, որ այս իրավիճակը խնդիր իրենից ենթադրում է, և  հենց մարդու իրավունքների տեսանկյունից»,-ասաց  փաստաբանը՝ հիշեցնելով, որ խափանման միջոցըտ փոխելու վերաբերյալ միջնորդությունները  պետք է քննվեն անհապաղ։

Համեմատության համար նա հորդորեց պատկերացնել մի իրավիճակ, երբ մարտի 16-ին կալանավորման միջնորդություն ներկայացվի ու մինչև ապրիլի 8-ը չքննվի, պատճառն էլ այն լինի, որ դատավորը մարտի 13-ից բացակայում է, ու չգիտեն էլ, թե երբ կվերադառնա։

«Պարզ է, նման դեպք չեք պատկերացնի, չի կարող նման բան լինել։ Բայց նույն տրամաբանությունը պետք է գործի անձնական երաշխավորությամբ, գրավով խափանման միջոցը փոխելու միջնորդությունների պարագայում։ Բայց Ռոբերտ Քոչարյանի գործով մենք տեսնում ենք հակառակ պատկերը»,-ասաց փաստաբանը։

Արամ Վարդևանյանը հիշեցրեց ԵԽ խոշտանգումների կոմիտեի՝ անդամ երկրներին, այդ թվում Հայաստանին ուղղված հորդորների մասին, որոնք վերաբերում են կորոնավիրուսի տարածման պայմաններում այլընտրանքային խափանման միջոցների կիրառմանը։

«Ի՞նչ ունենք Հայաստանում։ Helpcourt կայքով կարող եք նայել, բարձր վարկանիշ ունեցող դատավորները ոչ թե սպասել են փաստաբանների միջնորդությանը, այլ սեփական նախաձեռնությամբ վերանայել են խափանման միջոցը՝ հիմք ընդունել ԵԽ խոշտանգումների կոմիտեի զեկույցի սկզբունքները։ Մենք ունենք կորոնավիրուսի տարածում, «Վարդաշեն» ՔԿՀ-ում ծառայողների վարակման հաստատված դեպք, երկու օր առաջ էլ եղավ Դունյա Միյատովիչի հորդորը՝ ԵԽ անդամներին, այդ թվում Հայաստանին, նա հստակ նշել էր, որ կալանքից ազատումը պետք է լինի առանց խտրականության, ինչը նշանակում է, որ պարտադիր կերպով դա պետք է տարածվի Ռոբերտ Քոչարյանին, քանի որ դատախազության ներկայացված չափորոշիչները աներկբա վերաբերում են Ռոբերտ Քոչարյանին»,-ասաց Վարդևանյանը՝ նկատելկով, եթե դատախազությունն իր «բարի նախաձեռռնությունը» կիրառի  երկակաի ստանդարտներով, ապա դա կլինի իրավունքի կոպտագույն խախտում, քանի որ խտրականությունն անընդունելի է մարդու իրավունքների առումով։

Հիշեցնենք, որ ավելի վաղ դատախաազությունը հայտնել էր՝  ՔԿՀ-ներում պահվող նախնական կալանքի տակ գտնվող անձանց կորոնավիրուսային վարակումից և հիվանդությունից պաշտպանելու միջոցառումների շրջանակներում ՀՀ դատախազությունն սկսել է առաջնային ռիսկի գոտում գտնվող կալանավորված անձանց նկատմամբ խափանման միջոցի փոփոխման նախաձեռնություն:

Այդ նպատակով իրականցվել էր ազատությունից զրկելու հետ չկապված խափանման միջոցներ կիրառելու հիմքերի, իրավական մեխանիզմների նախնական ուսումնասիրություն՝ հաշվի առնելով նաև ազատության մեջ հայտնվելու պարագայում նրանց կողմից ոչ պատշաճ վարքագծի դրսևորման, ազատության մեջ գտնվելու պայմանները չխախտելու հնարավոր ռիսկերը: