Ձեր վստահելի աղբյուրը

ՄԱԿ-ի գլխավոր քարտուղար Անտոնիո Գուտերեշը, ի պատասխան կորոնավիրուսի համաճարակի ընթացքում Առողջապահության համաշխարհային կազմակերպության (ԱՀԿ) աշխատանքի քննադատությանը, կոչ է արել ոչ թե որոշել, թե ով ինչ գործ է կատարել, այլ ցուցադրել միասնություն կորոնավիրուսի տարածման դեմ պայքարում։ Այս մասին հայտնում է «Ինտերֆաքս»-ը :

«Այժմ միասնության ժամանակն է, միջազգային հանրությունը միասնաբար պետք է գործի` վիրուսի տարածումը դադարեցնելու և բացասական հետևանքները նվազեցնելու համար»,- մեջբերել է «Ասոշիեյթիդ պրես»-ը ՄԱԿ-ի գլխավոր քարտուղարի խոսքերը:

Ըստ նրա, այժմ «դասեր քաղելու» ժամանակը չէ, բայց երբ համաճարակը ավարտվի, անհրաժեշտ կլինի ուսումնասիրել, թե ինչպես վիրուսն առաջացավ և արագորեն տարածվեց: Հնարավոր կլինի նաև վերլուծել ճգնաժամի հետևանքները ու դրան արձագանքը:

Նա նշել է, որ միայն այս վերլուծությունից հետո հնարավոր կլինի եզրակացություններ անել:

Գուտերեշը հավելել է, որ կորոնավիրուսի հետ կապված իրավիճակը «աննախադեպ է մեր ժամանակի համար և, հետևաբար, պահանջում է աննախադեպ պատասխան»:

Նրա հայտարարությունը հնչել է այն բանից հետո, երբ ԱՄՆ նախագահ Դոնալդ Թրամփը քննադատեց, թե ինչպես է ԱՀԿ-ն պայքարում կորոնավիրուսի դեմ:

Չորեքշաբթի երեկոյան Թրամփն հայտարարել էր, որ ԱՀԿ-ն վատ որոշումներ է կայացրել COVID-19- ի հետ կապված իրավիճակում, և, հետևաբար, նա դիտարկում է, թե ապագայում որքան ֆինանսավորի այդ կառույցը:

«ԱՀԿ-ն մեծ գումարներ է ստանում ԱՄՆ-ից», - հիշեցրել է ԱՄՆ նախագահը Սպիտակ տանը տեղի ունեցած ճեպազրույցի ժամանակ:

Միևնույն ժամանակ, Թրամփը նշել է, որ հենց սկզբից վիրուսի տարածումը զսպելու համար ԱՀԿ-ն համաձայն չէր Չինաստանի հետ սահմանը փակելու իր որոշման հետ:

«Նրանք սխալվում էին շատ հարցերում, թվում էր, թե նրանք ծայրահեղ «չինաստանամետ» դիրքորոշում էին որդեգրել»,- ասել է Թրամփը:

Ի պատասխան լրագրողի ճշտող հարցին, թե արդյո՞ք խելամիտ է սառեցնել ԱՀԿ-ի ֆինանսավորումը համաճարակի տարածման թեժ պահին՝ Թրամփն ասել, որ նա դեռ չի դադարեցրել ֆինանսավորումը: «Ես ասացի, որ մենք կքննարկենք այդ հարցը», - հավելել է ԱՄՆ նախագահը: