Ձեր վստահելի աղբյուրը

«Քանի մանկահասակ կամ դպրոցահասակ երեխա կա վարակված, այդ թիվը չեմ կարող հայտնել և համաճարակաբանական  տեսանկյունից որևէ նշնակություն չունի»,-Հայկական միասնական տեղեկատվական կենտրոնում այսօր հայտնեց առողջապահության նախարար Արսեն Թորոսյանը՝ պատասխանելով երեխաների վարակվածության մասին տվյալներ ստանալու լրագրողի հարցմանը:

«Անտիֆեյկ».- Պարետի վերջին ցուցումով 4 ռիսկային խմբում ընդգրպկվել են երեխաները, մինչդեռ ասել էիք, որ նրանք ռիսկային խմբում չեն: Ինչ վիճակում են վարակված մանկահասակ երեխան և նրա մայրը:
Ա. Թորոսյան.- Երեխաների ռիսկի խմբում գնտվելը առողջապահության համաշխարհային կազմակերպության երաշխավորությամբ է, երբ որ խորհուրդ տրվեց, որ նրանց նկատմամբ ուշադիր լինեն, չնայած մենք միշտ էլ ուշադիր ենք: Իսկ երբ, որ ասել եմ, որ նրանք ռիսկի խմբում չեն՝ ասածս ուժի մեջ է, բայց դա չի նշանակում, որ մենք չենք զբաղվելու նրանց բուժումով: Խոսքը երեխաների մահվան դեպքերի մասին է, որոնց մեջ բարեբախտաբար առողջ երեխաներ չկան: Օրինակ արձանագրվել է թույլ իմունիտետով երեխայի մահվան դեպք Մեծ բրիտանիայում: ինչը մեզ նաև լրացուցիչ զգոնության առիթ է տալիս հատկապես քիմաթերապիա ստացող երեխաների, իմունային անբավարարությամբ երեխաների նկատմամբ: 

Նույնիսկ մեր թեստավորման չափանիշների մեջ երեխաները հատուկ տեղ ունեն և  նրանց մոտ նույնպես պետք է ախտորոշվի: Կոնկրետ դեպքով ենթադրում եմ  որ մանկահասակի վիճակը լավ է, որովհետև վատ վիճակի մասին տեղեկավություն չունեմ: Ծանր վիճակում գտնվող երեխա  կամ երեխայի հետ եղած ծնող այս պահին չունենք: Վերջին օրերին արձանագրվել է վարակի տարածման նվազում, որը խստացումների հետևանք է, սակայն ունենք աղբյուրների բազմազանություն, երբ հաստատված դեպքերն տարբեր աշխարհագրական տեղերից են: Այսինքն` իրականում կորոնավիրուսի շրջանառությունը տեղ ունի ՀՀ-ում և գործողությունը դրանց փոխանցման շղթաների կոտրման համար պետք է լինի երկարատև: Դրա պատճառն այն է որ վիրուսի ինկոբացիոն շրջանը երկարատև է և դանդաղ է դուրս գալիս օգանիզմից:

Հետևություն անելու համար դեռ շատ վաղ է և պետք է շարունակենք բոլոր գործողությունները՝ ավելի լայն թափ տալով նրանց ինչ մինչ օրս արել ենք: Իսկ մինչ այդ մենք պետք է ունենանք կառավարելի թվով պացիենտներ, որպեսզի կարողանանք թույլ տալ առողջապահության համակարգին զբաղվել նրանցով: Եթե հակառակը լինի ապա կունենանք աղետալի իրավիճակ երբ, որ առողջապահական համակարգը չի կարողանա մեծ թվով պացիենտների բուժմամբ զբաղվել:

«Մեգա նյուզ».- Ճի՞շտ է, որ վարակակիրների մեծ մասի վիճակы թեթև է և բուժվում են տանը, իսկ դեղատներում դեղերը չեն հերիքում:
Ա. Թորոսյան.- Ճիշտ է, որ կորոնավիրուսով հիվանդության 80 տոկոսը չի պահանջում ստացիոնար բուժում, այլ տնային պայմաններում է արվում: Շատ երկրներ անցել են այդ ռեժիմին, բայց մենք դրան չենք անցել, հետևաբար տնային բուժման համար հատուկ դեղորայք չկա, պարզապես չկա: Չեմ հասկանում, չեմ ուզում ասել, որ հարցն անհեթեթ է: Իսկ թեթև դեպքերում ջերմ իջեցնող «պարացետամոլ» հաստատ կա, հեղուկների ընդունում, տաք թեյի ըմպում  կարելի է անել։

«Մեդ մեդիա».- Ի՞նչ աղբյուրներից են ֆինանսավորվում  բուժաշխատողները, լրացուցիչ վճարվո՞ւմ են,  քանի՞ հոգի է ներգրավված պրոցեսում։
Ա. Թորոսյան.- Այո ֆինանսավորվում են բյուջեի միջոցնեորվ առօրյա գործունեությա համար, նաև նվիրատվություններից, որոնք եղել են և ես շնորհակալություն եմ հայտնում բոլոր օժանդակողներին:
Մինչ օրս ներգրավված է 1700-ի հասնող բուժաշխատողների Հայաստանի 9 հիմնական բուժհաստատություններից, նաև շտապօգնության ծառայություններում և սահմանային անցակետերում:։

Թորոսյանը հայտնեց, որ արտակարգ դրությունը երկարացնելու առաջարկ է ներկայացնելու կառավարությանը: