Իրավունք 18:09 20/04/2020 Հայաստան

Ռոբերտ Քոչարյանի պաշտպան. Ոչ դատավորը, ոչ դատարանի նախագահը չեն կատարում իրենց պարտականությունները

ՀՀ երկրորդ նախագահի փաստաբանական խմբի անդամ Արամ Վարդևանյանն իրավական հարթությունում որևէ մեկնաբանություն չի գտնում այն ամենի վերաբերյալ, ինչ կատարվում է Ռոբերտ Քոչարյանի ու մյուսների գործով։ Դատավոր Աննա Դանիբեկյանի հետ մեկտեղ ու նույնչափ նա մեղադրում է Երևան քաղաքի ընդհանուր իրավասության դատարանի նախագահին։

«Մենք այդպես էլ չհասկացանք, թե ինչպես էր Աննա Դանիբեկյանի վիրահատությունն անհետաձգելի, որո՞նք էին բժշկական հիմնավորումները, թե ինչո՞ւ նրա բացակայությունը տևեց, խնդրում եմ ուշադիր եղեք, երեսուներեք օր։ Սա իսկապես քիչ հանդիպող դեպք է, բայց տեղի ունեցավ հենց մեր գործով։ Երեսուներեք օր մենք ունեցանք անաշխատունակության մեջ գտնվող դատավոր»,-Panorama.am-ի հետ զրույցում նման մտահոգություններ ու կասկածներ, պատասխաններ չստացած հարցեր է բարձրաձայնում փաստաբանը։

Նա ընդգծում է ձևակերպումը, ըստ որի, Աննա Դանիբեկյանը կարող էր վերադառնալ աշխատանքի. «Եթե բժիշկը չգտնի այլևս անհրաժեշտություն երկարաձգելու, ապա տիկին Դանիբեկյանը կվերադառնա աշխատանքի»։

Վարդևանյանի կարծիքով, հարցը բանավեճի առարկա է դարձել նաև բժշկական համայնքում, որոշ մասնագետների մոտ էլ կլինի տպավորություն, որ 33 օրն իսկապես աննախադեպ է ու ի՞նչ ծանրակշիռ հիմավորումներ դրա ու ժամանակի երկարաձգման համար պետք է լինեն։

«Ինչևէ։ Փաստն այն է, որ չերկարաձգվեց։ Բժիշկը գտավ, որ տիկին Աննա Դանիբեկյանը կարող է ներկայանալ աշխատանքի։ Փաստն այն է, որ նա ներկայացավ աշխատանքի, ընդունակ էր, ի զորու էր կատարել իր մասնագիտական պարտականությունները։ Ես տեղեկություն ունեմ, որ նույնիսկ նա դատական նիստի է մասնակցել։ Այս պայմաններում ո՞նց կարող էր տիկին Դանիբեկյանը չքննել խափանման միջոցը փոխելու միջնորդություն, որը մարտի 16-ից առկախված է իր վարույթում։ Հասկանո՞ւմ եք, սրա պատասխանը անհնար է տալ իրավական տիրույթում։ Ի՞նչ ավելի ծանրակշիռ պարտականություն պետք է ունենար տիկին Դանիբեկյանը, քան այս միջնորդության քննության առնելը։ Չկա նման բան»,- ասում է փաստաբանը։

Նա պնդում է՝ դատավորը ոչ միայն չի կատարում իր աշխատանքային պարտականությունները, այլև բարեխիղճ չէ։

Հիշեցնենք, որ այս գործով դատավոր Աննա Դանիբեկյանի նախագահությամբ վերջին դատական նիստը տեղի է ունեցել ս․թ․մարտի 10-ին։ Դրանից հետո՝ մարտի 13-ին դատավորն անաշխատունակության թերթիկ է վերցրել, վերադարձել աշխատանքի ապրիլի 17-ին, ապա վերցրել է հերթական արձակուրդը՝ ապրիլի 20-ից մինչև մայիսի 7-ը։

Ռոբերտ Քոչարյանի գործով նիստ է նշանակվել մայիսի 8-ին։

Արձակուրդ վերցնելու հանգամանքը փաստաբանը էլ ավելի տարօրինակ է որակում, հիշեցնում է, որ դատավորը հերթական արձակուրդ վերցրել էր անցած տարվա դեկտեմբերին, աշխատանքի վերադարձել էր այս տարվա հունվարի 9-ին, հիմա նորից մեկնել է արձակուրդ։

«Դատավորների դեպքում արձակուրդները պետք է լինեն պլանավորված նախապես։ Դա էլ իրականացնելիս հաշվի են առնում մի շարք հանգամանքներ, այդ թվում կալանքի հետ կապված գործերը։ Հիմա տիկին Դանիբեկյանը չուներ պլանավորած արձակուրդ։ Բայց տեսեք ինչ են պատասխանում դատարանից լրագրողին։ Մենք տեղում նստեցինք, պլանավորեցին։ Հիմա ինչպիսի՞ վարքագծի մասին է խոսքը»,- հարց է հնչեցնում Վարդևանյանը։

Նա մանրամասնում է, որ այս իրավիճակը կարող էր կանխել դատարանի նախագահը՝ մերժելով պետության ֆինանսական միջոցների հաշվին վարձատրվող ոչ պլանավորված արձակուրդը, նա կարող էր հիմքում դնել աշխատանքային պարտականությունների կատարումը։

Փաստաբանը հիշում է, որ Վճռաբեկ դատարանը 2018-ի դեկտեմբերի 25-ին նախադեպային որոշում է  ընդունել, որով ճանաչել է իրավունքի խախտում արձակուրդով պայմանավորված գրավի միջնորդությունը 30 օր չքննելը։

«Հիմա Երևան քաղաքի դատարանի նախագահը տեղյակ չէ՞ այդ նախադեպին, երբ պարտավոր է իմանալ։ Ունենք մի իրավիճակ, որ դատարանը քառասուն օրից ավելի իր բնականոն գործունեությունը չի կատարում, և չի էլ կատարելու մի տևական ժամանակ ևս։ Հիմա այս պարագայում դատարանի նախագահը գործառույթ չի տեսնո՞ւմ, որ պետք է իրականացնի։

«Դատական օրենսգիրք» սահմանադրական օրենքում ուղղակի գրված է, որ դատարանի նախագահն ունի պարտականություն ապահովել դատարանի բնականոն գործունեությունը։ ԲԴԽ որոշում կա, ըստ որի, նման իրավիճակում պետք է գործը ժամանակավորապես փոխանցել այլ դատավորի։ Դա էլ չի արվում։ Այսինքն, ըստ դատարանի նախագահի, նորմա՞լ է, որ քննության առարկա չդառնա անհապաղ քննության ենթակա խափանման միջոցը փոփոխելու միջնորդությունն այն պարագայում, երբ վերջին անգամ այն քննվել է անցած տարվա նոյեմբերի 7-ին»,- իրավական սահմանումներն ու առկա իրավիճակը ներկայացնում է պաշտպանը։

Նա հաշվել է, որ անցած տարվա սեպտեմբերից մինչ օրս դատավոր Դանիբեկյանն անցկացրել է 16 նիստ, ևս 16 դատական նիստ չի անցկացրել իր մեղքով։

«Տեսեք, դեկտեմբերի 3-ին նիստ է լինում, հաջորդը լինում է հունվարի 9-ին, որովհետև տիկին Դանիբեկյանը արձակուրդ է մեկնել։ Փետրվարի 18-ին նիստը տապալվում է, որովհետև դատարանը չէր կարողացել ապահովել թարգմանիչներ։ Կհիշեք, որ հոկտեմբերից նոյեմբեր մոտ երեք նիստ չէր կայացել։ Սեպտեմբերից հոկտեմբեր 2-3 նիստ չի կայացել, որովհետև տիկին Դանիբեկյանը վերապատրաստման էր։ Մարտի 17-ից մինչ օրս վեց դատական նիստ տապալվել է։ Գումարային լինում է 15-16 դատական նիստ»,- հաշվում է նա՝ արձանագրելով, որ իրենց պարտականությունները չեն կատարում ոչ դատավորը, ոչ էլ դատարանի նախագահը։

Իրավաբանն ընդգծում է, որ 2019-ին ԲԴԽ-ն կարգապահական պատասխանատվության է ենթարկել Ռոբերտ Քոչարյանի գործով ինքնաբացարկ հայտնած դատավոր Նելլի Բաղդասարյանին, քանի որ վերջինս անհապաղ քննության առարկա չէր դարձրել գրավի վերաբերյալ միջնորդությունը։

«ԲԴԽ-ն հիմնավորումներում նշել էր, որ սա հանրային մեծ հնչեղություն ունեցող գործ է, իսկ միջնորդությունն էլ անհապաղ քննության ենթակա է։ Դատավորը փաստացի հրաժարվեց արդարադատություն իրականացնելուց։ Սա անգործություն է։ Հիմա նույն վիճակն է, դատավորն ու դատարանի նախագահը տեղյակ չե՞ն ԲԴԽ որոշումից։ Բա սա ի՞նչ է, եթե ոչ արդարադատություն իրականացնելուց հրաժարվել»,- հարցեր է հնչեցնում նա։

Անցած շաբաթ Վարդևանյանը կրկին դիմեց ՄԻՊ-ին։ Ստեղծված իրավիճակում նա ակնկալում է, որ պաշտպանը պետք է հանդես գա հրապարակային հայտարարությամբ այս գործի վերաբերյալ։

«Մենք մինչև ապրիլի 17-ը դիմել էինք ՄԻՊ-ին, Պաշտպանն իր հերթին դիմել էր ԲԴԽ։ Բայց ապրիլի 17-ին մենք ունեցանք իրավունքի խախտման մի ծայրահեղ իրավիճակ, դատավորը կարողանում է ներկայանալ աշխատանքի, բայց իր պարտականությունը չի կատարում։ Ես կարծում եմ, որ ՄԻՊ-ը պետք է քննարկման առարկա դարձնի այս գործի ու դրա զարգացումների հետ կապված հրապարակային հայտարարություն անելը։ «Մարդու իրավունքների պաշտպանի մասին» օրենքն արգելում է միջամտել դատական վարույթին, բայց այս իմ խնդրանք դիմումը չի վերաբերում դրան, քանի որ այդ իրադարձությունները դատական վարույթից դուրս են։ Մեր ամբողջ խնդիրն այն է, որ մենք դատական վարույթ չունենք»,- ընդգծում է նա։

Արամ Վարդևանյանը հիշեցնում է ԵԽ խոշտանգումների կոմիտեի, Մարդու իրավունքների հանձնակատարի կոչերը՝  խոցելի խմբում գտնվող մարդկանց խափանման միջոցն անհապաղ փոխելու վերաբերյալ, քանի որ բազմաթիվ ռիսկեր կան, սկսած  ՔԿՀ-ներում սոցիալական հեռավորության պահպանման անհնարինությունից։

«Հորդորել են մարտի 20-ից սկսած, իսկ մեր գործով մարտի 10-ից հետո մենք դատական նիստ չենք ունեցել, որ այդ հարցը քննվի։ Նժարի վրա պետք է դրվի նոյեմբերից կալանքի հարցով լսվելու իրավունք չունեցած ու խոցելի խմբում գտնվող, կալանքի տակ գտնվելու համար որևէ հիմք չունեցող մարդու՝ երկրորդ նախագահի հարցը։ Ու այս պայմաններում մենք դատական նիստ չենք ունենում, երբ հնարավորություն է ստեղծվում ունենալ, հիմա էլ արձակուրդի հարցն է վրա հասնում»,- ասում է փաստաբան Վարդևանյանը։

Հիշեցնենք, որ  մարտի 17-ին նշանակված նիստում դատարանը պետք է քններ Ռ․ Քոչարյանի խափանման միջոց կալանքը անձնական երաշխավորությամբ փոխարինելու միջնորդությունը։ 

Ռ․ Քոչարյանի խափանման միջոց կալանքը անձնական երաշխավությամբ փոխելու առաջարկով հանդես են եկել ՀՀ նախկին վարչապետեր Վազգեն Մանուկյանը, Խոսրով Հարությունյանը և Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը։

Երևան քաղաքի ընդհանուր իրավասության դատարանը հրաժարվել է մակագրել ՀՀ երկրորդ նախագահ Ռոբերտ Քոչարյանի կալանավորումն անձնական երաշխավորությամբ փոխարինելու միջնորդությունը այլ դատավորի։

Ի պատասխան Ռ․ Քոչարյանի պաշտպան Հովհաննես Խուդոյանի դիմումի՝ դատարանից հիշեցրել են, որ սույն քրեական գործը գտնվում է դատավոր Աննա Դանիբեկյանի վարույթում։ Պաշտպանական կողմը գրություններով դիմել է ՄԻՊ-ին և ԲԴԽ-ին՝ բարձրացնելով երկրում առկա կորոնավիրուսային վարակով պաիմանավորված՝ Ռոբերտ Քոչարյանի ռիսկային գոտում գտնվելու հարցը։

ՄԻՊ-ը համակարծիք է եղել, որ բարձրացված հարցը ոչ լիարժեք իրավակարգավորումների արդյունք է և համապատասխան գրությունով դիմել է ԲԴԽ՝ պաշտոնական դիրքորոշումը պարզելու համար: Փաստաբանների կողմից նաև մի շարք հայցադիմումներ են ներկայացվել՝ պահանջելով կանխել իրավունքները խախտող գործողությունները, մասնավորապես՝ անմարդկային վերաբերմունքը և խոշտանգումները Ռոբերտ Քոչարյանի նկատմամբ:



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

19:18
ԴԸԺ էթիկայի և կարգապահական հարցերի հանձնաժողովի անդամ է ընտրվել Գայանե Խաչատրյանը
Դատական իշխանությունից հայտնում են․ «Այսօր դատավորների ընդհանուր ժողովի կողմից կայացած քվեարկության արդյունքում՝ ԴԸԺ էթիկայի և...
Աղբյուր` Panorama.am
19:15
Թալինում որսորդական հրացաններով իրականացրել են 26 արտույտի ապօրինի որս
Բնապահպանության և ընդերքի տեսչական մարմնի աշխատակիցներն ապօրինի որսի կանխարգելիչ միջոցառումների շրջանակում իրականացվող շուրջօրյա վերահսկողության...
Աղբյուր` Panorama.am
18:53
Զինծառայող Ժորա Կարապետյանին անզգուշությամբ ինքնասպանության հասցնելու վարույթի նյութերը երկու անձի մեղադրանքով, ուղարկվել են դատարան
 Ավարտվել է զինծառայող Ժորա Կարապետյանին ինքնասպանության հասցնելու դեպքի առթիվ նախաձեռնված քրեական վարույթի նախաքննությունը:Այս մասին...
Աղբյուր` Panorama.am
18:28
Կարեն Ենգիբարյանը, որը շտապել էր մարդկանց փրկել «Կրոկուս»-ում տեղի ունեցած ահաբեկչության ժամանակ, մահացել է
 Ռուսաստանի հայերի միությունից հայտնում են․ «Ցավով տեղեկացնում ենք, որ Կարեն Ենգիբարյանը, որը շտապել էր մարդկանց փրկել...
Աղբյուր` Panorama.am
18:13
Քուրդ լրագրող. Էրդողանի կուսակցությունը փլուզման գործընթաց է ապրում
Թուրքիայում մոտավորապես 61 միլիոն ընտրող մարտի 31-ին կմասնակցի տեղական ինքնակառավարման մարմինների (ՏԻՄ) ընտրություններին։ Ո՞ր կուսակցությունը...
Աղբյուր` Panorama.am
18:00
Փարիզ-2024-ի ջահը կվառվի Թյուիլրի այգիներում
«Փարիզ-2024» օլիմպիական խաղերի կրակը կվառվի Լուվրի թանգարանի դիմաց գտնվող Թյուիլրի  այգիներում (Jardin des Tuileries), այլ ոչ...
Աղբյուր` Panorama.am
17:54
Գամանե արևադարձային ցիկլոնը հարվածել է Մադագասկարին
Մարտի 28-ին Գամանե արևադարձային ցիկլոնը հարվածել է Մադագասկարին։ Քամու պոռթկումները հասել են մինչև 55 մ/վ։ «Հիդրոօդերևութաբանության...
Աղբյուր` Panorama.am
17:47
ՊԵԿ-ը բացահայտել է կառուցապատման ոլորտում առանձնապես խոշոր չափերով հարկեր չվճարելու դեպք
ՊԵԿ հետաքննության և օպերատիվ հետախուզության վարչությունը շարունակում է կառուցապատման ոլորտում հարկային մարմնին հսկողության լիազորություններ...
Աղբյուր` Panorama.am
17:38
Ծանրամարտի 2027 թ. աշխարհի առաջնությունը կանցկացվի Երևանում
Ծանրամարտի միջազգային ֆեդերացիան որոշում է կայացրել 2027 թվականի աշխարհի առաջնության անցկացման իրավունքը վստահել Հայաստանին: ԿԳՄՍ նախարարության...
Աղբյուր` Panorama.am
17:14
Արման Թաթոյան. Միայն Ներքին Հանդը շրջափակված է ադրբեջանական 25 մարտական դիրքերով
«Հայաստանի Հանրապետությում՝ Վայոց Ձորում, Սյունիքում, Գեղարքունիքում մենք ունենք Ադրբեջանի կողմից բնակիչների մեկուսացումներ։ Ադրբեջանական...
Աղբյուր` Panorama.am
17:12
ՌԴ գլխավոր դատախազությունը Պուգաչովայի վերաբերյալ հարցում է ուղարկել արդարադատության նախարարություն
Անվտանգության և կոռուպցիայի դեմ պայքարի դաշնային նախագծի ղեկավար Վիտալի Բորոդինը հրապարակել է նամակ, որը գխավոր դատախազությունն ուղարկել է ՌԴ...
Աղբյուր` Panorama.am
16:57
Եղեգնաձորում զենքի գործադրմամբ խուլիգանություն, սպանության փորձ կատարելու վարույթով կալանավորվել է 32–ամյա անձը
Ավարտվել է Եղեգնաձոր քաղաքի Շահումյան փողոցում նույն քաղաքի 32–ամյա բնակչի կողմից զենքի գործադրմամբ խուլիգանության, ապօրինի կերպով հրազեն...
Աղբյուր` Panorama.am
16:55
Փաշինյան, «5-րդ շարասյուն», ներսի ցեցեր. Ըստ քաղաքացիների՝ Հայաստանի անվտանգության հիմնական սպառնալիքները
Հայաստանում քաղաքացիներն անորոշ վիճակում են. հիմնական մտահոգող հարցն է՝ ինչ է լինելու վաղը, քանի որ, կարծում են, այս իշխանության օրոք որևէ...
Աղբյուր` Panorama.am
16:54
Այնպես չէ, որ հանք շահագործողները ռոյալթի վճարեցին ու ազատվեցին պատասխանատվությունից. Նազելի Վարդանյան
Ըստ գործող օրենսդրության՝ հանք շահագործողների վճարած բնապահպանական հարկերից՝ ռոյալթիներից 2 %-ը պետք է վերադարձվի այն համայնքներին, որոնք...
Աղբյուր` Panorama.am
16:46
Արա Ղազարյան. Այն, ինչ անում է Ադրբեջանն այսօր, դեռ պետք է տակից դուրս գա
«ՄԻԵԴ-ում ունենք Ադրբեջանի դեմ շահած երեք գործ։ Ադրբեջանը վճիռները չի կատարում, բայց հետաքրքիր է՝ չի էլ հայտարարում, որ չի...
Աղբյուր` Panorama.am
16:21
ՌԴ ԱԳՆ. 102-րդ բազայի և ռուս սահմանապահների առկայությունը Հայաստանի ինքնիշխանության միակ իրական երաշխիքն է
ՌԴ ԱԳՆ-ն հայտարարել է, որ 102-րդ բազայի և ռուս սահմանապահների առկայությունը Հայաստանի ինքնիշխանության միակ իրական երաշխիքն է։ Այս մասին գրում է...
Աղբյուր` Panorama.am
15:59
Մխիթար Պապոյանը չի բացառում, որ կառաջադրվի ԲԴԽ անդամի թեկնածու
«Այդ հարցի հետ կապված ես որևէ պատասխան չունեմ, խնդրելու եմ այդ հարցը չպնդեք»,- Դատավորների ընդհանուր ժողովի մեկնարկին լրագրողների...
Աղբյուր` Panorama.am
15:58
Նարեկ Սամսոնյանի ձերբակալման վերաբերյալ Թ. Թովմասյանի դիմումի հիման վրա քրեական վարույթ է նախաձեռնվել
«ՀՀ դատախազությունից տեղեկացրեցին, որ իմ դիմումի հիման վրա քրեական վարույթ է նախաձեռնվել»,-տեղեկացրել է ԱԺ անկախ պատգամավոր Թագուհի...
Աղբյուր` Panorama.am
15:49
Նարեկ Սամսոնյանի՝ ԱՄՆ դեսպանին ուղղված նամակը դեսպանատանը չվերցրեցին
«Իմնեմնիմի» պոդքաստի վարող Նարեկ Սամսոնյանի՝ ԱՄՆ դեսպանին ուղղված բաց նամակն այսօր Սամսոնյանի թիմակիցները տարել էին ԱՄՆ դեսպանատուն՝...
Աղբյուր` Panorama.am
15:41
Կարծում եմ՝ բոլոր տեղերում էլ կլինեն. դատավոր Չիչոյանը դատական համակարգում «գործ տվողների» մասին
«Բոլորիս համար  էլ մտահոգիչ է դատավորների հրաժարականների դիմումները»,- Դատավորների ընդհանուր ժողովի մեկնարկին լրագրողների հետ...
Աղբյուր` Panorama.am
15:38
Սուտ է. ՆԱՏՕ–ի գլխավոր քարտուղարը Բաքվում և Երևանում հստակ ցույց տվեց, թե ինչն ինչոց է. Թևանյան
Քաղաքական գործիչ Անդրանիկ Թևանյանը ֆեյսբուքյան գրառմամբ անդրադարձել է «փաշինյանական քաղցր ստերի մահաբեր հետևանքներին»։ Նա գրում է....
Աղբյուր` Panorama.am
15:31
Ադրբեջանում պահվում է 23 անձ, ումի՞ց և ինչի՞ համար է վրեժխնդիր լինում Բաքուն
«Այս պահի դրությամբ Ադրբեջանը Հայաստանին վերադարձրել է 210 գերեվարվածների կամ այլ կարգավիճակ ունեցող հայերի։ Պաշտոնական տվյալներով, 23 անձ...
Աղբյուր` Panorama.am
15:15
Եթե նույն իրավիճակում հայտնվեմ, նույն կերպ կվարվեմ. դատավոր Բորիս Բախշիյան
«Պետք է պինդ լինել, հավատալ  սեփական ուժերին և արդարադատությանը, անպայման կհասնենք արդարադատությանը»,- Դատավորների ընդհանուր...
Աղբյուր` Panorama.am
15:13
Մատահոգված եմ, որ 4 դատավորները դիմում գրեցին գնացին.Արման Թովմասյան
«Մտահոգված եմ, որ 4 դատավորները դիմում գրեցին գնացին, այստեղ անխուսափելի է չմտահոգվելը, չգիտեմ, թե ով պետք է լինի դատավորներից, որ...
Աղբյուր` Panorama.am
14:57
Դեղձենին 20-25 օր շուտ կծաղկի
«Հիդրոօդերևութաբանության և մոնիթորինգի կենտրոն» ՊՈԱԿ-ը հրապարակել է ագրոօդերևութաբանական տեղեկատվություն Արարատյան դաշտում դեղձենու...
Աղբյուր` Panorama.am
14:48
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ամերիաբանկը ճանաչվել է Հայաստանի լավագույն բանկը Global Finance ամսագրի «Աշխարհի լավագույն բանկեր» 31-րդ տարեկան մրցանակաբաշխության...
Աղբյուր` Panorama.am
14:43
Դատավորի վրա ճնշում լինելու դեպքում նա պետք է համապատասխան ընթացակարգով դիմի համապատասխան մարմիններին. Դատավոր Արթուր Ստեփանյան
«Այդ հարցը բազմաթիվ անգամ տրվել է դատավորներին և որևէ դեպքում ես դրական պատասխան չեմ լսել իրենցից»,-դատավորների ընդհանուր ժողովից...
Աղբյուր` Panorama.am
14:42
Դավիթ Ֆիդանյան. Կարծում եմ՝ ԱՄՆ դեսպանը տեղյակ չէ՝ ինչ է կատարվում Նարեկ Սամսոնյանի, Վազգեն Սաղաթելյանի գործով
«Քաղաքացիական գիտակցություն» ՀԿ նախագահ, AntiFake.am կայքի հիմնադիր, քաղբանտարկյալ Նարեկ Սամսոնյանի անունից Հայաստանում ԱՄՆ դեսպան...
Աղբյուր` Panorama.am
14:24
Ահազանգ. Արմատախիլ են անում Ալեք Մանուկյան փողոցի ծառերը
Երևանի կենտրոնի ծառերի ապագան վտանգված է։ Այսօր արմատախիլ անելու հերթը Ալեք Մանուկյան փողոցի ծառերինն է։ Ծանր տեխնիկան  քոքահան է անում...
Աղբյուր` Panorama.am
13:59
Վարսեն Աղաբեկյանն ընդգրկվել է Պաղեստինի կառավարության կազմում
Պաղեստինի նախագահ Մոհամեդ  Աբասը հրամանագիր է ստորագրել՝ վստահություն հայտնելով Պաղեստինի տասնիններորդ կառավարությանը, ինչպես նաև...
Աղբյուր` Panorama.am

Տեսանյութեր

Փաշինյան, «5-րդ շարասյուն», ներսի ցեցեր. Ըստ քաղաքացիների՝ ՀՀ-ի անվտանգության հիմնական սպառնալիքները
17:01 29/03/2024

Փաշինյան, «5-րդ շարասյուն», ներսի ցեցեր. Ըստ քաղաքացիների՝ ՀՀ-ի անվտանգության հիմնական սպառնալիքները

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}