Ձեր վստահելի աղբյուրը

Սուրբ Աթոռում Հայաստանի նախկին դեսպան Միքայել Մինասյանը հերթական տեսանյութն է հրապարակել։

«Հայաստանը մի երկիրր է, ուր ստեր են արտադրվում,
Ծխախոտի ավարի շուրջ մաֆիոզներն են հավաքվում։
Հայաստանը մի երկիր է, որ մուծվել է պահանջվում,
Եվ իշխանության գրպաններում ադամանդներ են շողշողում»,- այս քառատողով է սկսում Մինասյանն այսօրվա տեսանյութը՝ հիշեցնելով, որ վերաշարադրել է Փաշինյանի «մանկամիտ բանաստեղծությունը»։

Նա հայտնեց, որ այսօր խոսելու է Փաշինյանի ստի կայսրության մասին։

Միքայել Մինասյանը փաստեց՝ Նիկոլ Փաշինյանը նույնիսկ փորձ չարեց բացատրելու կամ պարզաբանելու, թե ինչ էր ծախախոտի կամ ադամանդի արտահանման հետ կապված պատմությունը, փորձ չարվեց նույնիսկ քրեական գործ հարուցել, քանի որ ինչպես պարզվում է՝  ծխախոտային բիզնեսն արդեն երկու տարվա պատմություն ունի։

«Մոտավորապես երկու տարի Հայաստանը մաս է կազմում միջազգային մաֆիոզ համակարգի, որտեղից գոյանում են խայտառակ մեծ գումարներ, որոնք ուղիղ գնում են Նիկոլ Փաշինյանի ընտանիքի բյուջե»,- ասաց նա։

Նախկին դեսպանը նկատեց, նույնիսկ փորձ չարվեց մի հանձնաժողով ստեղծել, որը կփորձեր հասարակությանը պարզաբանել ու բացատրել, թե ինչպես են հնարավոր Հայաստանում երեք ամսում կազմակերպել առանց համապատասխան գործարանների, աշխատողների ու աշխատատեղերի այդքան մեծ՝ 20 մլրդ դրամի ադամանդի մշակում և արտահանում։

«Նույնսիկ փորձ չարվեց պարզել, թե որ գործարաններն են ստացել հայկական քվոտաները, որոնք օգտագործել են սեփական գրպաններն ու Նիկոլ Փաշինյանի ընտանիքի բյուջեն լցնելու համար։ Նիկոլ Փաշինյանն իր անիմաստագույն մամլո ասուլիսի ժամանակ, չկարողացավ, մարդ, որ հերքում է ամեն ինչ, չկարողացավ հերքել այդ ծխախոտի սկանդալի փաստը, փորձեց պախկվել։ Բառախաղ անել, ասաց՝ գիտե՞ք, Հայաստանի մաքսային ծառայությունը գործել է ըստ օրենքի, որովհետև, որովհետև, որովհետև... բայց կարևոր չեն որովհետևները»,- ասաց նա։

Մինասյանը պնդեց՝ մաքսանենգ ծխախոտ արտահանելու գործում անձամբ ներգրավված է Փաշինյանը։

«Մայիսի 9-ին, երբ հայ ժոովուրդը տոնում էր եռատոնը, Նիկոլ Փաշինյանը զբաղված էր իր սիրած գործով, փող էր աշխատում։ Մայիսի 9-ին Երևանից Վորոնեժ մեկնել է մի նոր օդանավ մաքսանենգ ծխախոտով բեռնված։ Այնտեղ վայրէջք է կատարել մոտավորապես ժամը 20։00-ին, ինքնաթիռն ունեցել է 18 տոննա 831 կգ ծխախոտ, որը ձևակերպված է  եղել որպես товары народного потребления»,- մանրամասնեց Միքայել Մինասյանը։

Նա ընդգծեց՝ հատուկ դրության պայմաններում Հայաստանից մեկնող, Հայաստան եկող օդանավերը պետք է ունենան կառավարության թույլտվությունը։

Ըստ նրա, երբ երկրորդ օդանավի ճակատագրի մասին պատմում են Նիկոլ Փաշինյանին, սկսում են հետքերը մաքրել, հայկական բոլոր ռեգիստրներից հանում են այդ թռիչքը, իբր նման թռիչք չի եղել։

«Բայց քանի  Նիկոլ Փաշինյանը գավառամիտ ու մանկամիտ մաֆիոզ է, մոռանում է, որ կան միջազգային ռեգիստրներ։ Եվ այնտեղ դուք կարող եք տեսնել։ Այո, մայիսի 9-ին եղել է Երևան-Վորոնեժ չվերթ»,- նշեց նա՝ ցավակցելով Փաշինյանին առաջացած խնդիրների, իսկ Հայաստանի հասարակությանը՝ մաֆիոզ վարչապետ ունենալու համար։

Նա նկատեց՝ Փաշինյանը հասկանում է, որ իր իշխանությանը քիչ է մնացել, ու քանի որ ցանկանում է  ամբողջ կյանքում լավ ապրել, ագահի ու չտեսի պես լցնում է  սեփական գրպանները։

Տեսանյութը Մինասյանը եզրափակեց ուրախ լուրով, ասաց՝  հիվանդության բուժման համար կարևոր է ախտորոշումը, իսկ Հայաստանի դեպքում հստակ է, երկրի պրոբլեմը Նիկոլ Փաշինյանն է։

«Նիկոլ Փաշինյանը, մարդ, ով զբաղված է ստելով ու գրապանները լցնելով, դարձել է մեր երկրի թիվ մեկ պրոբլեմը։ Մենք գիտենք արդեն, ով է մեր երկրի հավաքական հիվանդը։ Այդ հիվանդին հեռացնելով, մենք սկսելու ենք ճանապարհ, որը տանելու է  մեր երկիրը դեպի բարեկեցիկ ապագա։ Ես դրան հավատում եմ։ Վստահ եմ, որ միասին կարող ենք դա անել։ Աստված մեզ պահապան»,- խոսքն ամփոփեց Մինասյանը։