Ձեր վստահելի աղբյուրը

Այսօր աշխարհի շատ երկրներում աղբի նոր տեսակ է հայտնվել՝ դիմակներ և ձեռնոցներ։ Շատ քաղաքացիներ գցում են պաշտպանիչ միջոցները հենց փողոցում։ Եվրանյուզի հաղորդմամբ, դա հարված է տնտեսությանը. գիտնականների խոսքերով, դիմակները քայքայվում են ավելի քան 400 տարի և ակնհայտ է վարակման սպառնալիքը, հատկապես նրանց համար, ովքեր մաքրում են փողոցները, հավաքում աղբը։ 

Ֆրանսիայում այսօր պարտադիր է դիմակ կրելը հասարակական տրանսպորտում։ Առանց դիմակի չեն թողնում դեղատուն, խանութ կամ վարսավիրանոց։

Բժշկական մնացորդները, որոնք վարակների վտանգ ունեն, ընդհանրապես չի կարել խառնել այլ աղբի հետ, հակառակ պարագայում վարակիչ կդառնա ամբողջ կույտը: Սակայն իշխանություններն ընդունում են, որ յուրաքանչյուր ֆրանսիացու դիմակ ուղղակի անհնար է բոլոր կանոններով ուտիլիզացնել: Դրա համար էլ բնապահպանության նախարարությունը համաքաղաքացիներին խորհուրդ է տալիս պատասխանատու մոտենալ ոչ միայն պաշտպանիչ միջոցներ կրելուն, այլև դրանք դեն նետելուն։

«Տանը մենք կարող են դիմակը դնել տոպրակի մեջ, այն ամուր փակել և սպասել 24 ժամ։ Դրանից հետո տոպրակը կարելի է գցել դույլի մեջ։ Այսպիսով, դուք չեք վտանգի այն մարդկանց, ովքեր հավաքում են աղբը»,- պատմել են Փարիզի քաղաքապետարանից։

Հետևաբար, էկոլոգիայի նախարարությունը խորհուրդ է տալիս համաքաղաքացիներին պատասխանատու մոտեցում ցուցաբերել ոչ միայն պաշտպանիչ միջոցներ կրելու, այլև դրանցից ազատվելու հարցում։

Ֆրանսիացի խորհրդարանականները նախաձեռնել են փողոցում դիմակներ գցելու համար տուգանքներ սահմանել: Նման միջոցառումներ արդեն ներդրվել են մի շարք քաղաքապետարանների կողմից: