Ձեր վստահելի աղբյուրը

Հանգիստն ու հեղուկները անհրաժեշտ են, բայց միշտ չէ, որ բավարար են: The New York Times-ը հրապարակել է հոդված, որում հիվանդությունից վերականգնվածները ներկայացնում են մի շարք խորհուրդներ, որոնք կարող են նպաստել՝ ավելի լավ զգալուն:

Covid-19-ով վարակվելը վախեցնող մեկուսացման փորձ է: Բայց քանի դեռ ավելի շատ մարդիկ են դիմանում դրան, դրանից վերականգնվածների համայնքն աճում է, և նրանց հետ միասին գալիս է ավելի շատ ուղեցույցներ։

Կայքին կորոնավիրուսը հաղթահարած զույգը պատմում է, որ ամուսիններով վարակվել են մարտի վերջին, հիվանդությունն ընթացել է մեղմ և չեն հոսպիտալացվել։ Իսկ ի՞նչ անել տանը։
Ստանդարտ խորհուրդները հանգստի, հեղուկների ու ջերմիջեցողների վերաբերյալ անհրաժեշտ, բայց բավարար չեն հիվանդության անգամ թեթև ձևի համար։

Վերականգնվելով, Մեգի Աստորը խոսել է շատ ընկերների, գործընկերների և ինտերնետում անծանոթների հետ, որոնք անցնում են նմանատիպ դժվարությունների միջով, ու ներկայացրել է որոշակիորեն ամբողջական խորհուրդներ՝ ինչպես կառավարել Covid-19-ի ոչ-ծայրահեղ դեպքերը:

Երբ օգնություն ստանալ
Իհարկե, նախ պետք է վստահ լինել, որ ձեր հիվանդությունը հնարավոր է կառավարել տանը: Covid-19-ի դեպքերի մեծ մասը հնարավոր է բուժել տնային պայմաններում։ Սակայն եթե այս ցուցակից Ձեզ մոտ առաջանա որևէ ախտանիշ, ներառյալ շնչառության դժվարությունը, կրծքավանդակի կայուն ցավը կամ ճնշումը,  արթնանալու կամ արթուն մնալու անկարողությունը և/կամ շրթունքների կամ դեմքի կապտություն, ապա շտապ դիմեք բժշկի օգնության:

«Որոշ մարդիկ սկզբում ունենում են համեմատաբար մեղմ ախտանիշներ, այնուհետև  այն կարող է դառնալ ավելի լուրջ: Այս հիվանդների մոտ, հավանաբար, առաջին ախտանիշներից 4-8 օր հետո կզարգանա շնչառության խնդիրներ, և այդ ժամանակ մարդիկ պետք է սկսեն ուշադրություն դարձնել», - ասում է Հարվարդի բժշկական դպրոցի դոցենտ Պիտեր Կոենը:

Եթե օրեցօր վատթարանում է շնչառությունը, ասում է բժիշկ Քոենը, ապա դա նշան է բժշկին զանգելու համար: Ավելի հազվադեպ, թթվածնի ցածր մակարդակի պատճառով հիվանդները կարող են շնչառության պատճառով գլխապտույտ ունենալ, ուստի սրան նույնպես ուշադրություն դարձրեք:
Հակառակ դեպքում կարդացեք:

Ինչ է Ձեզ հարկավոր
Եթե կարդում եք սա ու առողջ եք, ապա հիմա գնեք հիմնական նյութերը, ներառյալ ջերմաչափ, ացետամինոֆեն կամ իբուպրոֆեն, և ջրազրկման դեմ ըմպելիքներ: Զարկերակային օքսիմետրը, որը չափում է թթվածինն արյան մեջ։

Եթե արդեն հիվանդ եք, ապա խնդրեք ընկերներին կամ հարազատներին՝ գնել դրանք Ձեզ համար, կամ պատվիրել առցանց՝ հնարավորության դեպքում՝ բացառելով շփումը։

Դեղորայքի նշանակումը կարող է օգնել
Covid-19-ի հետևանքով առաջացած հազը և սրտխառնոցը կարող են երբեմն խիստ ծանր լինել ու բավարար դեղատոմսով դեղորայք նշանակելու համար:

Մեգի Աստորը նշում է, որ իրեն ու ամուսնուն նշանակվել էր  բենզոնատատը (հազի համար) և պրոմեթազինը (սրտխառնոցի համար)։ Որոշ ընկերների նշանակվել է կոդեին պարունակող հազի դեղամիջոց կամ Zofran: Սակայն ամեն դեպքում այն պետք է նշանակվի բժշկի կողմից։ Եվ եթե զգում եք, որ կարիքը կա, ապա ավելի լավ է շուտ դիմել բժշկին դեղատոմսի համար, քան ուշ։

Թեթևացրեք շնչառությունը
Չոր օդը կարող է ուժեղացնել որոշ ախտանիշներ, ինչպիսիք են հազը և կրծքավանդակի ծանրությունը: Եթե ունեք օդի խոնավացուցիչ, ապա օգտագործեք այն: Եթե ոչ, տաք ցնցուղը ևս կօգնի:

Հատուկ շնչառական վարժությունները ևս օգտակար են՝ խորը շունչ քաշեք, պահեք այն 5 վայրկյան և արտաշնչեք: Դա արեք 5 անգամ, 6-րդ անգամ  ուժեղ հազացեք: Կատարեք այդ ցիկլը երկու անգամ։ Փորձեք դա անել օրական մի քանի անգամ:

Վերահսկեք ձեր ախտանիշները
Հիվանդանալուն պես սկսեք մանրամասն գրառումներ կատարել․ չափեք ջերմությունը օրը մի քանի անգամ հստակ ժամի ու գրանցեք։ Ամեն անգամ դեղահաբ ընդունելիս՝ գրանցեք: Եթե մեկ ախտանիշ անցնում է, կամ նորն է զարգանում, գրանցեք այն:

Հոգեկան առողջությունը ևս կարևոր է
Covid-19-ով վարակվելը խիստ սթրեսային է: Բնական է ընկճված լինելը կամ անհանգստություն զգալը, անգամ խուճապի նոպաներ ունենալը: Մի ամաչեք խոսել բժշկի հետ ձեր հոգեկան առողջության մասին. դա նույնքան կարևոր է, որքան ֆիզիկական առողջությունը:
Այդ պահերին փորձեք հիշել լավ հիշողությունները, թեթև շնչել ու թուլանալ։

Նորմալ է նաև լավ չլինելը, պարզապես պետք է անցնել հաջորդ օրերի միջով․ ուրեմն առաջ գնացեք, լաց եղեք, զվարճացեք Netflix-ով, կարդացեք, արեք այն, ինչը կօգնի Ձեզ։

Մի ակնկալեք գծային վերականգնում
Որոշ մարդիկ առաջին մի քանի օրերի ընթացքում ունեն մեղմ ախտանիշներ, իսկ հետո հանկարծ վիճակը վատանում է: Ոմանք տենդ են ունենում, որն անընդհատ բարձրանում է: Ոմանք հիվանդ են լինում երկու շաբաթ անընդմեջ, այնուհետև կարող են լինել առանց ախտանիշի օրեր, այնուհետև կրկնություն։ Ոմանք ամիսներ շարունակ երկարատև ախտանիշներ են ունենում:

«Սա և խելագարեցնող է և շատ տարածված: Ժամանակ տրամադրեք ինքներդ ձեզ, որքան հնարավոր է ու թույլ կտա աշխատանքն ու ֆինանսական իրավիճակը: Ինձ և մի քանի ընկերների համար հիվանդությունը տևեց մոտ 3 շաբաթ»,-գրել է Մեգի Աստորը։