Արամ Գ. Սարգսյան. Այս ամենը երկար չի տևելու, ինչքան էլ փորձեն իրենք իրենց դուխ տան
«Մենք հայտնվել ենք մի իրավիճակում, որ պետք է մտածենք պետության, ժողովրդի փրկության մասին», - ասուլիսում ասաց հասարակական-քաղաքական գործիչ, Հայաստանի դեմոկրատական կուսակցության նախագահ Արամ Գասպարի Սարգսյանը։
Նա նշեց, որ իրենք առաջարկություններ են ուղարկել տարբեր խնդիրների վերաբերյալ, մերժել են, վերջերս էլ են ուղարկել, հիմա էլ նամակն են կորցրել։
Հասարակական-քաղաքական գործչի խոսքով, իրենց առաջարկություններից ամենագլխավորն այն է, որ ամոթ է չիմանալ ու չփորձել իմանալ, ամոթ է, որ չեն փորձում օգնության դիմել այն պետություններին, որոնք հաղթահարել ու հաղթահարում են կորոնավիրուսը։
«Գործը հասել է նրան, որ վրացական ՀԿ ներկայացուցիչները մեզ մեղք են գալիս, ասում են՝ գնանք, օգնենք հայերին։ Այսինքն,դուք չեք դիմում, Արսեն Թորոսյանի անպարկեշտ հայտարարությունից հետո ամեն դեպքում Վրաստանն այդպիսի մարդասիրական քայլ է կատարում, դուք դեռ մտածում եք՝ գնա՞լ այդ քայլին, թե՞ ոչ։ Անհապաղ պետք է դա արվի, որովհետև այս երիտասարդները կառավարչական որևէ փորձ չունեն, չեն էլ ուզում սովորել։ Առողջապահական համակարգը գործում է ծանրաբեռնվածությամբ, բուժաշխատողներն աշխատում են։ Խոսքը բուժաշխատողների մասին չէ, այլ ինչպես պետք է պետությունը կառավարել, համակարգը բերել նրան, որ գործի»,- ասաց Ա. Սարգսյանը։
Նրա խոսքով, այսպես շարունակվելու դեպքում Հայաստանը դառնալու է գետո տարածաշրջանում, երկրներն ասելու են՝ «ռիսկային գոտիից եք, մի եկեք»։
«500-600 հոգի վարակված ենք ունենում օրական։ Նախարարը բայղուշի նման ասում է՝ կլինի 10 հազար, 20 հազար։ Ոնց որ ահաբեկեն ժողովրդին։ Դուք սթրեսի եք ենթարկում մարդկանց, դա բերում է նրան, որ իմունային համակարգը քայքայվում է։ Կարելի՞ է նման պարզունակ բաները սրանց բացատրել»,- նշեց նա։
Ա. Սարգսյանն ասաց, որ իրենց կուսակցությունում քննարկում է եղել, եկել են եզրակացության, որ ժամանակն է ստեղծել ժամանակավոր և առանց աշխատավարձի պետական խորհուրդ, որտեղ ներառվեն այն մարդիկ, որոնք ունեն պետական, քաղաքական կառավարման, մասնագիտական բարձր որակավորում, աշխատեն կառավարության հետ։
«Կարծում են, որ ամեն ինչ գիտեն։ Երիտասարդներին լսում էի՝ պատասխանատվությունը մեզ վրա է, կկրենք պատասխանատվություն։ Այ բալա, քո պատասխանատվություն կրելը, նրա պատասխան տալը մեզ բացարձակ չի հետաքրքրում, բլա-բլա չանեք։ Վարչապետը ելութ էր ունենում, դասախոսություն լսեցի։ Ընդամենը դա է, իրավիճակը չեք գնատահում»,- նշեց հասարակական-քաղաքական գործիչը։
Խոսելով ՊԵԿ նախագահ Դավիթ Անանյանի հրաժարականի մասին, Ա. Սարգսյանն ասաց, որ նա իր աշխատանքի ընթացքում հաստատել է, որ բարձր որակի մասնագետ է, կարողացել է ապահովել մուտքերը բյուջե, ինչի մասին անընդհատ խոսվել է։
«Հիմա պարզվում է Դավիթ Անանյանը հրաժարական է տալիս առանց բացատրության։ Նա տաս օր առաջ նման տրամադրություն չուներ։ Կնշանակի, որ այստեղ խոսքը գնում է այն մասին, թե ծխախոտի սկանդալն ինչով է բացատրված։ Նա չի ուզում իր վրա պատասխանատվություն վերցնել, քաջ գիտակցում է, որ վաղը, մյուս օրը բացահայտվելու է, ռուսական կողմը ներկայացնելու է, թե ովքեր են իրականում։ Պատասխան տալ այն բանի համար, որ ինքը մեղավոր չէ, պարզ է, որ չի ուզում։ Եթե անգամ մաքսայինը ոչ մի մեղք չի ունեցել մաքսանենգ ճանապարհով դուրս եկած ծխախոտի համար, ուրեմն բացահայտեք, թե ովքեր են արտահանողները, նրանք են կատարել այդ հանցագործությունը։ Ամեն դեպքում այս ճշմարտությունը դուրս է գալու ջրի երես»,- ասաց նա։
Ա. Սարգսյանը նշեց, որ այս ամենը երկար չի տևելու, ինչքան էլ փորձեն իրենք իրենց դուխ տան, ինչպես իրենք են ասում, չի ստացվելու։
«Պարզ իրավիճակ է՝ գալիս եք այնպիսի ճգնաժամի, երբ որ արդեն իսկ անկառավարելի է։ Մեզ համար կարևոր է, որ պետությունը կայուն մնա այս պայմաններում՝ իմանալով, թե ինչ թշնամի ունենք, ինչպես է հոխորտալով խոսում։ Չեն էլ կարողանում պատասխանել Ալիևին։ Ալիևի հոխորտալը պատահական չէ, նրանք զգում են այս թուլությունը»,- ասաց Արամ Գասպարի Սարգսյանը։
Հարակից հրապարակումներ`
- 05.06.2020. 596 նոր դեպք և 8 մահ
- Խաժակյան. Առողջապահության նախարարը այս իշխանությունների սիմվոլն է` գործում դիլետանտ, մեծամիտ և ինքնահավան
- Անի Սամսոնյանը՝ Արսեն Թորոսյանին. Դուք մեղավոր չեք
- Կառավարման փորձագետ. Մենք անցնում ենք բիֆուրկացիոն կետը
- «Ժառանգություն». Պարետատան և առողջապահության պատասխանատուները պետք է հրաժարական տան
- Վանեցյան. Փաշինյանը պետք է հրաժարական տա
- Չալաբյան. Փաշինյանն ընդունեց, որ վիճակը աղետալի է դառնում, և կարող է էլ ավելի վատանալ
- Լիլիթ Գալստյան. Դուք սպառել եք անցյալի ուրվականով հասարակությանը ահաբեկելու անհեռանկար վարքը
- Արամ Սարգսյան. Հայաստանը պետք է դիմի տարբեր երկրների՝ մասնագիտական խմբեր այստեղ գործուղելու խնդրանքով
- Նունե Ներսիսյան. Ինչքա՞ն դեռ պետք է այս աթեիստ նախարարը ձեռք առնի մարդկանց
- Նունե Ներսիսյան. Նիկոլ Փաշինյան, Թորոսյանի թեթև ձեռքով արդեն մարդիկ քեզ չեն վստահում