Արամ Վարդևանյան. Ուրեմն ոստիկանությունը կարող է մեկնաբանել Սահմանադրության նորմերը
Սահմանադրական իրավունքի մասնագետ Արամ Վարդևանյանը անդրադառնալով ոստիկանության քիչ առաջ տարածած պարզաբանմանը, գրում է.
«Հաշվի առնելով Ոստիկանության քիչ առաջ կատարված պարզաբանումը ՀՀ Սահմանադրական դատարանի դատավոր Հրանտ Նազարյանին ՍԴ մուտք գործելուն խոչընդոտելու վերաբերյալ, հատկապես ելնելով նորարական կարգավորումից, որ Ոստիկանությունը կարող է մեկնաբանել Սահմանադրության նորմերը և փաստացի արձանագրել ՍԴ դատավորների լիազորությունների դադարման հարցը, խնդրում եմ ՀՀ Ոստիկանությանը լուծել 2020 թվականի հուլիսի 7-ի ՍԴ օրակարգում առկա 2019 թվականի հոկտեմբերի 11-ին Աշխաբադում ստորագրված «Ազատությունից զրկելու հետ չկապված պատիժների կատարումը փոխանցելու մասին» Անկախ պետությունների համագործակցության մասնակից պետությունների կոնվենցիայում ամրագրված պարտավորությունների՝ Սահմանադրությանը համապատասխանության հարցը որոշելու վերաբերյալ գործով սահմանադրականության հարցը:
Ակնկալում եմ, որ Ոստիկանությունը հենց այսօր ղեկավարվելով Սահմանադրության 168, 169, 170 և ՍԴ մասին օրենքի վերաբերելի դրույթներով պատշաճ որոշում կկայացնի։
Հ.Գ. Եթե Ոստիկանությունը մի դեպքում կարող է ստանձնել ՍԴ լիազորությունները, ինչու այլ դեպքում չի կարող»։
Հարակից հրապարակումներ`
- Ոստիկանություն. ՍԴ արդեն նախկին անդամներն իրավունք չունեն մուտք գործելու ՍԴ-ի վարչական շենք
- ՍԴ-ում ԱԺ ներկայացուցիչը միջնորդել է հետաձգել հուլիսի 7-ին նշանակված գործի քննությունը
- Հրաչյա Զատիկյանի գլխավորությամբ ոստիկանները ՍԴ դատավորին թույլ չեն տվել մտնել դատարանի շենք