Ձեր վստահելի աղբյուրը

«Մեր միջնորդությունն ուղղված չէ իրավունքի սահմանափակմանը, իրավունքի իրացման խոչընդոտմանը։ Երբեք։ Դրա վկայությունը դատական նիստերն ու դրանց ընթացքում քննարկումներն են»,- մեղադրող կողմի միջնորդությունը դատարանում ներկայացրեց դատախազ Գևորգ Բաղդասարյանը։

Ռոբերտ Քոչարյանի ու մյուսների գործով ընթացող նիստում դատախազն ասաց՝ իրենք նախկինում էլ տեսել են, որ դատավարական իրավունքի չարաշահում կա, բայց այն ունի ողջամտության սահմաններ։

«Արդեն իսկ հասել ենք մի տեղ, որր ողջամտության սահմաննները սպառվել են»,- նշեց դատախազը։

Նրա խոսքով, պաշտպանների բազմաթիվ միջնորդություններ հնարավոր էր ներկայացնել ավելի կարճ, մինչդեռ դրանցով դատական նիստեր են լցվել։

Անդրադառնալով պաշտպան Արամ Վարդևանյանի հայտարարությանը, թե դատախազները նման միջնորդություն են ներկայացրել ԱԺ պատգամավորներից մեկի հայտարարությունից հետո, դատախազն ասաց՝ պաշտպանի աչքերի մեջ նայելով կարող է հայտարարել, որ այդպիսի որևէ հայտարարություն իրեն չի հետաքրքրում։

Դատախազ Կարեն Բիշարյանն էլ հայտարարեց, որ ստիպված է դասագրքային ճշմարտություններ ասել։ Ասաց իրենց խնդիրը պարզ է ու վերաբերում է կրկնվող հիմնավորումներով, ինչպես նաև դատավարության տվյալ փուլից չբխող միջնորդությունների ներկայացմանը։

Դատավոր Դանիեբկյանը հայտարարեց, որ կողմերի միջնորդությունները կշարունակվեն ներկայացվել հաջորդ դատական նիստին, որը տեղի կունենա հուլիսի 14-ին ժամը 13։00-ին։