Հյուսիս-հարավի կապալառուի հարցով դատարան մտնելու համար 420 հազար եվրո հատկացվեց
Կառավարությունն այսօրվա նիստում չքննարկվող նախագծերից մեկով որոշեց 420 հազար եվրո հատկացնել Linklaters ընկերությանը՝ Իսպանիայի դատարաններում Հայաստանի Հանրապետության շահերը ներկայացնելու և պաշտպանելու համար:
Իրավաբանական-փաստաբանական ծառայությունների գնման անհրաժեշտությունը պայմանավորված է Տարածքային կառավարման և ենթակառուցվածքների նախարարության և «Կորսան Կորվիամ Կոնստրուկցիոն» ընկերության («Կորսան») միջև կնքված թիվ T1-T2-CW01 պայմանագրի շուրջ իսպանական դատարաններում պրոցես սկսելու անհրաժեշտությամբ:
Հիշեցնենք որ վերջինս չէր վճարել ճանապարհի շինարարության մեջ ներգրավված ենթակապալառու կազմակերպություններին:
Linklaters ընկերությունն ընտրվել է վարչապետի աշխատակազմի ղեկավարի թիվ 541-Ա հրամանով հաստատված ՀՀ տարածքից դուրս փաստաբանական և իրավաբանական ծառայությունների գնման կարգի և ձևավորված փաստաբանական և իրավաբանական ծառայություններ մատուցող մասնագիտական ընկերության թեկնածուի ընտրության գործընթացի անցկացման և արդյունքների ամփոփման հանձնաժողովի հրավիրված հեռակա նիստի արդյունքում։
Իրավաբանական ընկերությունն իր գնառաջարկում ներկայացրել է 50,000 եվրոյի չափով կանխավճարի պահանջ։ Բացի այդ, փաստացի մատուցված ծառայությունների դիմաց վճարումը նախատեսվում է կատարել յուրաքանչյուր ամիս ընկերության ներկայացրած հանձնման-ընդունման արձանագրությունների և հաշվարկային փաստաթղթերի հիման վրա։
Կառավարությունը որոշեց պետական բյուջեից վարչապետի աշխատակազմին հատկացնել 420,000 եվրոյին համարժեք ՀՀ դրամ՝ 2020թ. ընթացքում վճարումները ժամանակին ապահովելու նպատակով։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ