ՀԷՑ-ի աշխատակիցները հավելագրումներ են արել բնակիչների վրա
«Պահանջները խախտելու համար ընկերությանը տուգանել` 10 մլն ՀՀ դրամ գումարի չափով։ Իրականացնել 63 հաշվիչների մայիսի 1-3-ն ընկած ժամանակահատվածում արձանագրված ցուցմունքների և ծախսերի անհամապատասխանությունների ուղղում՝ հաշվարկային փաստաթղթում սխալի ուղղման կարգով»,-ասված է «Հայաստանի էլեկտրական ցանցեր» ՓԲԸ-ի վերաբերյալ ՀԾԿՀ -ի որոշման մեջ։
Ստացված բողոքների հիման վրա ՀԾԿՀ-ում սստեղծված աշխատանքային խումբը 2020 թվականի մայիսի 4-8-ը «Հայաստանի էլեկտրական ցանցեր» փակ բաժնետիրական ընկերության կողմից առանձին սպառողներին առաքված էլեկտրաէներգիայի քանակի հնարավոր հավելագրումների փաստի ուսումնասիրության նպատակով «Արարատ», «Աշտարակ», «Աբովյան» և «Դիլիջան» մասնաճյուղերում իրականացրել էր մոնիթորինգ:
720 սպառողների առևտրային հաշվառքի սարքի զննման և փաստացի ցուցմունքների գրանցման և 2020 թվականի մայիսի 1-3-ը ժամանակահատվածում ՀԷՑ աշխատակիցների կողմից ցուցմունքների ֆիքսման բլանկներով գրանցված միևնույն առևտրային հաշվիչների ցուցմունքների հետ համեմատելու արդյունքում պարզվել է, որ ընկերության աշխատակիցների կողմից ցուցմունքների ֆիքսման բլանկներում գրանցված թվով 63 հաշվիչներով արձանագրված ցուցմունքներն ավելի մեծ են եղել, քան 2020 թվականի մայիսի 4-8-ը ժամանակահատվածում աշխատանքային խմբի կողմից նույն առևտրային հաշվիչներից կարդացված ցուցմունքերը։
Ուսումնասիրությունների ընթացքում նաև պարզվել է 142 առևտրային հաշվիչների վրա բացակայել են սեղմակաշարերի կափարիչները և կնիքները, ևս 176 առևտրային հաշվիչների սեղմակաշարերի կափարիչները կնքված չեն եղել։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ