Ստուգայցեր են իրականացվել Գառնու տաճարի և Քարերի սիմֆոնիայի հարակից տարածքում
Բացօթյա հանգստի գոտիներում պարետատան սահմանած կանոնների նկատմամբ վերահսկողական միջոցառումները ՀՀ բնապահպանության և ընդերքի տեսչական մարմնի տեսուչները ՀՀ ոստիկանության աշխատակիցների հետ համատեղ այսօր՝ վաղ առավոտից, իրականացրել են ՀՀ Կոտայքի մարզում։
Տեսչական մարմնից հայտնում են, որ մասնագիտական խմբերը դիտարկել են Գառնու տաճարի և Քարերի սիմֆոնիա բնական հուշարձանի հարակից տարածքները, որոնք մարդաշատ չեն եղել։ Տոմսարկղում անկանոն հերթեր չեն գրանցվել, ջերմաչափման, ախտահանման աշխատանքները կատարվել են սահմանված նորմերին համապատասխան։
Արձանագրված սոցիալական հեռավորություն չպահպանելու, խմբերով շրջելու, դիմակը սխալ կրելու թերությունները վերացվել են տեղում։
Հակահամաճարակային անվտանգության կանոնների խախտման դեպքերը բացառելու նպատակով՝ Տեսչական մարմնի մասնագետներն իրականացրել են լայնածավալ իրազեկման աշխատանքներ, բաժանել դիմակներ։
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ