Դատարանը քննում է Արմեն Թավադյանի գույքի վրա կալանքը չեղյալ համարելու միջնորդությունը
Երևանի ընդհանուր իրավասության դատարանում մի քանի կարճ ընդմիջումներից հետո «5-րդ ալիք» հեռուստաընկերության սեփականատեր Արմեն Թավադյանի գործով դատական նիստը մեկնարկեց ու շարունակվում է։ Թավադյանի թարգմանիչը հասավ դատարան, հենց նրա ներկայության ապահովման համար էին հայտարարվում ընդմիջումները։
Արմեն Թավադյանի փաստաբան Հովհաննես Խուդոյանը դատարանին հիշեցրեց, որ ընդհանուր իրավասության դատարանը ճանաչել է պարոն Թավադյանի իրավունքների խախտում գույքի կալանքի ու առգրավումների վերաբերյալ։ Նա միջնորդություն էր ներկայացրել ավելի վաղ, հայտարարեց՝ այսօրվա նիստում այն կարիք չկա նորից ընթերցելու։
Մեղադրող դատախազն առարկեց միջնորդությանը, նշելով, որ դատական ծախսերի, ինչպես նաև այդ գույքը վնասելու, փչացնելու հավանականության մասին։ Մեղադրող կողմն ասաց՝ հաշվի առնելով հանցանքի ծանրությունն ու բնույթը, բավարար հիմք են տվել կարծելու, որ գույքի վրա կալանք չդնելու դեպքում Թավադյանը հնարավոր է այն թաքցնի, օտարի։
Ի պատասխան Հովհաննես Խուդոյանը նկատեց՝ իր կարծիքով, դատախազ Մարգարյանը շփոթում է դատարանն ու դատարանի դահլիճը, խոսում է որոշման դեմ բերած բողոքի մասին, մինչդեռ քննարկում են։
«Մենք քննարկում ենք Ձեր վարույթում առկա իրավիճակը պահպանելու կամ վերացնելու խնդիրը։ Բացի այդ Քրեական դատավարության օրենսգիրքը թույլ չի տալիս ենթադրությունների հիման վրա իրավունքների սահմանափակումներ կատարել»,- ասաց Խուդոյանը։
Ի դեպ, նա առաջարկեց առանձնացնել ու առանձին-առանձին քննել միացված քրեական գործերը, հակառակ դեպքում արդյունավետ չի լինի։
Հարակից հրապարակումներ`
- Արմեն Թավադյանի գործով դատական նիստը չսկսած ընդմիջվեց
- Արամ Օրբելյան. Արմեն Թավադյանի դեմ քրգործը ստեղծված է Ռոբերտ Քոչարյանին բանտում պահելու համար
- Արմեն Թավադյանի գույքի վրա կալանք դնելու որոշման դեմ բողոք է ներկայացվել դատարան
- Արմեն Թավադյան. Հնարավոր է՝ շուտով նոր քրեական գործերի փորձեր լինեն
- Փաստաբան. Արմեն Թավադյանի գործով կլինեն որոշակի զարգացումներ
- Արմեն Թավադյան. Իմ նկատմամբ քրեական հետապնդումն անհիմն է, նպատակն էլ խոսքի ազատության ճնշումն է
- Վարուժան Մկրտչյանի և Արմեն Թավադյանի վերաբերյալ քրգործով նախաքննությունն ավարտվել է
- Դատախազությունը մերժել է Արմեն Թավադյանին անձնական երաշխավորությամբ ազատ արձակելու մասին միջնորդությունը