Ձեր վստահելի աղբյուրը

Covid-19

Ֆրանսիական հիվանդանոցները պատրաստվում են վատագույնին․ Ֆրանսիացի բժիշկները պատրաստվում են կորոնավիրուսի երկրորդ ալիքին: Լիոնի հիվանդանոցներից մեկում հուլիսի վերջին նկատվում է հիվանդների հոսք։ Ամենաերիտասարդ հիվանդը 36 տարեկան է:
Վերակենդանացման բաժանմունքի ղեկավար Լորան Արգոն ասում է, որ հիմա հիվանդների շրջանում շատ են երիտասարդներն ու սպասվում է, որ հենց նրանք կարող են հայտնվել վերակենդանացման բաժանմունքում։ Ֆրանսիայում վարակված մարդկանց օրական աճը կազմում է մոտավորապես 10 հազար:

Մադրիդում վաղվանից մասնակի կարանտին է սահմանվում․ վերջին 24 ժամվա ընթացքում աշխարհում հայտնաբերվել է ավելի քան կես միլիոն նոր վիրուսակիր, և վարակվածների ընդհանուր թիվը գերազանցել է 30 միլիոնը։

Եվրոպայում ամենաբարդ իրավիճակը, ըստ մասնագետների, դիտվում է Իսպանիայում: Համաճարակի նոր ալիքի վտանգն այնքան մեծ է, որ Պիրենեյան թագավորության մայրաքաղաքային տարածքում իշխանությունները մտցնում են մասնակի և խիստ կարանտին, որը կանդրադառնա նաև տնից դուրս գալու հնարավորության վրա: 

ՖԻՖԱ-ն հայտնել է, որ կորոնավիրուսի համաճարակն այս տարի ֆուտբոլին կարժենա 14 մլրդ դոլար։ Աշխարհում 46 միլիարդ դոլար արժողությամբ ակումբային և ազգային խաղերով այս ցուցանիշը կազմում է խաղի համաշխարհային տնտեսական արժեքի մեկ-երրորդ մասը: 

Քաղաքական

Բայդենը դարձել է համացանցի մեմ՝ «Despacito» երգով․ԱՄՆ նախագահի թեկնածու Ջո Բայդենը գրավել է համացանցը, երբ վերջինս նախօրեին  Ֆլորիդայի նախընտրական արշավում իսպանախոս ընտրազանգվածին գրավելու համար մոտեցավ ամբիոնին ու միացրեց «Despacito» երգն ու սկսեց պարային շարժումներ անել։ Օգտատերերը սկսեցին այս հատվածը ներկայացնել՝ ավելացնելով ամենատարբեր երգեր։

Ֆրանսիան «ափսոսում է», որ Լիբանանը դեռ կառավարություն չի կազմել․ Լիբանանի քաղաքական խմբակցություններին չհաջողվեց բավարարել մինչև սեպտեմբերի կեսերը կառավարություն կազմելու վերջնաժամկետը, որը սահմանել էր նախագահ Մակրոնը։ Վարչապետի թեկնածու Մուստաֆա Ադիբը ձգտում էր նախարարներ նշանակել, որպեսզի նրանք սկսեն աշխատել բարեփոխումների ֆրանսիական ճանապարհային քարտեզի վրա՝ «հաշվի առնելով իրավիճակի ծանրությունը», հայտարարել է Մակրոնի գրասենյակը։ 

Պենտագոնի ղեկավարը Ռուսաստանին համարում է ռազմավարական մրցակից․ Ռուսաստանն ու Չինաստանը Միացյալ Նահանգների հիմնական ռազմավարական մրցակիցներն են, ասել է Պենտագոնի ղեկավար Մարկ Էսպերը ելույթի ժամանակ։

«Այսօր՝ ուժի մեծ մրցակցության դարաշրջանում, Պաշտպանության նախարարությունը Չինաստանը, ապա Ռուսաստանը նույնացնում է որպես մեր հիմնական ռազմավարական մրցակիցները», - ասել է Էսպերը: 

Իրավունք

Լեխ Կաչինսկու մահը. Լեհաստանը ցանկանում է ձերբակալել օդային երթևեկության կարգավորողներին (авиадиспетчер)։  Ըստ լեհական ռադիոյի, երկրի դատախազությունը դատարանին խնդրել է ձերբակալել ռուսական ռազմական օդային երթևեկության երեք կարգավորողներին, որոնք աշխատել են այն ժամանակ, երբ 2010 թվականին Սմոլենսկի մերձակայքում Լեհաստանի նախագահ Լեխ Կաչինսկու ինքնաթիռը կործանվեց։ 

Գերմանացի ոստիկանները՝ աջ-ծայրահեղական․ Գերմանիայի հյուսիսային Ռեյն-Վեստֆալիա նահանգի  ոստիկանության 29 սպաների աշխատանքը կասեցվել է ու նրանց նկատմամբ հետաքննություն է իրականացվում՝ առցանց չաթ-խմբերում աջ ծայրահեղական քարոզչության փոխանակման կասկածանքով: Ոստիկանության արհմիությունների ներկայացուցիչները բացահայտումն անվանել են «անտանելի»: Առնվազն հինգ մասնավոր WhatsApp խմբերում եղել են 126 էլեկտրոնային նկարներ, ներառյալ Ադոլֆ Հիտլերի լուսանկարները,  միգրանտների նկարներ՝ պատկերված գազային խցիկներում։

Տնտեսություն

Համաշխարհային տնտեսությունը սպասվածից լավ հաղթահարում է կորոնավիրուսի հետևանքները․ Համաշխարհային տնտեսությունը չի ցնցվի այնքան, որքան կանխատեսվում էր այս տարի, հայտարարել է Տնտեսական համագործակցության և զարգացման կազմակերպությունը։ Հարկաբյուջետային և դրամավարկային քաղաքականությունը օգնեց խուսափել վատթարագույն սցենարից, բայց համաճարակից տնտեսության վերականգնումը կարող է տևել ավելի երկար, քան ենթադրվում էր:

Նոր Զելանդիայի տնտեսությունը մտել է ռեցեսիայի փուլ․ Նոր Զելանդիան իր ՀՆԱ-ի երկրորդ եռամսյակի 12,2% անկում գրանցեց, երբ երկիրը մտավ կորոնավիրուսով պայմանավորված ռեցեսիա, ինչն ամենամեծ անկումներից է։ Այս ամենը նրանով հանդերձ, որ երկրի կառավարությունը՝ վարչապետ Յասինա Արդերնի գլխավորությամբ աշխարհում լավագույններից մեկը պայքարեց կորոնավիրուսի դեմ։

Տեխնոլոգիա

Ճապոնական Sony-ն PlayStation 5-ը կթողարկի նոյեմբերին։ Այն կարժենա նույնքան, որքան դրա հիմնական մրցակիցը՝ Microsoft-ի առաջատար Xbox Series X-ը: Blu-Ray սկավառակով PlayStation 5 տարբերակի գինը կկազմի 500 դոլար։
 

ԱՄՆ-ում այօր կշնորհվի «Շնոբել» մրցանակը․ 30-րդ անգամ Հարվարդի  համալսարանը կներկայացնի «Շնոբել» մրցանակը, որը տրվում է «տարօրինակ և անսովոր գիտական աշխատանքներին՝ զվարճալի անուններով և ոչ ակնհայտ գործնական կիրառություններով»: Կորոնավիրուսային համաճարակի պատճառով այս տարվա մրցանակաբաշխությունը պատմության մեջ առաջին անգամ կանցկացվի առցանց: