Զախարովա․Ղարաբաղում լիբանանահայերի ներհոսքի մասին ստուգված տվյալներ չունենք
«Մենք լսել ենք Լեռնային Ղարաբաղի դե-ֆակտո իշխանությունների մտադրության մասին՝ Լիբանանը լքած հայերին բնակեցնելու մասին։ Մենք կարդացել ենք հաղորդագրությունները, որ լիբանանահայ երկու ընտանիք ցանկություն է հայտնել բնակվել Լեռնային Ղարաբաղում։ Ստուգված տվյալներ, Լեռնային Ղարաբաղ ու նրա շուրջ տարածքներ լիբանանահայերի իրական ներհոսքի մասին, մենք չունենք»,- այսօր բրիֆինգի ժամանակ հայտարարեց ՌԴ ԱԳՆ մամուլի խոսնակ Մարիա Զախարովան՝ պատասխանելով ադրբեջանական ԶԼՄ-ի հարցմանը։
Զախարովայի խոսքերով, այժմ պետք է կենտրոնանալ բանակցային գործընթացի վերականգնման վրա՝ ուղղված Լեռնային Ղարաբաղի, այդ թվում փախստականների ու տեղահանված անձանց հարցի լուծմանը։
Զախարովան նշեց, որ ԵԱՀԿ Մինսկի խմբի համանախագահները սեպտեմբերի 14-ին խորհրդակցություններ են անցկացրել հեռախոսով Հայաստանի ու Ադրբեջանի ԱԳ նախարարների հետ, առաջարկել հանդիպումներ համանախագահների հետ առանձին ու հավելեց, որ ակնկալում են կողմերի դրական արձագանքը։
Հետաքրիր էր նաև, որ բրիֆինգի ժամանակ Զախարովան, ի հավելումն ՌԴ ղեկավարության ուղարկված ու ուղարկվելիք շնորհավորանքների, անդրադարձավ ու շնորհավորանքներ հղեց Չիլիի (սեպտեմբերի 18), Հարավային Օսեթիայի (սեպտեմբերի 20), Մալիի (սեպտեմբերի 22) անկախության տոների կապակցությամբ։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին