Ապրեք բելառուսներ՝ Գորբաչովը սատարում է Բելառուսում ցուցարարներին․ միջազգային մամուլի ուշագրավ հատվածները
COVID-19
Բրիտանիայում և Ֆրանսիայում կորոնավիրուսի վարակը ռեկորդներ է գրանցում․ Բրիտանիան և Ֆրանսիան նախօրեին գրանցել են կորոնավիրուսի բռնկումից ի վեր COVID-19 վարակի իրենց ամենաբարձր մեկօրյա թվերը: Նախորդ 24 ժամվա ընթացքում Ֆրանսիայում ավելի քան 16,000 նոր վարակ է հայտնաբերվել․ նախկին ռեկորդը՝ 13,492, գրանցվել էր սեպտեմբերի 19-ին: Եվս 52 մարդ նույնպես կորցրեց իր կյանքը համաճարակի պատճառով ՝ երկրում COVID-19 զոհերի թիվը հասցնելով 31 511-ի:
Բրիտանիայում հինգշաբթի օրը գրանցվել է 6,632 նոր վարակ, ինչը նոր ռեկորդ է երկրի համար: Հաղորդվում է նաև, որ ամբողջ Մեծ Բրիտանիայում գրանցվել է քառասուն նոր մահվան դեպք, զոհերի թիվը հասել է 41 902-ի, որը զոհերի ամենամեծ թիվն է Եվրոպայում:
Հելսինկիի օդանավակայանում կորոնավիուսը հայտնաբերող շներ են աշխատում․Հաղորդվում է, որ վարժեցված շները հաջող հայտնաբերում են մահացու վիրուսը 94-ից 100 տոկոս հաջողությամբ։
Չինական պատվաստանյութը կտրամադրվի Հարավային Ամերիկայի երկրներին դեռևս փորձարկման փուլում. Չինաստանի Sinovac Biotech ընկերությունը նախատեսում է իր փորձարկվող պատվաստանյութը կորոնավիրուսի դեմ մատակարարել Հարավային Ամերիկայի երկրներ, այդ թվում՝ Բրազիլիա և Չիլի: Դրա մասին սեպտեմբերի 24-ին հայտնել է ընկերության գործադիր տնօրենը:
Քաղաքական
«Ապրեք բելառուսներ»․ Գորբաչովը սատարում է Բելառուսում ցուցարարներին․ Խորհրդային Միության առաջին և միակ նախագահ Միխայիլ Գորբաչովը սատարում է Բելառուսում ցուցարարներին՝ «ապրեք բելառուսներ» բառերով: Այնուամենայնիվ, նրանք «դեռ պետք է քրտնաջան պայքարեն», ասել է քաղաքական գործիչը «Подъем» թերթի հետ զրույցում:
«Իմ սիրելի հանրապետություն և բելառուսներ, որոնց ես սիրում եմ: Հիմա նրանք արդեն բնավորություն ունեն: Դա շատ լավ է։ Ես ուշադիր հետևում եմ: Կարծում եմ, սա հենց այնպես չի անցնի», - ասել է Գորբաչովը:
Արևելյան Եվրոպայի առաջնորդները պահանջում են. Կանգնեցրեք միգրանտներին․ Բրյուսել են այցելել Հունգարիայի, Լեհաստանի և Չեխիայի ղեկավարները՝ Վիշեգրադի քառյակի երեք երկրներ, որոնք դժգոհ են փախստականների հոսքից: Նրանք քննադատում են վերջերս հայտարարված ԵՄ միգրացիոն քաղաքականության թարմացումը:
«ԵՄ հիմնական մոտեցումը մնում է անփոփոխ. Նա ցանկանում է կառավարել միգրացիան, այլ ոչ թե կանգնեցնել միգրանտներին»,- ասել է Հունգարիայի վարչապետ Վիկտոր Օրբանը, հավելելով, որ պետք է կանգնեցնել միգրանտներին:
ԱՄՆ-ն նոր պատժամիջոցներ է սահմանել Իրանի դեմ․ ԱՄՆ-ի գանձապետական դեպարտամենտը հինգշաբթի օրը պատժամիջոցներ է սահմանել Իրանի երկու անձանց և չորս կազմակերպությունների նկատմամբ: Դեպարտամենտը պատժամիջոցների ենթարկված՝ Իրանի դատական համակարգի հետ կապված ֆիզիկական ու իրավաբանական անձանց մեղադրել է մարդու իրավունքների խախտման մեջ:
ԱՄՆ սենատորներն առաջարկում են պատժամիջոցներ կիրառել Ռուսաստանի պաշտոնյաների նկատմամբ Նավալնիի հետ կապված․ Երկու կուսակցությունների ամերիկացի սենատորներն էլ օրինագիծ են ներկայացրել, որը նախատեսում է անձնական պատժամիջոցներ սահմանել Ռուսաստանի պաշտոնյաների համար՝ Ալեքսեյ Նավալնիի թունավորման հետ կապված:
«(Փաստաթուղթը) ենթադրում է պատժամիջոցներ Ռուսաստանի պաշտոնատար անձանց նկատմամբ, որոնք ներգրավված են միջազգային իրավունքի խախտումների մեջ, ներառյալ ընդդիմության առաջնորդ և հակակոռուպցիոն մարտիկ Ալեքսեյ Նավալնիի թունավորումը», - ասված է սենատոր Քրիս Կունսի կայքում տեղադրված հայտարարության մեջ:
Հասարակություն
Կալիֆորնիան արգելելու է բենզինով մեքենաները․ Կալիֆորնիան արգելելու է բենզինով աշխատող նոր մարդատար մեքենաների և բեռնատարների վաճառքը 2035 թվականից սկսած՝ էլեկտրական մեքենաների անցնելու և գազերի արտանետումները կրճատելու նպատակով, հայտարարել է նահանգապետ Գեվին Նյուսոմը:
«Կլիմայի փոփոխության դեմ պայքարելուն ուղղված սա մեր նահանգի կողմից մեծ ազդեցություն ունեցող քայլ է: Տասնամյակներ շարունակ մենք թույլ ենք տվել մեքենաներին աղտոտել այն օդը, որը շնչում են մեր երեխաներն ու ընտանիքները: Մեր ժողովուրդն արժանի է ունենալու այնպիսի մեքենա, որը երեխաների մոտ ասթմա չի առաջացնի... Մեքենաները չպետք է հալեցնեն սառցադաշտերը կամ բարձրացնեն ծովի մակարդակը` վտանգելով մեր լողափերը և առափնյա շրջանները»,-նասել է նահանգապետը:
Իրավունք
«Վերամշակված պահպանակներ»․ Վիետնամի ոստիկանությունն առգրավել է մոտ 345,000 օգտագործված պահպանակներ, որոնք մաքրվել և վերավաճառվել են՝ որպես նոր, հաղորդում են պետական լրատվամիջոցները: Այս շաբաթ Վիետնամի պետական հեռուստատեսության (ՎՏՎ) կողմից հեռարձակված կադրերում երևում է, որ օգտագործված հակաբեղմնավորիչները տասնյակ խոշոր պայուսակներով ցրված են հարավային Բին Դուոնգ նահանգի պահեստի հատակով:
Սպորտ
Երեկ բացասական, այսօր դրական՝ Զլատան Իբրահիմավիչը վարակվել է կորոնավիրուսով․ ֆուտբոլիստը թվիթերում գրել է, որ նախօրեի թեստը եղել է բացասական, իսկ այսօրվանը՝ դրական։
«Ախտանշաններ չունեմ։ Կովիդը խիզախություն ունեցավ ինձ էլ մարտահրավեր նետել․ վատ միտք»,- գրել է Իբրահիմովիչը։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին
