Ուկրաինայի խորհրդարանականը իր գործընկերոջը կոչ է անում ուշադիր ուսումնասիրել պատմությունը
Ուկրաինայի խորհրդարանի Հայաստանի հետ բարեկամության խմբի ղեկավար Արտյոմ Դմիտրուկը պատասխանել է իր գործընկերոջ հայտարարությանը՝ Ադրբեջանին ռազմական օգնություն ցուցաբերելու վերաբերյալ:
AnalitikaUA.net-ում հրապարակված լուրում ասվում է.
«Ես, որպես Հայաստանի Հանրապետության հետ միջխորհրդարանական կապերի խմբի ղեկավար, ցանկանում եմ ևս մեկ անգամ խաղաղ կարգավորման և հրադադարի կոչ անել ադրբեջանա-հայկական հակամարտության կողմերին: Մեր կողմից մենք պատրաստ ենք բազմակողմանի օգնություն տրամադրել Լեռնային Ղարաբաղի տուժած բոլոր խաղաղ բնակիչներին: Ցավակցությունս եմ հայտնում զոհվածների ընտանիքներին: Իսկ իմ գործընկերներից մի քանիսին խնդրում եմ դիմել ողջախոհությանն այս հակամարտության կապակցությամբ, ինչպես նաև խորհուրդ եմ տալիս ավելի ուշադիր ուսումնասիրել պատմությունը և չտարածել կեղծ տեղեկություններ»: