Ոստիկանություն. Այսօր հայտնաբերվել է արգելված հրապարակումների 124 դեպք
Ոստիկանության ստորաբաժանումների ձեռնարկած միջոցառումներով, հոկտեմբերի 21-ի ժամը 15․00-ի դրությամբ, հայտնաբերվել է արգելված հրապարակումների 124 դեպք, որոնցից 29-ը՝ լրատվական գործունեություն իրականացնողների, 95-ը՝ լրատվական գործունեություն չիրականացնող անձանց կողմից։
Ոստիկանությունից հայտնում են, որ հարուցված վարչական վարույթների արդյունքում 37-ով արդեն կիրառվել են վարչական տույժեր։ Մասնավորապես՝ լրատվական գործունեություն չիրականացնող 1 անձ տուգանվել է 700 հազար դրամի չափով, 28-ը՝ 300 հազար դրամի չափով, որոնցից 3-ը հրապարակումը չեն հեռացրել, ուստի, բացի հիշյալ 300 հազար դրամից, տուգանվել են նաև 700 հազար դրամի չափով։
9 լրատվական կայք էլ տուգանվել է 700 հազար դրամի չափով։ Ընդ որում, լրատվական կայքերից մեկը հրապարակումը չի վերացրել, ուստի լրատվամիջոցը, բացի հիշյալ 700 հազար դրամից, տուգանվել է նաև 1 միլիոն 500 հազար դրամի չափով։ Մյուս հրապարակումների հեղինակներին վարչական պատասխանատվության ենթարկելու ուղղությամբ միջոցառումներ են ձեռնարկվում։
Հարակից հրապարակումներ`
- Ինը լրատվական կայք տուգանվել է 700 հազարական դրամով
- Հոկտեմբերի 19-ի ժամը 16․00-ի դրությամբ հայտնաբերվել է արգելված հրապարակումների 108 դեպք
- Ոստիկանությունը հայտնաբերել է արգելված հրապարակումների 82 դեպք
- Ոստիկանությունն արգելված հրապարակումների 40 դեպք է հայտնաբերել