Չեխական DANA-ների հարցով հայաստանցի պատգամավորը չեխ գործընկերներին կոչ է արել հետաքննություն իրականացնել
Հայաստան- Չեխիա խորհրդարանական բարեկամության խմբի ղեկավար Գայանե Աբրահամյանը դիմել է չեխ գործընկերներին հետաքննելու, թե ինչպես են չեխական զենքերը հայտնվել Ադրբեջանում։
Նա գրել է.
«Որպես Հայաստան-Չեխիա խորհրդարանական բարեկամության խմբի ղեկավար դեռեւս անցյալ տարի հոկտեմբերին Չեխիա կատարած այցի ընթացքում թե' Չեխիայի Հանրապետության Խորհրդարանի պատգամավորների պալատի փոխխոսնակի ևՀայաստան- Չեխիա բարեկամության խմբի ղեկավարի հետ, թե' Չեխիայի Խորհրդարանի Սենատի փոխնախագահներ` Միլան Շտյեխի ևՄիլուշե Հորսկայի հետ հանդիպումներին բարձրացրել եմ մեր խիստ մտահոգությունները Չեխիայի կողմից Ադրբեջանին զենքի վաճառքի մասին տեղեկությունների վերաբերյալ, ի պատասխան ստացել հավաստիացումներ, որ երբեւէ ուղիղ վաճառք տեղի չի ունեցել ևլրատվամիջոցներում հայտնված հետաքննությունները իրականությանը չեն համապատասխանում։
Խորհրդարանական մեր գործընկերները վստահեցնում էին, որ չնայած Ադրբեջանի հետ ունեցած տնտեսական սերտ համագործակցությանը` զենքի վաճառքն անընդունելի է։
Սակայն պատերազմական այս օրերին մենք ստացանք հստակ փաստեր, որ Արցախի դեմ պատերազմում ադրբեջանական զինված ուժերի ստորաբաժանումները կիրառում են նաևչեխական 152 մմ տրամաչափի DANA ինքնագնաց հրետանային կայանքներ:
Չեխիայի Հանրապետության հետ մեր բազմամյա բարեկամությունը, որը հիմնված է մեր մշակութային ու պատմական ժառանգության, ժողովրդավարության ևմարդու հիմնարար իրավունքների պաշտպանության մեր համատեղ ջանքերի ու արժեքների վրա, պետք է բացառի նման մահաբեր զենքերի վաճառքը, առավել եւս այսօր, երբ ադրբեջանաթուրքական տանդեմը Հայաստանի դեմ ահաբեկչական պատերազմ է սանձազերծել։
Ահաբեկչական այս պատերազմն ուղղված չէ միայն Հայաստանի դեմ, սա զուտ հարձակում չէ ժողովրդավարության վրա, այլ ողջ տարածաշրջանն ապակայունացնող ևանդառնալի հետեւանքներ ենթադրող սանձարձակ հարձակում է, որում ներգրավված ևզենքի մատակարարմամբ զբաղվող որեւէ երկիր դիտարկվելու է որպես ահաբեկիչներին աջակցող։
Կոչ եմ արել Չեխիայի իմ գործընկերներին ներդնել բոլոր ջանքերն իրենց կառավարությունից պահանջելու կասեցնել գործարքները, խստորեն հետաքննել, թե ինչպես են այս մարտական կայանքները հայտնվել ահաբեկիչ երկրի զինված ուժերի շարքերում»։
Հարակից հրապարակումներ`
- Չեխիայի ԱԳՆ-ն տեղյակ չէ, թե ինչ ճանապարհով են չեխական արտադրության զինատեսակները հայտնվել Ադրբեջանում
- Թշնամական ուժերը կիրառում են նաև չեխական 152 մմ տրամաչափի DANA ինքնագնաց հրետանային կայանքներ․Արցախ ՊԲ
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին