Արթուր Վանեցյան. Հայտնի օլիգարխների թիկնապահներին ԱԱԾ համազգեստ են հագցնում, որ ընդդիմադիրներին ձերբակալեն
«Հայրենիք» կուսակցության նախագահ Արթուր Վանեցյանը խիստ դատապարտելի է համարում ԱԺ նախագահ Արարատ Միրզոյանի նկատմամբ բռնության կիրառումը։
«Իմ խորին համոզմամբ, Նիկոլ Փաշինյանը հատուկ այդ ամենը կազմակերպեց, որ հասարակության ուշադրությունը շեղի այս խայտառակ հայտարարության ստորագրումից, որ մարդիկ սկսկեն ապրել այս ներքին խնդիրներով»,- «Պրեսսինգ» հաղորդաշարում հայտարարեց ԱԱԾ նախկին տնօրեն Արթուր Վանեցյանը։
Հաղորդաշարի հեղինակ Սաթիկ Սեյրանյանը հիշեցրեց, Փաշինյանը ֆեյսբուքյան իր էջում հայտարարել էր՝ ամառանոցից տարել են իր ժամացույցը, օծանելիքը։
«Իր ժամացույցն ու օծանելիքն են տարել, բայց հազարավոր մայրեր կորցրել են իրենց երեխաներին։ Ցավոք, նրանցից շատ շատերը չեն կարողանում գտնել իրենց երեխաների, հարազատների դիակները։ Իսկ էս մարդը խոսում է օծանելիքի ու ժամացույցի մասին։ Քեզ պետք է գողանային, տանեին շպրտեին ... համապատասխան տեղ։ Իսկ էսօր վախկոտի պես փախել, թաքնվել է»,- ասաց Ա. Վանեցյանը։
Հարցին, թե Փաշինյանը Հայաստանո՞ւմ է, Վանեցյանն արձագանքեց. «Իմ ունեցած տվյալներով Հայաստանում է, թաքնվում է անհայտ վայրում, շատ գաղտնի պայմաններում, իրավապահ համակարգի մեծամասնությունը հրաժարվում են կատարվել նրա ապօրինի հրամանները»։
«Այդ պատճառով երեկ ոստիկանությունում եղավ երկու բարձրաստիճան պաշտոնյաների փոփոխություն, ԱԱԾ-ում ևս հրաժարվել են կատարել նրա ապօրինի հանձնարարությունը, ինչի արդյունքում, իմ չսիրած բառով ասեմ, օդում կախված լուրերի համաձայն, այսօր Նիկոլ Փաշինյանը կառավարական ամառանոցներում, որտեղ ապրում են, նստած են մարդիկ ու ձևավորում են հրոսակախմբեր, մեր հայտարարված հանրահավաքը խանգարելու ու քաղաքացիական բախումներ, պատերազմ հրահրելու համար։ Բաժանում են նրանց զինվորական համազգսետներ, սովորեցնում են, թե ինչ պետք է ասել, բայց նրանց մեծամասնությունը քրեական տարրեր են, հայտնի օլիգարխներից վերցված թիկնապահներ, որոնց հագցնում են ԱԱԾ աշխատակիցների համազգեստ, որոնք պետք է փորձեն իրականացնել քաղաքական ընդդիմադիր գործիչների ձերբակալություններ։ Համազգեստը, որ Փաշինյանն ասում էր, հագեք եկեք գնացեք առաջնագիծ, այսօր դա տալիս են այդ հրոսակախմբերին, որ փորձեն իրականացնել պրովակացիաներ ու փորձեն բերել քաղաքացիական պատերազմի»,- ասաց «Հայրենիք» կուսակցության նախագահը։
ԱԱԾ նախկին տնօրենը նշեց զգուշացնում է բոլորին, հանկարծ նման քայլի չդիմել։
«Դիմում եմ ԱԱԾ տնօրենին, ոստիկանապետին, խնդրում եմ տղեք, դեմը առեք, չի կարելի, սա երկիր է, պետություն է, Նիկոլ Փաշինյանի պաշտոնը մի քանի օրով երկարաձգելու համար չգնաք նման հանցագործությունների, գնացեք ու կանխեք»,- ասաց նա։
Վանեցյանի խոսքով, ԱԱԾ հարյուրավոր աշխատակիցներ այս օրերին դիմումներ են գրում ու դուրս գալիս, նա պնդում է՝ իրավապահ համակարգը Նիկոլ Փաշինյանի անհեթեթ որոշումների պատճառով գոյություն չունի։
Հիշեցնենք, որ այսօր 17 կուսակցություններ Ազատության հրապարակում հրավիրել են Հանրահավաք, որտեղ որտեղ կներկայացնեն ստեղծված իրավիճակից ելքը:
Հարակից հրապարակումներ`
- Արթուր Վանեցյան. Նիկոլ Փաշինյանը քրոնիկ ստախոս է, ստում է ցանկացած առիթով
- Արթուր Վանեցյան. Միակ մեղավորը Հայաստանում այսօր պաշտոնավարող դավաճանների խմբակն է
- Բոլորս դեպի Ազատության հրապարակ․ Արթուր Ղազինյան
- 17 կուսակցություններ նոյեմբերի 11-ին Ազատության հրապարակում հրավիրում են հանրահավաքի
Լրահոս
Տեսանյութեր
Փաշինյան, «5-րդ շարասյուն», ներսի ցեցեր. Ըստ քաղաքացիների՝ ՀՀ-ի անվտանգության հիմնական սպառնալիքները