Նոյեմբերի 10-ին ժողովուրդը պիտի ջարդեր այդ ստահակի գլուխը, որը թուրքին տվեց մեր հայրենիքը. Եսայան
«Մենք պարտվեցինք, քանի որ խաբված ժողովուրդ ենք, խաբված հասարակություն և խաբված պետություն, քանի որ այն ուժը, որն այսօր պահում է զավթած իշխանությունը, հենց այդ նպատակով էլ եկել էր»,- այսօր հրավիրված մամուլի ասուլիսում ասաց ՀՀԿ-ական նախկին պատգամավոր Մարգարիտ Եսայանը։
Ըստ նրա, 2.5 տարի շարունակ անընդհատ ասվել է, որ այս իշխանությունն անմիջական կապ ունի Արցախի հիմնախնդրի հետ, և դա ապացուցվեց.
«Նիկոլի և իր թայֆայի թիվ մեկ նպատակն էր գալ և Արցախի հարցը լուծել՝ ոչ հայանպաստ եղանակով։ Եվ Նիկոլը ճիշտ էր ասում, ինքը Հայաստանի միակ ղեկավարն է, որ պատրաստ է գտնել այնպիսի լուծում, որն ընդունելի կլինի Ադրբեջանի համար։ Մարդն ասաց ու արեց։ Ինքը դա արեց Ադրբեջանի համար, և Ադրբեջանը պատրաստվում է նրան ազգային հերոսի կոչում տալ, այսօր ադրբեջանցիները փառաբանում են Նիկոլ Փաշինյանին, իսկ հայերը զզվում են, ատում են նրան, և ամեն ինչ պիտի անեն, որ նա օր առաջ հեռանա»։
Մարգարիտ Եսայանը շեշտեց՝ պետք է համաժողվրդական ընդվզում լինի, որը, ցավալիորեն այս պահին դեռ չկա, մինչդեռ սոցիալական ցանցերում Փաշինյանի վարկանիշը զրոյական է։
«Ես կարծում եմ, որ նոյեմբերի 10-ին բոլոր գյուղերում ու քաղաքներում ժողովուրդը պիտի դուրս գար ու փակեր փողոցները, պիտի ջարդեր այս ստահակի գլուխը, որը թուրքին տվեց մեր հայրենիքը։ 30 տարի ազատ, անկախ ապրած, բարգավաճած Արցախը նա թուրքին տվեց՝ զրոյացնելով մեր բանակի բոլոր հաջողությունները, ինչպես նաև մեր բոլոր հերոսների հերոսությունները։ Նա ամեն ինչ հավասարեցրեց հողին, իսկ ժողովրդի ընդվզումը համաժողովրդական չեղավ։ Իրեն, բառիս բուն իմաստով, պետք է քարշ տային Կառավարության շենքից, կանգնեցնեին Հանրապետության հրապարակում և գլուխը ջարդեին։ Ես այս ամենն ասում եմ շատ հուզված, բոլորս ենք հուզված ու նեղսրտած»,- նշեց նախկին պատգամավորը։
Նրա պնդմամբ՝ հրով լինի, թե սրով, Նիկոլ Փաշինյանը պետք է գնա, քանի որ իր իշխանության ամեն րոպեն, ամեն ժամը ի վնաս Հայաստանի է.
«Բացի այն խայտառակ քարտեզից, որով տվել է Արցախը, այսօր նաև Հայաստանն է շռայլորեն տալիս։ Թուրքերն ինչ ուզում են, գալիս հանգիստ վերցնում են, ինչպես ուզում են, իրենց պահում են։ Բացի այդ, բոլոր տղերքի արյան ամբողջ բեռը մեկ մարդու վրա է, և այդ մարդու անունը Նիկոլ է։ Այժմ պետք է նիկոլիզմը մաքրել ու քերել Հայաստանից, քանի որ դա ի վնաս Հայաստանի ու ի վնաս Արցախի է։
Մենք ունենք այդքան գերիներ, այդքան անհայտ կորածներ, բայց ոչ ոք դրանով չի զբաղվում, քանի որ պետություն չունենք։ Ով ոնց ուզում է, թող հասկանա։ Մենք ունենք մարդկանց մի խումբ, մի թայֆա, որն այսօր բառացիորեն իր պարգևավճարների մասին է խոսում, ինչ-որ սրճարան ու շատրվան է սարքում։ Էն որ ասում է՝ «մեր սև սիրտ, ձեր վարդագույն ...»։ Հիմա դրա ժամանա՞կն է, այ տղա։ Էդ ո՞ւմ ես ծաղրում»։
Հարակից հրապարակումներ`
- Մարդիկ Փաշինյանի տեսաուղերձում ակնկալում են լսել նրա հրաժարականի մասին
- Իջևանում պահանջել են Փաշինյանի հրաժարականը
- Հայաստանի վարչապետը պետք է հրաժարական տա, և սահմանադրորեն ընտրվեն նոր վարչապետ և իրավասու կառավարություն.ՌՀՄ