Արցախի նախագահը իշխանությունը փաստացի հանձնեց ԱԽ քարտուղար Վիտալի Բալասանյանին. Ղազինյան
Այսօր «Հայրենիքի փրկության շարժման» կազմակերպած Արժանապատվության երթի ընթացքում «Մեկ Հայաստան» կուսակցության ղեկավար Արթուր Ղազինյանը լրագրողների հետ զրույցում անդրադառնալով Արցախի նախագահ Արայիկ Հարությունյանի հայտարարությանը, թե նախագահի բոլոր հրամանագրերն ու կառավարության որոշումներն ընդունվելու են բացառապես Անվտանգության խորհրդի դրական եզրակացությամբ, նշեց, որ Արցախի նախագահը իշխանությունը հանձնել է Անվտանգության խորհրդի քարտուղար Վիտալի Բալասանյանին։
«Ֆորմալ առումով հրաժարական չի ներկայացրել մի պատճառով, որովհետև ռազմական դրության պայմաններում պատերազմը դեռ մինչև վերջ չի ավարտվել, արտահերթ նախագահական ընտրություններ անցկացնելու հնարավորություն օբյեկտիվորեն չկա»,- ասաց Ղազինյանը։
Նրա խոսքով, ԱՀ նախագահը կարևոր բացահայտումների մասին էլ է խոսել, որոնցից ամենակարևորն այն է, որ պատերազմը իրոք հնարավոր էր ավելի շուտ կանգնեցնել։
«Արայիկ Հարությունյանը խոստովանեց, որ պատերազմն ավելի շուտ կարող էր կանգնել՝ մեզ համար ավելի ձեռնտու պայմաններով։ Դա առանցքային էր ԱՀ նախագահի կողմից ինքնախոստովանական ցուցմունքում, բայց նա դեռ ամեն ինչ չի ասել, պետք է ասեր, թե կոնկրետ ո՞ւմ հրամանով, ցանկությամբ ու պահանջով պատերազմը ավելի շուտ՝ մեզ համար ավելի բարենպաստ պայմաններով չի կանգնեցվել»,- շեշտեց Արթուր Ղազինյանը։
Ըստ նրա, Արցախի նախագահը ամրապնդող ցուցմունք է ներկայացրել՝ ապագա քրեկան գործով, որ նաև իր անձնական միջամտությամբ փորձ է եղել կանգնեցնել պատերազմը, ինչին Նիկոլ Փաշինյանը ընդդիմացել է։
«Իմ ունեցած տեղեկություններով դեռ հոկտեմբերի առաջին շաբաթվա ընթացքում է առաջարկությունը արվել՝ կիրառման մեջ դնել Լավրովի ծրագիրը, ինչից Փաշինյանը հրաժարվել է, միգուցե, որովհետև այդ ծրագրում Շուշին հանձնելու կետ չկար»,- ներկայացրեց «Մեկ Հայաստան» կուսակցության ղեկավարը։
Անդրադառնալով ՀՀ գլխավոր դատախազին ուղղված հինգ հարցերին՝ Արթուր Ղազինյանը նշեց, որ դրանք արդեն տարբվել են Դատախազություն, և ինքը հույս ունի, որ դատախազությունը բարեխիղճ կգտնվի, և վաղը պատասխանները կտրամադրի։
«Այդ հարցերը վերաբերում ենք հարյուր հազարավոր քաղաքացիներին։ Սա հանրային պահանջ է՝ ներկայացված գլխավոր դատախազին, և մեր հանրությունն իրավունք ունի ստանալու այդ հարցերի պատասխանները»,-նշեց նա։
Հարակից հրապարակումներ`
Լրահոս
Տեսանյութեր
Արևմտյան Հայաստանի ու արդեն Արցախի հուշարձանները՝ «ցեղասպանված հուշարձաններ»
