Ձեր վստահելի աղբյուրը

Կառավարության այսօրվա  նիստի օրակարգում ընդգրկված չզեկուցվող հարցերի շարքում կային բազմաթիվ նախագծեր, որոնք նախարարական կոմիտեում խմբագրման էին ենթարկվել, բայց կառավարության նիստին ներկայացվել էին դրանց չուղղված տարբերակները:  Ֆինանսների , աշախատանքի և սոցիալական հարցերի և տարածքային կառավարկան և ենթակառուցվածների նախարարները խնդրեցի նիստում որոշումները հաստատելուց հետո համապատասխան փոփոխություններ անել դրանցում:

Էկոնոմիկայի նախարար Վահե Քերոբյանն էլ նկատեց, որ Ատոմ Ջանջուղազյանի դիտարկման տակ ընկնում են չզեկուցվող 44 հարցերի կեսը:
Նիկոլ Փաշինյանը հայտնեց, որ նախագծերն այդ տեսքով կընդունվեն, որից հետո համապատասխան որոշումներ կլինեն դրանց վերաբերյալ:
Արդարադատության նախարար Ռուստամ Բադասյանը արտահերթ ձայնի իրավունքով ներկայացրեց չզեկուցվող Քաղաքացիական օրենսգրքում և «ՀՀ պաշտպանության ժամանակ զինծառայողի  առողջությանը հասցված վնասի հատուցման մասին»  օրենքում կատարված մի շարք փոփոխությունները, որոնք թույլ կտան շահառուներին հատուցում ստանալ զինծառայողների հմնադրմից:

Ռուստամ  Բադասյանի ներկայացմամբ, անհայտ բացակայող ճանաչելու համար  գործող կարգավորումներով անհրաժեշտ է վերջին մեկ տարում բնակության վայրից բացակայելու մասին հաստատում, իսկ նոր կարգավորմամբ զինծառայողների համար հատուկ սահմանվել է 3 ամիս ժամկետը և հետադարձ ուժով այն տարածում է սեպտեմբրի 27-ից հետո ծագած հարաբերությունների վրա:  Նախարարի խոսքով, այդ խմբի զինծառայողների ընտանիքի անդամները կարող են դիմել դատարան անհայտ ճանաչելու հիմքով և դատական ակտը օրինական ուժի մեջ մտնելուց հետո դիմել «Զինծառայողների կյանքին կամ առողջությանը պատճառված վնասների հատուցման»  հիմնադրամ և ստանալ գումարները:
Բադասյանը հայտնեց, որ գործող օրենքով դատական ակտն ուժի մեջ մտնելուց հետո 6 ամիս պետք է անցնի, որպեսզի հատուցումը տրամադրվի, իսկ նոր փոփոխություններով այդ ժամկետը նույնպես կրճատվել է:

Նախարաը հայտնեց, որ խոսքը  գնում է 70 կամ 82 մլն դրամի հատուցման մասին, որից 10 միլիոնը տրվում է միանվագ իսկ մնացածը՝ 20 տարվա ընթացքում հավասարաչափ բաշխման միջոցով:
Արդարադատության նախարարը ներկայացրեց, որ մյուս փոփոխություններով նախատեսված է, որ այն քաղաքացիներին, որոնք կամավոր են մասնակցել ռազմական գործողություններին և զորակոչի որևէ ձևաչափում չեն ընդգրկվել,  հնարավորություն է տրվել ՊՆ տեղեկանքի հիման վրա նույնպես օգտվել հիմնադրամի միջոցներից:

Ըստ Բադասյանի, դրոշմանիշային վճարների չափը նույնպես փոխվում է,  քանի որ վերջին պատերազմի զոհերի մեծ թվի պատճառով  «Զինծառայողների կյանքին կամ առողջությանը պատճառված վնասների հատուցման» հիմնադրամը չի կարողանում վճարել բոլոր շահառուներին: Ըստ փոփոխությունների, մինչև 100 հազար դրամ եկամուտ  ունեցողների համար դրոշմանիշների վճարը կլինի 1500 դրամ: 100 - 200 հազար դրամ եկամուտի դեպքում՝ 3 հազար դրամ  և գնահատման սանդղակը հասնում է 15 հազար դրամի՝ 1 մլն դամից ավել եկամուտ ունեցողների համար: