Ջո Բայդենի առաջին լիակատար շաբաթը որպես երկրի նախագահ
Ջո Բայդենն այսօր սկսում է ԱՄՆ-ի նախագահի պաշտոնում առաջին ամբողջական շաբաթը: Շաբաթ, որի ընթացքում նախկին նախագահ Դոնալդ Թրամփի իմփիչմենթի մասին հոդվածը Ներկայացուցիչների պալատից ուղարկվելու է Սենատ: Այստեղ, որպես ատենակալներ երդում կտան սենատորները, որից երկու շաբաթ անց կսկսեն դատավարությունը:Այս մասին գրում է Ամերիկայի Ձայնը։
Սակայն երկրի տարբեր շրջաններում խորը պառակտումներ են առկա ժողովրդի մեջ այն հարցում, թե ինչ էր Թրամփն ասել մինչև հունվարի 6-ին Կոնգրեսի դեմ իրականացված գրոհը: Մարդկանց մոտ չկա համաձայնություն նաև նախագահական ընտրությունների արդյունքի շուրջ: Չնայած Թրամփի կողմնակիցները պնդում են, որ եղել են կեղծումներ հօգուտ Բայդենի, այս հարցով ներկայացված որևէ հայց չի տարել հաղթանակ դատարաններում:
Հանրապետական սենատոր Ռենդ Փոլը ևս հավատացած է, որ կան կեղծումների մասին փաստեր, և կոչ է անում սկսել մանրազննին քննություն:
Ինչևէ, իմփիչմենթի դատավարությունն ԱՄՆ-ում մտադիր են անցկացնել այն ժամանակահատվածում, երբ Բայդենի վարչակազմը դեռևս շատ այլ անելիքներ ունի Կոնգրեսի հետ, երբ համավարակն էլ շարունակում է արագ տարածվել ԱՄՆ-ում:
Սակայն դեմոկրատ սենատոր Էմի Քլոբուչարն այն սենատորներից է, որոնք հավատացած են, որ նույնիսկ այս գերծանրաբեռնված օրերին է հնարավոր անցկացնել իմփիչմենթի հարցով դատավարությունը:
ԱՄՆ-ում մինչ այսօր գրանցվել է կորոնավիրուսով վարակվելու ավելի քան 25 դեպք: Կովիդ հիվանդությանն այստեղ զոհ գնացածների թիվը հասել է 420 հազարի:
Համավարակի դեմ պայքարի շրջանակներում Բայդենը ստորագրել է դաշնային հաստատություններում, քաղաքային ավտոբուսներում ու մետրոյում, ինչպես նաև օդանավակայաններում ու ինքնաթիռների մեջ դիմակ կրելու պարտավորությունների մասին հրաման:
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում