Խաչատուրովը՝ դատավորին. Հանեք Ձեր դիմակը, նայեք հայելու մեջ ու Ձեզ հարց տվեք
«Հարգելի դատարան, մեզ զարմացնում է մի փաստ։ Մեր երկրում չկա մի դատավոր, որ Ձեզանից ավելի ենթարկվող է, և մենք ռիսկի ենք գնում Ձեր ինքնաբացարկը պահանջելով։ Ես ձեզանից տարիքով մի քիչ մեծ եմ ու խորհուրդ եմ տալիս, երբ խորհրդակցական սենյակ եք մտնում, ես չգիտեմ այնտեղ հայելի կա, թե ոչ, բայց հանեք Ձեր դիմակը, նայեք հայելու մեջ և հիշեք Էրիկ Ալեքսանյանի խոսքերը»,-դատարանի դահլիճում, դատավոր Աննա Դանիբեկյանին դիմելով, իր խոսքում ասաց ԶՈւ ԳՇ նախկին պետ Յուրի Խաչատուրովը։
Նա հիշեցրեց Արմեն Գևորգյանի պաշտպանի խոսքերը, ապա խորհուրդ տվեց դատավորին ինքն իրեն հարց ուղղել՝ կարո՞ղ է արդյոք օբյեկտիվ լինել։ Նա հույս հայտնեց, որ հարցից հետո հնարավոր է Դանիբեկյանը որոշի հեռանալ այս գործի վարույթից։
«Եթե դատախազությունը որոշի ձեզանից նեղանալ, ապա ես խոստանում եմ, կխնդրեմ իմ փաստաբանին Ձեզ պաշտպանի։ Դուք գեղեցիկ ու երիտասարդ կին եք, մտածեք Ձեր ապագայի մասին։ Առողջ եղեք»,- ասաց նա։
Հիշեցնենք, որ Արմեն Գևորգյանի փաստաբան Էրիկ Ալեքսանյանն այսօր ինքնաբացարկ հայտնեց դատավոր Դանիբեկյանին՝ ընդգծելով, որ նա կատարել է հանցագործություն, պետք է ենթարկվի պատասխանատվության, բացի այդ, նա չի կարող այս գործով լինել օբյեկտիվ, անաչառ դատավոր։
Հարակից հրապարակումներ`
- Դատարանն ավարտեց բացարկի միջնորդության քննարկումը
- Ալումյանը՝ դատավորին. Ինձանից պաշտպանո՞ւմ եք այս միկրոֆոնը
- Արմեն Գևորգյան. Ինչի՞ մասին եմ ես լռել, որն այսօր պետք է բարձրաձայնեմ
- Ռոբերտ Քոչարյանը հինգ օր կբացակայի հանրապետությունից
- Արմեն Գևորգյանի պաշտպանն ինքնաբացարկ հայտնեց դատավոր Դանիբեկյանին